VOV4.K’ho- Tàm ală nam do, tàm uă tiah tàm ù tiah kơnhoàl Krông Pa, càr Gialai uă ngan kơnòm ùr rơ\p pa 14, 15 sơnam lơm neh sơrbì broă bơsram ơm tàm hìu nàng bau mờ deh kòn.

Pah nam, tàm kơnhoàl do geh bơh 100 tus 150 dơ\ tam bau gờn. Bơta geh ngan uă ngan hơ\, ờ mìng lơh tìs kơrnoat boh lam gời ờ mờ gam gơrềng tus mờ bơta niam khà kờp làng bol kung bè bơtàu tơnguh lơh sa- mpồl bơtiàn tàm tiah do dê.

Nam do rơ\p 16 sơnam lơm, mơya oh Ksor H’Nam ơm tàm [òn Choanh, xã Uar, kơnhoàl Krông Pa, càr Gialai neh gơ gơs là pơ ùr mờ là mè bơh dùl nă kòn rlau 1 nam dê, nđàc sơngi\t rơngai rơgong ngan.

H’Nam yal, tơnơ\ tu\ deh kòn di rlau 3 nhai, den hìu bơnhă ờ geh phan sa tai den tàng ờ geh dà toh ai kòn in pô den tàng kòn gơtìp rơgai ờ pràn. Nàng ala dà toh kòn in, pah ngai oh tru\ pòr tơn siam kòn in; geh tu\ geh uă ngan phe kung ờ go\ geh sơl nàng tru\ ai kòn in sa.

Yal bè jơnau bơh tài lơh oh pal bau bơh gờn, H’Nam đơs gơlơh [ươn ngan, yal là tài bơh tàm kờ` den tàng bau. Hìu bơnhă bàr đah kung ai sơl, mơya tài bơh ờ go\ lơh sră tam bau, den tàng gơnoar atbồ mờ gah lơh broă geh gơnoar tiah do dê ờ go\ kơryan. Ksor H’Nam pà gi\t, tơnơ\ 2 nam bau, rài kis hìu bơnhă ngai sơlơ bòl glar kal ke ngan:

“Oh bau bơh tu\ 14 sơnam, rài kis oh dê tu\ do bòl ngan, ờ geh ù nàng lơh sa. Bơklau den lòt gơlềng gơlàng làm bă tiah ờ go\ kơlôi rơcang bau kòn in. Geh ngai ờ go\ geh phe sa, kòn den gơtìp kòp jê sùm, mờ oh den là gơlơh wờl să ngan, oh kơ\p kờ` cau ndai ờ go\ di đòm jat broă lơh tìs bơh oh dê”.

H’Nam yal bè hơ\. Xã Ia Rmok, kung là xã gam geh uă ngan jơnau cau bau gờn tàm kơnhoàl Krông Pa, càr Gialai. Jơnau Rơ Lan H’Riếm dê tàm [òn H’Nga, xã Ia Rmok, kơnhoàl Krông Pa là dùl jơnau ai lơh pơn yơu. Pơgăp mờ do 3 nam, tu\ gam bơsram ơdu\ 4, den oh sơrbì bơsram nàng bau.

Rơ Lan H’Riếm pà gi\t, bơh tu\ bau tus tu\ do rài kis hìu bơnhă gơlơh kal ke ngan. Bàr nă ùr bơklau ờ geh broă lơh, pah ngai pơ ùr mă kòn lòt ê kơnrồ mè bèp in, ai bơklau den ờ go\ bài kờ` lơh broă mờ mìng hàm nhơl lơm mờ `ô ơlak tơrnờm.

Jat tơrgùm kờp, tàm nam 2016 tàm ù tiah kơnhoàl Krông Pa, càr Gialai dê geh rlau 150 nă cau bau gờn; ai bơh bồ nam tus tu\ do, anih lơh broă geh gơnoar kung neh sền go\ 100 nă cau bau gờn.

Ồng Đỗ Đức Trình, Kuang atbồ Trung tâm Khà kờp làng bol kơnhoàl Krông Pa dê yal, nàng kơryan jơnau tam bau gờn, tơngai lài Trung tâm kung neh geh uă ngan broă lơh. Mơya, tài bơh uă jơnau, bè jơnau gi\t wa\ ờ uă, gi\t wa\ kơrnoat boh lam bơh làng bol dê ờ hềt jak chài ngan, kuơmàng là bơhiàn mờng quèng bơh yau bơh làng bol kòn cau dê ờ hềt tam gơl uă. Bal mờ hơ\ là bơta tus bal bơh gơnoar atbồ tàm tiah hơ\ dê ờ hềt krà` cê jơh nùs ngan. Ồng Đỗ Đức Trình, đơs:

“Geh uă ngan jơnau lơh jơnau tam bau gờn geh tàm tiah làng bol kòn cau. Do là bơhiàn mờng quèng bơh yau tus tu\ do bơh làng bol kòn cau dê, geh bal mè bèp halà oh kòn. Geh uă kơnòm bơsram neh sơrbì bơsram nàng bau, uă ngan là bơh 16, 17 sơnam là cau neh bau tơn”.

Ồng Trình pà gi\t tai bè hơ\. Bulah anih lơh broă geh gơnoar yal uă ngan jơnau lơh gơlik jơnau tam bau gờn, mơya jơnau geh ngan pah nam gi\t nđờ rhiang nă cau tam bau gờn bè tàm kơnhoàl Krông Pa, càr Gialai là pal đơs ngan.

Bơta geh ngan pà go\, broă gròi sền jơnau tam bau tàm do ờ hềt jơh nùs, gơlam tus uă jơnau gơlời wơl, gơrềng tus bơta niam khà kờp làng bol kung bè bơtàu tơnguh lơh sa- mpồl bơtiàn tàm tiah do dê.

Cau cih mờ yal tơngi\t- Lơ Mu K’ Yến