VOV4.K’ho – Drim òr, 31/5, tàm [òn dờng Pleiku, mpồl đơng lam rơcang sơndră bơta aniai bơh jràu dê càr Gialai bơyai lơh mít tinh lơh jat ngai dunia ờ chu jràu. Mờ jơnau đơs kờ` pơyua “Jràu – bơta pơhìn tus bơta bơtàu tơnguh kơ\ kơljap bơh ală lơgar dê”, rlau 500 nă cau geh jơng bơh ală mpồl lơh broă mpồl bơtiàn neh tus bal mít tinh mờ lòt tàm gùng kờ` mblàng jơnau đơs pơyua tus gal ngan làng bol.

Tàm Gialai, tàm ală nam do, khà cau chu jràu kung gam uă tàm tơl rơnàng làng bol. Jơnau là tài làng bol git wă bè aniai bơh jràu dê gam dùl êt. Tàm tu\ hơ\, adat rơcang sơndră aniai jràu dê neh geh ai ngui, ală jơnau cih ờ ai chu jràu tàm tiah geh gal cau kung neh ai tơlik, mơya broă mut lơh gam uă kal ke, geh tu\ là gam ờ hềt krà` cê.

                                                                     Cau cih mờ yal tơnggit K’Duẩn