VOV4.K’ho - Mờr 10 nam bơh tu\ geh crơng gơs, [òn Bình Tân, xã Ia Piar, kơnhoàl Cư\ Prông, càr Gia Lai kung gam ờ hềt geh bơcri priă lơh gùng che ồs đèng. Rơlao 70 hìu làng bol tàm [òn tă is priă lơh gùng che ồs đèng kờ` drơng tàm broă lơh sa mờ rài kis. Mơya, gùng che ồs đèng ing do ờ tơl pràn kờ` drơng tàm broă ngui, mờ gam di gơlan gơbàn uă bơta ờ niam.

Bu\ lah mìng geh ngui dùl [ong đèng àng, 1 nơm glah piang mờ 1 nơm tùh mrềt dềt, mơya pah nhai hìu nhă bi Trần Anh Hoàng, kis tàm [òn Bình Tân, xã Ia Piar, kơnhoàl Cư\ Prông pal tơm mờr 1 tơlăk priă ồs đèng.

Tài [òn Bình Tân ờ geh gùng che ồs đèng lòt gan. Gùng che ồs đèng tu\ do là geh 72 hìu tă pơgồp bal priă lơh is kờ` drơng tàm broă lơh sa mờ rài kis. Bi Hoàng pà g^t, gùng che ồs đèng làng bol lơh is ờ tơl niam, lơh khà ồs đèng gơbàn hoàc huơr uă ngan.

Tàm hơ\ tai, gùng che ồs đèng do kung ờ ai tơl ồs đèng kờ` broă ngui làng bol tàm [òn in. Tàm trồ mang, [ong đèng tàm hìu bi Hoàng bal mờ ală hìu hờ lồi gùng che ồs đèng mìng pơrhê bè rơnga ồs, ờ tơl àng. Geh ồs đèng mờ kung ndrờm mờ ờ geh, ală kòn bi Hoàng pal chu ồs đèng jờu hơ\ sồng gơtùi bơsram sră:

-2 nhai pa do a` tă mờr 2 tơlăk 200 rơbô priă ồs đèng. Jăt jơ geh crăp tềng hìu den go\ tàm 100 KW ồs đèng den gơtìp hoàc huơr 33 KW. Kờp jơh lơh gơbàn hoàc huơr uă ngan. Uă dơ\ bol a` dan mờ đah lơh ồs đèng tă jăt sồ geh cih tềng công tơ tàm ală hìu, mơya ờ g^t tus tàm tu\ lơi hơ\ sồng cau do kờ` bal.

Ồng Trần Văn Đẩu, kuang atbồ [òn Bình Tân pà g^t, gùng che ồs đèng làng bol tă priă lơh is di gơlan gơbàn uă bơta ờ niam. Ai ồs đèng bơh `jrong `hoa tus hờ [òn Bình Tân geh 3 gùng che ồs đèng.

Bè ờs mờr 25 hìu làng bol tă bal lơh dùl gùng che ồs đèng. Bơh 3 gùng che ồs đèng tòm do, che ồs đèng geh kơ\t mờ ală `jrong lơh mờ gle, mờ chi ing. Uă gùng che ồs đèng gơtu\p tơn tềng rơkàng hìu, gơtu\p tềng tòm chi. Geh tu\ geh gơl gùng che gơđùh tus tơn rềp tềng ù lơh ngòt rơngơ\t ngan mờ di gơlan gơbàn tu\p che ồs đèng, lơh ồs sa là uă ngan.

Ồng Đẩu pà g^t, tài do là gùng che ồs đèng làng bol lơh is, den tàng bơh broă lơh wơl tus mờ broă tơm bơtơl ală hoàc huơr gơbàn bè ờs đèng, làng bol kung pal dờp is kơnòl:

-Nam lài, tàm kàl mìu gơbàn chơ\t dùl nơm kơnrồ. Làng bol pal pơgồp bal tă 7 tơlăk priă kờ` tơm. Làng bol pal rơcang ngăc tàm tiah hơ\, geh broă lơi den pal ơpah cau tus lơh niam gùng che ồs đèng. Gùng che ồs đèng he lơh is den pal tă priă lơh niam wơl, pal tơm di lah gơbàn bơta aniai.

Ồs đèng ngui kờ` drơng tàm rài kis ờ tơl, den tàng kờ` drơng tàm broă lơh sa, ală hìu tàm [òn pal ngui măi [ồm mờ jờu. làng bol kis tàm [òn Bình Tân neh uă dơ\ lơh sră pơyoa tus UBND kơnhoàl Cư\ Prông mờ Công ty cổ phần Điện Gia Lai mờ kơ\p kờ` geh bơcri priă lơh gùng che ồs đèng tơl niam mờ ờ do ờ dă, di pal mờbroă kờ` ngui tàm rài kis bal mờ broă lơh sa.

Ồng Võ Công Hiền, lơh broă tàm Công ty cổ phần Điện Gia Lai, gơwèt Tổng Công ty Điện lực Miền Trung pà g^t, priă tă bơcri lơh gùng che ồs đèng tus [òn Bình Tân di gơlan roh 6 tơmàn priă.

Broă do neh geh k^ jăt broă lơh ồs đèng [òn lơgar, tiah kơh bơnơm mờ bồt dà lềng tơngai bơh nam 2013 tus 2020 bơh Thủ tướng Chính phủ dê. Bu\ lah bè hơ\, rơndăp broă jăt kơrnoăt do ờ g^t tus tàm tu\ lơi hơ\ sồng geh lơh tus càr Gia Lai. Mơya kờ` pleh mờ gơtìp bơrlu\ bal, công ty do ờ bơcri priă lơh gùng che ồs đèng tus [òn Bình Tân:

-Di lah ờ geh rơndăp broă lơh den đah lơh ồs đèng geh lơh mơ. Gam tu\ do di lah đah lơh ồs đèng du^ che ồs đèng lơh den gơtìp bơrlu\ bal. Đah lơh ồs đèng lơh broă bè rơndăp broă do den cau đơs là ờ hềt geh priă, tu\ geh priă hơ\ sồng lơh. Bol a` geh dờp jơnau yal bơh sră [ăo kờ` lơh broă mờ ală sở, gah lơh broă bè broă do.

{òn Bình Tân, xã Ia Piar, kơnhoàl Cư\ Prông, càr Gia Lai mìng ngài mờ gùng che ồs đèng cao thế 700 thơ\k, mơya neh mờr 10 nam do, broă kờ` geh dùl gùng che ồs đèng tơl niam ờ do ờ dă mờ tơl ồs đèng drơng tàm rài kis làng bol kung gam ngài ngan. Làng bol kis tàm do kờ` ngan geh broă sền gròi rơlao tai bơh gơnoar atbồ bal mờ công ty cổ phần Điện Gia Lai kờ` jơnau kơ\p kờ` hơ\ geh lơh mùl màl.

Cau mblàng Ndong Brawl