Ngai 31/7, Gơnoar at bồ lơgar neh tơlik ngui kơrnuat sồ 79 nam 2014 bơh Gơnoar at bồ lơgar geh cih nền nòn bè ờ ua\ bơta bơh adat rcang sơndra\ ồs sa mờ crùh ồs sa mờ adat bơsir ờ ua\ bơta bơh adat rcang sơndra\ ồs sa mờ crùh ồs sa.

Kơrnuat ngui tus mờ anih lơh broă, mpồl cau mờ hìu bơnhă tàm broă lơh rcăng sơndră mờ crùh ồs sa mờ anih lơh broă, mpồl cau mờ hìu bơnhă ndai geh gơ rềng tus broă lơh rcăng sơndră mờ crùh ồs sa tàm lơgar Việt Nam.

Jăt hơ\, bơta ờdo ờdă bè rcăng sơndră mờ crùh ồs sa tus mờ bòn ơm kis bè do: Geh jơnau cih, bơta pal jăt bè rcăng sơndră mờ crùh ồs sa, bè ngui đèng, ngui ồs mờ ală phan bươn gơbàn ồs sa, bơrtoh; geh kơbàng kơr yăn, kơbàng yal, sră sềr rùp halà kơbàng bơto pơlam bè rcăng sơndră mờ crùh ồs sa, dô pleh dipal mờ bơta is rơmis bơh bòn ơm kis dê; Geh rơndăp lơh mờ pal geh sền sơ wì ki\ rơndăp lơh bè rcăng sơndră mờ crùh ồs sa tus mờ bòn ơm kis bơ\t bơtàu pa; Ală gùng che đèng pal tơl khà ờdo ờdă bè rcăng sơndră mờ crùh ồs sa; Geh ală gùng lòt, dà ngui tàm broă crùh ồs sa, broă lơh sơndră ồs sa gơ rề, phan ngui rcăng sơndră mờ crùh ồs sa halà jăt jơnau pal jăt bơh Gah kuang àng dà lơgar dê; Geh broă rơndăp lơh crùh ồs sa mờ dô pleh neh geh kơnă lơh broă geh gơnoar ki\ jăt jơnau cih tàm kơrnuat do; Geh mpồl làng bol rcăng gàr lài geh bơto pơlam broă lơh rcăng sơndră mờ crùh ồs sa mờ lam lơh broă sùm rcăng crùh ồs sa lơh geh jơnau kờ` crùh ồs sa dùl bă tiah; Geh sră nggal ătbồ, jăt sền broă lơh rcăng sơndră mờ crùh ồs sa jăt jơnau pal jăt bơh Gah kuăng àng dà lơgar dê.

Tơngume sền sơ wì ờdo ờdă bè rcăng sơndră mờ crùh ồs sa tàm hơ\ geh: Bơta ờdo ờdă bè rcăng sơndră mờ crùh ồs sa bơh bòn lơgar dê; bòn ơm kis, hìu bơnhă, brê, rơndeh lòt rê jăt jơnau cih bơh Adăt Rcăng sơndră mờ crùh ồs sa, Kơrnuat do mờ ală jơnau cih bơh kơrnuat geh gơ rềng dê; Broă mu\t lơh kơ nòl broă rcăng sơndră mờ crùh ồs sa bơh tơl nă cau cih tàm Adăt Rcăng sơndră mờ crùh ồs sa, Kơrnuat do mờ ală jơnau cih bơh kơr nuăt boh lam geh gơ rềng; Broă lơh jăt ală jơnau cih bơh Adăt Rcăng sơndră mờ crùh ồs sa, kơrnuat do, tơl khà, bơta tơl khà măi moc\, ală jơnau cih bơh kơrnuat geh gơ rềng mờ ală jơnau sồr bè rcăng sơndră mờ crùh ồs sa bơh anih lơh broă Kảnh sát rcăng sơndră mờ crùh ồs sa.

Ală rơndeh, ơ hò, rơndeh par mờ ală rơndeh lòt rê ndai bơh mpồl kảnh sát rcăng sơndră mờ crùh ồs sa tu\ lòt crùh ồs sa mờ drơng broă crùh ồs sa geh ngui tềl sơnio ai lài, gơnoar ai lài lòt rê mờ ală gơnoar ai lài ndai jăt jơnau cih bơh kơrnuat boh lam dê.

Rơndeh bơh anih lơh broă, mpồl cau mờ cau dùl nă să is geh hòi tus lơh kơ nòl broă crùh ồs sa geh dờp gơnoar ai lài cih tàm bơta b, sèng 2, tăp 36 Adăt rcăng sơndră mờ crùh ồs sa mờ geh ai lài lòt gan rbàng, sơlàng mờ geh ờ sa priă lòt rê tàm gùng.

Cau geh hòi tus lơh kơ nòl broă crùh ồs sa tu\ tă sră sồr tus lơh broă den cau tờm rơndeh halà cau măi rơndeh halà ală cau geh kơnòl geh gơ rềng bơsong lòt mhar tơn tàm tơngai gờn ngan rlau jơh.

Kơrnuat do geh ai ngui kờp bơh ngai 15/9/2014, mờ ala kơrnuat sồ 35 ki\ ngai 4 nhai 4 nam 2013 cih nền cê mu\t lơh ờ uă bơta bơh Adăt Rcăng sơndră mờ crùh ồs sa mờ Bơta 1 Kơrnuat sồ 46 ngai 22 nhai 5 nam 2012 tam gơl, bơtơl ờ uă bơta bơh Kơrnuat sồ 35 ngai 4 nhai 4 nam 2003 cih nền cê lơh jăt ờ uă bơta bơh Adăt Rcăng sơndră mờ crùh ồs sa.

                                                                  Cau mblàng Lơ Mu K’ Yến.