VOV4.K’ho- Ủy ban nhân dân càr Gia Lai pa ai ngui kơrnoat ring bal Rơndap broă lơh prap gàr mờ bơtàu tơnguh tờm phan lơh sơnơm tàm ù tiah càr dê tus nam 2025, pơlam gùng dà tus nam 2030. Jat hơ̆, tus nam 2025, gùt càr geh tam 10 rơbô lồ phan lơh sơnơm; nam 2030 tam 20 rơbô lồ (tàm hơ̆ geh 11 rơbô 300 lồ tam hơđơm mƀur brê, 8 rơbô 700 lồ tam tàm ù tiah lơh sa suơn sre). Ală bơta phan lơh sơnơm sac rơwah tàm hơ̆ geh: mật nhân, hà thủ ô, sa nhân tím, đẳng sâm, đương quy, ba kích, đinh lăng, rơmĭt, plang, ca...

Phan lơh sơnơm geh ai lài bơtàu tơnguh tàm ală tiah geh bơta pràn, bơta ƀuơn bè: Kbang, Đăk Đoa, Mang Yang, An Khê, Chư Sê, Chư Pưh, Chư Prông, Ia Pa. Kờp jơh jơnau kờñ priă bơcri pơgap 5 rơbô 200 tơmàn đong. Tàm hơ̆ geh, kes priă dà lơgar pơgap 477 tơmàn đong mờ priă bơcri bơdìh mờ kes priă dà lơgar là 4 rơbô 723 tơmàn đong.

Cau mblàng K’Hạnh