VOV4.K’ho - Rơlao 800 lồ tiêu tàm kơnhoàl Cư\ Pưh, càr Gia Lai gơbàn chơ\t tài kòp mờ trồ prang tàm ală nam do, neh lơh g^t nđờ rơbô hìu làng bol gơbàn ờ geh tơnhào, rơlao 6 rơbô 500 hìu ndai ờ jai tơm dồs di pơgăp 1 rơbô 400 tơmàn priă tàm ală ngân hàng. Tiah tam uă tiêu Tây Nguyên tu\ do neh gơs bă ù dồs, uă hìu nhă gơbàn dồs, pal lòt ngài jòi broă lơh kờ` geh priă tơm dồs.

Xã Ia Blư\, kơnhoàl Cư\ Pưh, càr Gia Lai neh geh g^t nđờ rơhiang nă cau pas kơnờm bơh tiêu geh tơnhào uă, tăc geh priă tàm uă nam pơn jăt tơn. Mơya, bơh bồ nam 2016 tus tu\ do, rơlao 400 tàm 800 lồ tiêu tàm do neh gơbàn ờ geh tai, ờ gơtùi tơnpràn tai tài kòp bal mờ trồ prang, lơh rơlao 1 rơbô hìu gơbàn dồs mờ rơlao 200 tơmàn priă tàm ală ngân hàng.

Ờ geh priă, uă hìu làng bol neh pal tăc jơh ală `jrong tiêu, geh tu\ tăc ù, tăc hìu kờ` tơm dồs. Kờp is tàm nam 2017 lài do, tàm xã Ia Blư\ geh rơlao 1 rơbô nă làng bol neh sơbì [òn lòt lơh broă ngài bal mờ uă kơnòm bơsram cấp 3 pal ơm ờ lòt bơsram kờ` lòt lơh broă dong kờl hìu nhă. Tàm do geh g^t nđờ 10 hìu neh gơbàn ală ngân hàng kờp sền phan bơna ha là lir mpồng tài ờ gơtùi lơh broă mờ cau tòm hìu. Sền kòn tăc hìu tơm dồs, sao sơbì bơsram lòt lơh broă ơpah, ồng Mai Liệu, kis tàm [òn Thuỷ Phú, xã Ia Blư\ moăt jrùng đơs:

-A` geh 9 nă kòn, den 1 nă pal tăc ù, tăc hìu tơm ngân hàng. 2 nă sao gam bơsram ơdu\ 12 pal sơbì bơsram lòt lơh broă, gam 2, 3 nă sao tai tus tàm quận Tân Bình, [òn dờng Hồ Chí Minh kờ` lơh broă ơpah. Gùt xã Ia Blư\ mìng gam ù gời, ờ gam geh `jrong tiêu tai. {òn a` trồ mang lòt, trồ ngai kung lòt sơl.

Bal mờ broă tăc hìu đam bơh g^t nđờ rơhiang hìu làng bol dê, uă hìu blơi phan geh lơh bơh broă lơh sa suơn sre tàm xã Ia Blư\ kung gơbàn dồs sơl. Bi Trịnh Văn Dũng, cau tòm hìu blơi tiêu tàm [òn Thuỷ Hà, xã Ia Blư\ pà g^t, kờ` làng bol tăc tiêu mờ hìu nhă tòm, nam 2016, hìu nhă bi neh bơcri rơlao 70 tơmàn priă ai rơlao 200 hìu làng bol in càn priă lơh sa. Mơya, g^t nđờ rơhiang lồ tiêu gơbàn chơ\t tài kòp chơ\t mhar lơh uă cau gơbàn roh gời, g^t nđờ 10 tơmàn priă bơcri bơh bi Dũng neh gơbàn dồs ờ jai tơm:

-Rơcang p^c tiêu den a` ai priă làng bol in càn, mơya ờ g^t tiêu gơbàn chơ\t den a` kung roh gời tơn. Làng bol sơbì hìu đam lòt lơh broă ơpah. Ờ tơl sa den bè rơgơi tơm dồs. Làng bol [òn lơgar bal, he lùp dồs den sơn đàc ngan, tus ku\p dồs den ờ gơtùi. 1 nhai ờ lơh geh 5 tơlăk priă tơm priă cồng ngân hàng in.

Tu\ do, he lời làng bol lơh, làng bol tơm mờ ờ geh broă lơh ndai tai. Lài do, tiêu gơguh priă tăc ngan, den rài kis làng bol tàm do kung niam sơl, ù kas, cau lơi ờ geh priă blơi ờ jai, tàm 1 sào tăc là 70 tơlăk priă, ală tiah tus blơi uă ngan. Tu\ do tăc 20 tơlăk priă tàm 1 sào kung ờ geh cau blơi sơl.

Jăt khà kờp bơh UBND kơnhoàl Cư\ Pưh, bơh nam 2016 tus tu\ do, tàm do geh rơlao 870 lồ ù tam tiêu gơbàn chơ\t tài kòp mờ trồ prang ờ gơtùi tơn pràn tai. Bơta do lơh jăt bal rơlao rơbô 500 hìu làng bol ờ jai tơm ală khà priă dồs tàm ală ngân hàng, mờ kờp jơh khà priă dồs tus 1 rơbô 400 tơmàn priă, mìng là dồs. Dồs lài do ờ hềt tơm jơh, làng bol ờ gơtùi càn tai priă tàm ală ngân hàng kờ` tam wơl phan. Ồng Phan Văn Linh, Chủ tịch UBND xã Ia Blư\ pà g^t, làng bol geh ù, mơya sơbì gời, hơ\ là bơta kal ke ngan tàm tiah geh tam uă tiên Cư\ Pưh dê đơs bal:

-Kờ` càn priă tai bơh ngân hàng den pal ờ geh dồs ờ jai tơm, pal lòt càn hờ bơdìh mờ priă cồng uă. Tơnơ\ mờ 1 nam gơguh tus g^t nđờ dồs tai. 2 nam do là dồs pơgồp bal bè hơ\ sùm.

Làng bol tàm do tu\ do tìp uă ngan kal ke. Làng bol kơ\p kờ` geh lời ing dồs, tơnjo\ tơngai tơm dồs, mờ geh ai tơl bơta niam càn priă mờ ală broă lơh ndai, bơta ndai kờ` bơcri priă lơh sa. Tu\ do càn 1 tơmàn, 1 nhai pal tơm 10 tơlăk priă. Tàm 1 nam neh tus 120 tơlăk priă, ờ geh broă lơh den ờ geh priă tơm dồs priă cồng.

Bơh bồ nam tus tu\ do, UBND kơnhoàl Cư\ Pưh bal mờ UBND càr Gia Lai neh geh 2 dơ\ lơh broă mờ Ngân hàng Dà lơgar tàm càr Gai Lai bal mờ 7 Ngân hàng CPTM là cau tòm dồs làng bol tàm kơnhoàl do, kờ` dan ală ngân hàng lời ing dồs, tơnjo\ tơngai tơm dồs, mờ dong kờl ai càn priă kờ` làng bol lơh sa wơl. Mơya, ala măt Ngân hàng Dà lơgar càr Gia Lai pà g^t, tài càr Gia Lai ờ yal kòp tàm tòm tiêu, den tàng ờ geh dờp broă dong kờl do.

Ồng Phạm Đức Ngọc, kuang atbồ Văn phòng UBND kơnhoàl Cư\ Pưh pà g^t, gơnoar atbồ bal mờ gah, mpồl lơh broă geh gơnoar tàm kơnhoàl Cư\ Pưh gam jòi broă dong kờl làng bol tàm kơnhoàl tam gơl phan tam, mờ lam sồr làng bol ba` pơn jăt tai rề ơnàng bă ù tam tiêu, pleh mờ rềs àr:

Di lah pơn jăt tai tam tiêu uă, ờ jăt gùng dà broă lơh bal den lơh gơbàn hoàc huơr bè lơh sa hìu nhă uă ngan. Gùng dà broă lơh kơnhoàl dê tàm tơngai tus là tơrgùm tàm broă bơto sồr làng bol tam gơl phan tam. Bè pơgồp bal mờ công ty Đồng Dao kờ` tơnguh bơtàu ờ uă bơta phan tam ơla mờ tiêu. Bơto sồr làng bol tơmù tam tiêu tàm bă ù pa, pơgồp bal tàm broă ngui tiêu kloh, tơnguh bơtà jăt gùng dà broă tam tiêu kơl jăp.

Cau mblàng Ndong Brawl