VOV4.K’ ho- Ală nam pa do, bal mờ broă lơh jat kơnòl broă bơtàu tơnguh lơh sa, ală mpồl lơh broă bơh Binh đoàn 15, Bộ Quốc phòng neh lơh ngan lơh ală hìu bơsram tàm ală mpồl lơh sa kềng gah tiah nhàr lơgar đah Tô Tây Nguyên. Bơta do ờ mìng ai geh bơta buơn ai oh kòn cau lơh broă in lòt bơsram mờ gam dong gàr kơ\ ală tiah làng bol ơm kis tiah nhàr lơgar, lơh gơs tiah kơ\ kơl jap sền gàr tiah nhàr lơgar.

Bulah neh mut tàm kàl rlô bơkang, mơya cơl du\ mẫu giáo tàm hìu bơsram Phan Đăng Lưu, [òn Goòng, xã Ia Puch, kơnhoàl Chư Prông, càr Gia Lai, kung gam uă ngan jơnau sap `o\\, nhơl chờ bơh kơnòm dềt dê. Tài bơh, ală sau dềt tàm do ndrờm là oh kòn kông nhân, cau lơh broă gơ wèt mpồl lơh sa 14,15 mờ 19, kông ty Bình Dương, Binh đoàn 15 dê. Tu\ lơi mè bèp ờ ru gam lơh broă den tu\ hơ\ oh kòn gam lòt bơsram.

Cơl du\ mẫu giáo hìu bơsram Phan Đăng Lưu, đội 15, kông ty Bình Dương, Binh đoàn 15.

Bi Lê Văn Hoàn, kông nhân quốc phòng mpồl lơh sa 15, kông ty Bình Dương pà g^t, pơgap mờ do bàr pe nam, ală kòn bi dê kờ` lòt bơsram pal sơr lèt 14 kơi sồ gùng ù nàng tus trung tâm xã Ia Puch, kơnhoàl Chư Prông. Tàm kàl mìu, pah dơ\ lòt tus rbàng yồng gơbàn ngơr dà tài mìu dà ko\ dà cò bồ  kàl, g^t nđờ jơ\t nă sau dềt pal ơm bơsram tàm hìu, broă bơsram sùm rah rài. Uă hìu bơnhă neh pal pơyoa sau mờ ală cau jơi nòi tiah ngài halà ơm lơh broă trờn tus tiah ndai nàng broă bơsram oh kòn he dê geh buơn rlau.

Mơya bơh nam 2013 tus tu\ do, tu\ hìu bơsram geh lơh gơs, jơh ală sau bơh 6 nhai tus 6 sơnam ndrờm geh bơsram tàm mpồl lơh sa. Bơta do dong bi Hoàn mờ uă cau lơh broă ndai iang nùs mờ jơh nùs rềp mềr tàm tiah lơh broă. Bi Lê Văn Hoàn pà g^t:

Lơh broă tàm do, oh kòn bol a` geh hìu ròng kơnòm dềt, hìu bơsram niam, geh ală cau pơgru bơto bơtê oh kòn in niam ngan. Bulah tiah sar lơgar ngài, uă bơta gam kal ke mơya Ngai dunia kơnòm dềt dê, ală cau pơgru gam ai tơl bơta buơn nàng bơyai lơh ală sau in, den a` kung iang nùs nàng lơh broă tàm do.

Lơh hìu bơsram jat gah ală mpồl lơh sa dong lơh niam tiah làng bol ơm kis, gàr kơ\ lơngap lơngai dà lơgar.

Tu\ do Kông ty Bình Dương neh lơh geh 13 hìu ròng kơnòm dềt, 4 cơl du\ mẫu giáo mờ 4 hìu bơsram cấp một tàm 11 mpồl lơh sa. Pah nam, ală hìu bơsram tàm do gơ hòi gơ jà mờr  400 nă sau dềt là oh kòn kông nhân mờ cau lơh broă tàm kông ty. Jơh ală kơnòm dềt mẫu giáo tàm do ndrờm geh sa bán trú.

Bal mờ hơ\, ală cơl du\ ndrờm geh bơcri tơl ală phan bơna bơto bơtê jat kơrnoat bơh Bộ giáo dục mờ Đào tạo dê. Mìng is nam 2017, kông ty neh bơcri priă lơh pa mờ lơh niam wơl ală hìu bơsram mờ cơl du\ bơsram mờ kờp khà priă rlau 2 tơmàn mờ gùl.

Bi Nguyễn Thị Kim Duyên, cau pơgru bơto cơl du\ mẫu giáo tàm mpồl lơh sa 15 pà g^t: Phan bơna niam tàm hìu bơsram bơnah lơi dong mpồl cau pơgru in iang nùs bơto bơtê tàm cơl du\:

“ Kông ty neh ai tơl bơta buơn pờ dùl hìu bơsram mầm non tơl niam đau, bulah geh uă bơta kal ke tàm broă lơh, rơndap broă bơto bơtê, mơya tài bơta geh kuơ bal ai oh kòn, cau pơgru in, bol a` lơh ngan jơh nùs nàng lơh jat kơnòl broă sền gròi, ròng siam ală sau, dong ală sau in geh rài kis gam dềt niam tàm do.

Ală hìu bơsram bơh kông ty Bình Dương, Binh đoàn 15 geh lơh niam ngan 

Bơdìh broă bơcri priă lơh ală hìu bơsram, kông ty Bình Dương gam sền gròi bơcri priă lơh ală phan bơna, lơh niam wơl gùng lòt, gùng che ồs đèng, lơh broă lơh ling klàng làng bol nàng sền gròi pràn kơl dang să jan cau lơh broă in. Jat gah 12 kơi sồ gùng tiah nhàr lơgar, ờ di mìng geh tơlir niam bơh uă chi kau sao, mờ tu\ do gam geh ală tiah làng bol ơm kis uă ngan bal mờ tơl ồs đèng ngui, gùng lòt, hìu bơsram, hìu sơnơm neh ngan ngồn gơ gơs kơ\ kơl jap tiah nhàr lơgar.

Trung tá Nguyễn Phúc Khính, Kuang atbồ kông ty Bình Dương , Binh đoàn 15 pà g^t:

Lơh krà` gùng dà broă lơh ntrờn làng bol ơm kis tus tiah nhàr lơgar gơs tiah làng bol ơm kis tiah nhàr lơgar lơh gơ gơs gùng pơng gàr, kơ\ kơl jap sền gàr dà lơgar, bol a` đal g^t, kờ` cau lơh broă  in rềp mềr mờ kông ty, mpồl lơh broă tàm tiah do den pal sền gròi bè rài kis pah ngai ai cau lơh broă in. Oh kòn kông nhân geh bơsram tơl làm, tus gùng tus dà mờ geh sền gròi bè pràn kơl dang să jan, den mè bèp ală sau dê iang nùs rềp mềr lơh broă mờ mpồl.

Ală broă lơh geh kuơ mờ ngan ngồn bơh kông ty Bình Dương, Binh đoàn 15 tàm tiah nhàr lơgar càr Gia Lai dê pơgồp bơnah kuơ màng tàm broă gàr niam lơngap lơngai dà lơgar tàm tiah do dê.

Cau mblàng K’ Hạnh