VOV4.K’ho – Ngai òr 29/11, Mpồl kuang bàng Gơnoar ala mat dà lơgar càr Gialai neh tìp mat mờ cau te\ khà tàm ntum nhàr lơgar Ia Chía, kơnhoàl Ia Grai.

Tìp mat mờ cau te\ khà Ia Chía

Tàm do, cau te\ khà dan mờ Gơnoar ala mat dà lơgar bal mờ Dà lơgar sền gròi dong kờl ai priă jền uă rlau tai nàng lơh ală bơtơ\t rbòng dà tàm do kờn tơrmù [à bơta gơ aniai hoàc hươr bơh trồ prang, mơkung gàr niam khà priă phan lơh geh bơh sươn sre, mờ tơnguh tai bơnah priă càn ờ sa priă cồng uă. Cau te\ khà ntum Ia Chía kung dan sơlơ geh uă tai ală broă dong kờl bơcri priă ai bơto bơtê, lơh sơnơm, lơh phan bơna tàm tiah nhàr lơgar in nàng chul chồl bơtàu tơnguh lơh sa, mpồl bơtiàn. Mpồl kuang bàng Gơnoar ala mat dà lơgar càr Gialai neh iat kơno jơh ală jơnau đơs tă pơgồp, jơnau dan jơnau sồr bơh cau te\ khà ntum Ia Chía dê nàng jun yal mờ ală kơnă geh gơnoar in sền sơ wì, mờ bơsong. Mpồl kuang bàng kung neh yal mờ cau te\ khà in ală cồng nha kuơmàng bơh pơrjum dơ\ 2, Gơnoar ala mat dà lơgar kơnă XIV.

Cau cih mờ yal tơngi\t- Lơ Mu K’ Yến