Tơnơ\ mờ tu\ tơn jơh pơrjum dơ\ 8, Gơnoar ala mat dà lơgar kơnă 13, mpồl kuang bàng gơnoar ala mat dà lơgar càr Dak Nông neh tìp mat cau te\ khà nàng yal cồng nha pơrjum mờ mut lơh ờ uă broă lơh geh kuơ.

Tàm dơ\ tìp mờ cau te\ khà dơ\ do, mpồl kuang bàng tàm Gơnoar ala mat dà lơgar càr Dak Nông neh bơyai lơh tàm [òn drà Gia Nghĩa mờ 5 kơnhoàl, tàm hơ\ geh kơnhoàl Dak Glong, Dak Mil, Dak Song, Dak Rlấp, Cư\ Ju\t mờ Krông Nô. Bơh tàm dơ\ tìp mờ cau te\ khà, ală kuang bàng tàm Gơnoar ala mat dà lơgar càr Dak Nông neh tơl^k nùs nhơm chờ hờp ngan mờ cồng nha pơrjum kung bè pơn jờng cồng nha đùh sră pồ pin dờn, tơl^k broă lơh di pal mờ geh cồng nha broă lơh bơh tơl mpồl geh ai sră pồ pin dờn dơ\ do dê. Bu\ lah bè hơ\, geh ờ uă cau te\ khà đơs là, ală broă neh cri bơyai loh làng tàm pơrjum Gơnoar ala mat dà lơgar pal geh lơh jăt. Cau te\ khà Nguyễn Thị Thuý, kis tàm ntum Dak Wil, kơnhoàl Cư\ Ju\t đơs:“Tơnơ\ mờ pơrjum Gơnoar ala mat dà lơgar pa do den ală kuang bàng neh yal tơrgùm bal bè dơ\ pơrjum, ală cau te\ khà bol a` neh g^t mùl màl rơlao. Uă broă mờ cau te\ khà bol a` sền gròi ngan neh geh mbàng di pal tàm pơrjum Gơnoar ala măt dà lơgar pa do. Bu\ lah bè hơ\, jăt a` go\ kuang bàng pal sền gròi nền nòn rơlao tai, lơh niam rơlao tai kờ` ală gah, mpồl lơh broă tàm do lơh jăt mờ jơnau cau te\ khà kơ\p kờ`, kung bè bơsong broă lơh, ai sră ngui ù làng bol in, ha là sền gàr brê, pal geh lơh”.

Kung tàm dơ\ tìp mờ cau te\ khà do, ală cau te\ khà neh đơs loh ală broă gam sền gròi ngan tu\ do bè: broă bơcri priă lơh ồs đèng, lơh gùng lòt, lơh hìu bơsram, lơh hìu sơnơm gam lơyaì, lơh ờ niam tus rài kis làng bol. Broă jàu ù, jàu brê gam uă kal ke, rài kis làng bol kòn cau gam tìp uă kal ke. Bơdìh hơ\ tai, broă sơgràm ù brê gơl^k geh uă mờ ờ hềt geh broă kơrian di pal, geh cồng nha. Cau te\ khà kung tơl^k nùs nhơm ờ su\k ơm ngan bè broă lơh sră ngui ù, tàm hơ\ uă ngan là tus mờ uă hìu làng bol kis neh jo\ nam mơya ờ geh ai sră ngui ù. Cau te\ khà đơs là, bơta do lơh kal ke tus mờ broă lơh sa, kung bè gơnoar geh ngui ù tiah làng bol dê. Den tàng, geh uă cau te\ khà neh dan ală gah, mpồl lơh broă geh gơnoar gờ` geh broă bơsong. Bè broă ai broă lơh, tàm hơ\ uă ngan là tus mờ ală ơruh pơnu tơnơ\ mờ tu\ neh jơh bơsram tàm hìu bơsram dờng, hìu bơsram Cao đẳngm trung học chuyên nghiệp, cau te\ khà Ka Ngoan, kis tàm ntum Quảng Sơn, kơnhoàl Dak Glong đơs:“Bè ờ uă jơnau đơs mờ kuang bàng neh hơ tềng đăp mờ dơ\ pơrjum, den a` kung go\ ờ uă jơnau đơs geh di pal. Bu\ lah bè hơ\, bè broă ai broă lơh ală oh kòn làng bol kòn cau in tơnơ\ mờ tu\ neh jơh bơsram ală ơdu\ bơsram trung cấp, Cao đẳng, hìu bơsram dờng tu\ do neh jơh bơsram mơya ờ hềt geh broă lơh. Mìng is să tòm a` kung dan, kơ\p kờ` ală gah, mpồl lơh broă sền gròi rơlao tai tus mờ broă ai broă lơh oh kòn in”.

Bơdìh mờ ală dơ\ tìp, iăt uă jơnau đơs, jơnau kơ\p kờ` bơh làng bol dê, mpồl kuang bàng tàm Gơnoar ala mat dà lơgar càr Dak Nông gam geh dơ\ tìp jăt mờ tơngu me broă lơh ơruh pơnu mờ kơnòm bơsram bal mờ cau pơgru tàm hìu bơsram kai 3 chuyên Nguyễn Chí Thanh. Ală broă cau te\ khà đơs, bè broă tam gơl pa sra măy, broă bơto pa, wèt tus broă lơh neh geh ală kuang bàng dờp mờ hơ\. Mò Tôn Nữ Ngọc Hạnh kuang jăt jơng atbồ mpồl kuang bàng tàm Gơnoar ala mat dà lơgar càr Dak Nông pà g^t:“Tàm dơ\ tìp mờ cau te\ khà ngai di, kung bè tàm uă dơ\ sền gròi broă lơh ndai den kung neh iăt ală jơnau đơs bơh cau te\ khà dê. Bơh tàm jơnau đơs cau te\ khà, bol a` neh pơyoa jơnau đơs do tus mờ ală anih lơh broă, ală gah, mpồl lơh broă geh gơnoar den bol a` geh iăt mờ yal tus mờ pơrjum Gơnoar ala mat dà lơgar tus do in”.

Kung tàm dơ\ tìp mờ cau te\ khà pa do, mpồl kuang bàng tàm Gơnoar ala mat dà lơgar càr Dak Nông kung neh jàu pà g^t nđờ pò phan ai ală kơnòm bơsram geh rài kis rơ[ah, bơsram jăk, pà cau kra ờ geh cau ròng siam mờ cau rơ[ah làng bol in cau in.

                                                                  }au mblàng Ndong Brawl.