VOV4.K’ho-  Gal ngan làng bol tàm tiah do bal mờ năc lòt nhơl neh rê jơrnum să bal tàm Đình Khê Trường, thị xã An Khê, càr Gialai nàng tus bal Dơ\ bơyai lơh tơngkah Tam lơh pha lin Ngọc Hồi- Đống Đa, yal wơl bơhiàn khin cha jak chài ngan bơh srơh ntàu tam lơh cau lơh broă sa Tây Sơn mờ broă lơh pơnrơ dờng màng ngan bơh Bơtau Quang Trung- Nguyễn Huệ dê.

Đình Khê Trường, thị xã An Khê, càr Gialai

Bal mờ Dơ\ bơyai lơh tơngkah Tam lơh pha lin Ngọc Hồi- Đống Đa mờ kah kơlôi Bơtau Quang Trung, tàm Đình An Khê tơn, neh lơh Chờ đơs crih răc dan huê. Dơ\ lơh chờ do neh geh bơh bồ rài 17 mờ dơ\ lơh chờ pơdơng phan duh khuai sơnam pa dờng ngan rlau jơh bơh cau Yoan dê mờ làng bol ală kòn cau kis tàm kơnhoàl ù tiah An Khê.

Lơh chờ rac dan huê

Tàm do neh lơh ală broă lơh đơs crih bội, đơs crih chòi, đơs tàm sơrbo\ bơta kờ` gơboh ùr klau, dròng cing mồng…; tiah nhơl chờ, tìp mat lơh quèng mờ tiah drà Yoan mờ Kòn cau. Tàm tơngai geh lơh dơ\ lơh chờ do, cau Yoan mờ cau Bahnar cèng ală phan bơna nàng tăc bè biăp, bùm, plai chi, phan ngui tàm broă lơh sa sươn sre, bè ngal, wơu, halà phan bơna lơh mờ tê niam chài, phan tàn bè đuan, sơ\...nàng tam gơl, tăc bro mờ tìp mat lơh quèng.

Lơh chờ rac dan huê

Broă kă bro bơta tờm là kờ` geh bơta bơtuah bơtoài den tàng cau tăc mờ cau blơi cau lơi kung niam nùs lơm. Ù tiah Dơ\ lơh chờ gơlơh bè [òn lơgar ngan, tơngo\ loh bơta tam klac bal đah cau yoan mờ cau kòn cau. Ồng Đinh Ten, cau Bahnar, ơm tàm [òn Pnang, xã Tú An, thị xã An Khê, đơs:

Ngai do tus bal Dơ\ lơh chờ a` gơlơh chờ hờp ngan. Cau Bahar mờ cau yoan tàm do neh kis tam klac ngan, ơm kis rềp mềl bal bơh jo\ rài. Nùs nhơm tam klac bal hơ\ kung gam geh sùm. Bol a` geh pơn jat tai kis tam klac bal, ơm kis rềp mềl bal nàng bơ\t bơtàu rài kis ngai sơlơ bơtàu tơnguh rlau tai.

Cau mblàng mờ yal tơngi\t- Lơ Mu K’Yến