VOV4.K’ho - Bơta kòp jơng tê bơr tàm càr Gia Lai gam  geh ai gơbàn  go\ kal ke ngan. Kòp gơbàn ua\ nisơna  mờ  ờ ua\ hìu bơsram tàm càr neh bal ai ơm ing bơsram nàng bơsong  gơbàn kòp, pleh lơh bơtờp tàm [òn lơgar. Kòp  gam  pơhìn gơbàn  gơtờp ua\ ngan.

            Hìu bơsram mầm non 1/5, xã Ia Yok, kơnhoàl Ia Grai neh pal ai ơm ing tài kòp jơng tê [ơr. Tàm ala\ ngai bồ nhai 10, hìu bơsram geh cau gơbàn kòp jơng tê bơr sùm  gơguh ua\ mờ tus ngai 12/10 neh geh 34 na\ kơnòm dềt gơbàn kòp do. Tềng bơta gơbàn kòp,  gơnoar atbồ kơnhoàl Ea Grai neh tơlik kơrnuat ai ơm ing 10 ngai, kờp bơh ngai 12/10, nàng geh lơh ala\ broa\ lơh  bơsong tềng gơbàn kòp, kơryan bơtờp tàm mpồl bơtìan. Ùr pơgru Trần Thị Thanh Nhàn, Hiệu trưởng hìu bơsram ai git, bal mờ broa\ mblàng pơlam nàng tơngguh git wa\ tus mè bèp kơnòm bơsram, tàm tơngai  ai ơm bơsram, hìu bơsram  lơh ngan broa\ lơh lơh kloh hìu bơsram:

            Tu\ git go\ gơbàn kòp den bol a` neh lơh bal mờ trạm y tế xã,  trung tâm y tế kơnhoàl, bol a` geh  yal mờ ala\ anih lơh broa\ đah do,  anih lơh broa\ geh gơnoar gơ rềng bal nàng lơh broa\ kloh tiah kis, phan ngui  is bơh kơnòm dềt, lơh kloh hìu bơsram, ơdu\ bơsram, bulah kơnòm bơsram ơm bơsram, mơya cau pơgru gam 100% tus hờ hìu bơsram nàng lơh kloh pah ngai, nàng lơh niam broa\ rcang sơndra\ kòp jơng tê bơr kơnòm dềt in.

            Kơnhoàl tiah  nhàr lơgar Ia Grai la dùl tàm ala\  tiah geh cau gơbàn kòp jơng tê bơr ua\ ngan  càr Gia Lai. Tu\ do,  kòp gam gơbàn  kal ke ngan. Mìng kờp is gùl bồ nhai 10 do,  kơnhoàl neh geh rlau 40 na\ cau gơbàn kòp pa. Mờ kờp jơh bơh bồ sơnam tus tu\ do.  Kơnhoàl neh pal tơlik kơrnuat til mpồng ai kơnòm bơsram ơm bơsram 2 hìu bơsram mầm non nàng bơsong kòp jơng tê bơr. Ồng Trương Thái Vinh,  Trưởng phòng Y tế kơnhoàl Ia Grai ai git, tàm ala\ tiah geh kòp,  ròt gah lơh sơnơm gam lơh ngan  mut lơh ala\ broa\ lơh kơryan, bơsong jơh kòp:

             Tàm tơngai ai kơnòm ơm bơsram tàm ala\ hìu bơsram, den bol a` geh lơh ngan sền gròi kòp  pah ngai, yal nền nòn. Mờ bol a` neh ai ala\ cau kuang lơh broa\ gah do lòt lơh kloh tiah kis, bồm sơnơm kloh kòp mờ cloramin B tàm hìu bơsram mầm non. Mờ ala\ sau den pal lòt kham tàm ala\ hìu sơnơm, tơnơ\ hơ\ sơm kòp, sền jat tềng hìu. Tàm tơngai hơ\,  den gah lơh sơnơm kung sền gròi ngan, jat sền ala\ sau bè bơta  gơbàn kòp.

             Jat trơ gùm kờp bơh gah lơh sơnơm càr Gia Lai,  bơh bồ sơnam tus tui\ do, tàm  càr neh cih dờp mờr 300 na\ cau gơbàn kòp jơng tê bơr. 17 tàm 17 kơnhoàl, thị xã, [òn dờng càr dê drờm geh cau kòp do. Bơta pal đơs la,  mìng mơgùl bồ nhai 10 do, neh geh 80 na\ cau kòp pa. Bác sĩ Nguyễn Đình Tuấn, Phó kuang atbồ Sở y tế Gia Lai ai git, kòp gam ai go\ mờ pơhìn gơtờp ua\\ tàm ờ ua\ tiah. Kơnòm dềt mut hìu sơnơm slơ ngai slơ gal:

             Ala\ poh lài  bồ nhai 10 nam do,  khà cau kòp jơng tê bơr tàm Gia Lai geh ai go\ gơguh jơnhua nisơna. Bơh khà kờp den geh đơs lài ai git,   bơta pơhìn gơbàn ua\ kòp jơng tê bơr tàm lồi nam 2018 tàm Gia Lai. Geh pơhìn la gơbàn ua\ kòp dilah mờ ờ geh lơh lài rcang sơndra\ kràn jơh.

             Gah lơh sơnơm càr Gia Lai đơs,  broa\ rcang sơndra\ kòp  jơng tê bơr gam jal mhar ngan, tài bơta pơhìn bờp tàm mpồl bơtìan la ua\ ngan. Den tàng,  ala\ broa\ lơh sền gròi kòp jơng tê bơr tàm mpồl bơtìan, ngan la tàm ala\ hìu bơsram mầm non geh tơngguh. Mơ kung,  broa\ lơh mblàng pơlam bè kòp jơng tê bơr kung gam geh gah lơh sơnơm [òn lơgar lơh ngan mut lơh.

          Cau mblàng K’ Brọp