VOV4.K’ho – Bơta pơr lồm, kă bro cau, ngan là cau ùr mờ kơnòm dềt neh gơs là bơta ờ suk ngan tàm uă tiah. Tàm càr Gialai, Kuang àng càr Gialai pa kơryan geh dùl tìs pơr lồm cau ùr lòt lơh broă hờ lơgar ndai mờ uă bơta pin lơh kòn gùng tam bau, ờ sang jơnau kờp du\ broă kă bro cau. Bơta pal đơs, cau gơtìp pơr lồm tàm broă tìs do là ală cau ùr kòn cau tiah sar lơgar ngài. Mờ bơta lơh bal bơh anih lơh broă geh gơnoar ală kơnă, mìng tơnơ\ dùl tơngai lơyah, jơh ală cau ùr do ndrờm neh rê bơ tòm mờ hìu nhă. Bulah tàm càr Gialai mìng là dơ\ sơn rờp geh git go\ mờ kơryan tìs pơr lồm cau ùr lòt lơh broă hờ lơgar ndai, mơya do kung gam là bơta pal rơcang ngac, ngan là gơ wèt mờ làng bol kòn cau tiah sar lơgar ngài:

Hìu rơng bơh hìu nhă oh Đinh Thị Hiền, deh nam 1999, kòn cau Bơnhàr, ơm tàm [òn Broch, ntum Đông, kơnhoàl Kbang nđờ ngai do sùm geh uă ngan cau tus lùp còp, pơn dờm pơn iang mờ nting sap gờm chờ. Ùr pa tàu dờng 17 sơnam do pa rê bơ tòm mờ hìu nhă tơnơ\ rlau 1 nhai gơtìp 2 nă cau ùr pơr lồm lam tus lơgar Lo. Hiền pà git, pơgap gùl nhai 9, bơh dùl nă cau quèng ơm tàm ntum bal sơnđan là Đinh Thị Lại, oh neh ringbal lòt Hà Nội lơh ơpah mờ priă nhai jơnhua ngan là 15 tơlak priă tàm 1 nhai. Gơ ya oh neh gơtìp ală cau do lam tus lơgar Lo. Tàm do, ală cau pơr lồm lam oh lòt tìp ờ uă cau lơgar Lo nàng lơh kòn gùng tam bau mơya oh ndrờm mờ bài mờ kờ` rê wơl tàm hìu mơya ờ gơtùi. Git gơtìp pơr lồm, Hiền ngac ngan jồm điện thoại dùl nă cau dê nàng yal hìu nhă in. Oh yal: “ Bơh sơn rờp, 2 nă cau ùr hơ\ lam lòt Hà Nội, đơs là lòt lơh broă, tàm Hà Nội. Mơya 2 nă cau ùr hơ\ lam tus lơgar Lo tơn. Sau jồm điện thoại dùl nă cau lơgar Lo dê mờ nhắn tin pơyua hìu nhă in. Sau đơs là “ Bol kòn gơtìp lam tus lơgar Lo, gơtìp pơr lồm, dong te\ bol kòn mơ.”

Bèp oh Đinh Thị Hiền dê là ồng Đinh Hiếc kah wơl, tu\ klo yal kòn ùr gơtìp pơr lồm tac tus lơgar Lo, jơh hìu nhă ồng ờ suk ngan. Tàm mang klo jơnau yal, bulah trồ mìu sơr càl khồm pràn, ồng đì rơndeh mai\ rlau 50 kơi sồ nàng yal mơ kuang àng kơnhoàl Kbang in. Bơtuah ngan là mìng tơnơ\ rlau 10 ngai, mờ bơta lơh broă jơh nùs bơh kuang àng dê, kòn ùr ồng dê neh geh rê bơ tòm mờ hìu nhă. Ồng yal: “ Klo tin nhắn đơs là kòn ùr gơtìp lam tus lơgar Lo, mờr tac khai den a` ờ suk ngan. A` tus kuang àng kơnhoàl, tìp ală oh mi kuang àng kơnhoàl hơ\ sồng tìp 2 nă mò ne tơn. Tơnơ\ hơ\ kòn a` geh rê wơl mờ hìu nhă, a` chờ hờp ngan.”

Tàm kơnhoàl Kbang, kung gơtìp pơn jồ, pơr lồm lam tus lơgar Lo gam geh 6 nă cau ùr, kơnòm ùr pa tàu dờng ndai là mò Đinh Thị Én (deh nam 1963), bi ùr Đinh Thị Bin (deh nam 1980), mờ ală oh Đinh Thị Huyền (deh nam 1993), Đinh Thị Hậu (deh nam 1996), Đinh Thị Hanh (deh nam 2000), Đinh Thị Diên (deh nam 2001). Jat cồng nha lùp khàu bơh sơn rờp kuang àng càr Gialai dê, jơh 7 nă cau ùr do ndrờm gơtìp pơn jồ, pơr lồm tài bơh dùl mpồl cau. Tàm hơ\, geh Nguyễn Thị Hạnh mờ Đinh Thị Lại ndrờm neh nam 1972 mờ ơm kis bal tàm [òn Muôn, ntum Kông Bờ La, kơnhoàl Kbang; Lương Thị Hồng, deh nam 1971, neh bau mờ cau lơgar Lo mờ ơm kis tàm lơgar Lo tơn. Hồng là cau neh ai tơlik jơnau, broă rơndap lơh mờ lam lơh nàng jun 7 nă cau ùr kòn cau tàm kơnhoàl Kbang sơr lèt dô gan tiah nhàr tus lơgar Lo. Ai Hạnh mờ Lại là cau pơn dờm, lam ală cau gơtìp pơr lồm tus mpồng nhàr lơgar Móng Cái hơ\ sồng jàu Hồng in. Broă lơh pơn jồ, pơr lồm bơh ală cau dê geh lơh [uơn ngan tài Lại là cau tàm [òn lơgar, quèng mờ ală cau gơtìp pơr lồm.

Tus tu\ do, mờ bơta lơh broă bal bơh Kuang àng càr Gialai mờ kuang àng kơnhoàl Kbang, jơh 7 nă cau ùr kòn cau tàm ntum Đông gơtìp pơn jồ, pơr lồm lam tus lơgar Lo neh rê bơ tòm mờ hìu nhă. Bè đah gơnoar atbồ tàm [òn lơgar gam bơyai lơh lam sồr, mblàng yal nàng gàr niam bơta ngap lơngai mờ tơnguh git wă rơcang gàr is làng bol in. Mò Nguyễn Thị Liên, kuang jat jơng atbồ Anih duh broă làng bol ntum Đông, kơnhoàl Kbang pà git: “ Tus tu\ do, làng bol ală [òn neh kơ\ nùs nhơm mờ ală oh neh rê mờ hìu nhă mờ tu\ do nùs nhơm ală oh neh bè ờs wơl. Bơh broă do, gơnoar atbồ tàm [òn lơgar kung sồr làng bol, ngan là làng bol kòn cau ba` đòm jat ală cau ờ quèng mờ bulah là cau quèng den khi pơn jồ lòt lơh broă geh priă nhai jơnhua mờ he ờ hềt git den kung ba` đòm jat sơl. Dilah sền go\ ală cau ờ quèng mut tàm [òn nàng lam sồr ală oh lòt lơh broă ngài den pal yal mờ gơnoar atbồ tàm [òn lơgar.”

Bulah tàm Gialai mìng rơp là dơ\ sơn rờp git go\ mờ kơryan tìs pơr lồm cau ùr lòt lơh broă hờ lơgar ndai, mơya do kung gam là bơta pal rơcang gàr lài, ngan là tus mờ làng bol kòn cau tiah sar lơgar ngài.

           Cau cih mờ tơnggit K’ Duẩn.