VOV4.K’ho - Tàm tiah nhàr dà lơgar bơh càr Gialai dê, ală bơta nàng bơsram sră ai kơ nòm dềt in gam siơu\ siar ngan, broă lam sồr ală oh tus hìu bơsram, gàr khà kơ nòm bơsram tus ơdu\ bơsram gơtìp uă ngan kal ke. Lòt bal mờ gah bơto bơtê mờ bơsram, ală mpồl ling tàm tiah nhàr dà lơgar càr Gialai neh geh uă broă lơh geh kuơ nàng dong kơnòm dềt tus hìu bơsram. Mpồl ling pơndiang kơnòm bơsram tus hìu bơsram, cau ling tru\ piang kơ nòm bơsram in, ală rùp rài do neh geh tàm tiah nhàr dà lơgar càr Gialai dê mờr 10 nam do, tu\ ală kuang bàng cau ling bơh mpồl ling sền gàr tiah nhàr dà lơgar mut lơh ală broă lơh dong kờl tơl làm tus mờ kơnòm bơsram geh rài kis kal ke.

Sau Rchom H’Bình, kòn cau Jarai, ơm tàm [òn Tung, xã tiah nhàr dà lơgar Ia Nan, kơnhoàl Đức Cơ, càr Gialai gơwèt hìu nhă r[ah, bèp chơt gờ`. Tài gùng lòt kal ke, mè gơtìp kuet kơlte, pah ngai, H’Bình geh ală kuang bàng bơh pôs ling sền gàr tiah nhàr dà lơgar Ia Nan jun tus hìu bơsram, ngài mờ hìu mờr 5 kơi sồ. Mè H’Bình dê, bi ùr Rchom Biem pà git, kơnờm ală cau ling sền gàr tiah nhàr dà lơgar dong kờl, sau neh bơsram jak rlau: “Hìu nhă a` ưn ngài cau ling sền gàr tiah nhàr dà lơgar uă ngan. Hìu nhă a` dê kal ke ngan, kơnờm mpồl ling sền gàr tiah nhàr dà lơgar dong kờl mờ kòn a` dê geh tus hìu bơsram, sau kung bơsram jak đau. Hìu nhă a` chờ hờp mờ ưn ngài uă ngan.”

Cau ling sền gàr nhàr lơgar pơndiang kơnòm bơsram tus ơdu\ bơsram

Jat Thượng uý Lê Thanh Hải, Phó kuang atbồ mpồl lam sồr làng bol, pôs ling sền gàr tiah nhàr dà lơgar Ia Nan, pôs ling gam dờp dong kờl 3 nă să dềt geh rài kis uă kal ke tàm xã in. Pah nhai, bơh priă tă pơgồp bơh kuang bàng, cau ling dê, pôs ling dong kờl hìu nhă tơl nă sau 500 rbô priă nàng ròng kòn lòt bơsram. Bồ nam bơsram pa do, bal mờ dong kờl 3 hìu nhă mờ pôs ling dờp dong kờl, kuang bàng, cau ling bơh pôs ling dê lơh ngan tus ală [òn kal ke tàm tiah do nàng tus bal lam sồr ală mè bèp kơnòm bơsram jun oh kòn tus ơdu\ bơsram. Geh uă cau tài kal ke ir, kuang bàng, cau ling pôs đồng dê neh pơndiang tơn ală sau tus hìu bơsram: “Bơh ală nam mờ kuang bàng, cau ling bơh pôs ling dê bơyai lơh dong kờl ală sau in bè do, dong ală sau geh tus hìu bơsram niam rlau. Ală sau ờ gơbàn pal rlô bơsram, ờ sang bơsram. Kung bè lơh broă mblàng yal ală sau in, den bơdìh mờ ală sau geh dong kờl, ală sau ndai pơnjat tai geh tus hìu bơsram.”

Broa\ lơh dong oh geh lòt bơsram bơh Cau ling sền gàr nhàr lơgar neh geh cồng nha niam

Ai tàm xã tiah nhàr dà lơgar Ia Dom, kơnhoàl Đức Cơ, rùp să cau ling sền gàr tiah nhàr dà lơgar tru\ piang kơ nòm bơsam in neh gơ gơs mờng quèng ngan. Mờr 5 nam do, pôs ling sền gàr tiah nhàr dà lơgar mpồng nhàr lơgar dunia Lệ Thanh neh mut lơh broă lơh “Hìu bềp tru\ sa nùs nhơm” ai ală sau geh rài kis uă kal ke tàm xã in. Oh Rmah H’Win, kơnòm bơsram ơdu\ 6, hìu bơsram kấp 2 Nguyễn Trãi, xã Ia Dom yal bè bơta sền gròi dong kờl bơh ală cau ling sền gàr tiah nhàr dà lơgar dê: “Sau geh ală cau ling sền gàr tiah nhàr dà lơgar tàm do ai sa ngai, ròng siam bơto bơtê. Ală wa kơlôi rơcang ngan bol sau in, sền gròi bol sau in tus tơl dơ\ piang sàu. Sàu piang tàm do den bơkah ngan, phan sa ală wa gơm bơkah ngan mờ dong ală sau bơsram jak.”

Broa\ lơh hìu bềp tru\ sa nùs nhơm bơh Pôs ling sền gàr nhàr lơgar dunia Lệ Thanh

Jat Thượng uý Đỗ Quang Cường, kuang atbồ mpồl lam sồr làng bol, pôs ling sền gàr tiah nhàr dà lơgar mpồng nhàr lơgar Lệ Thanh, mpồl tru\ piang tơn bơh 14 tus 15 nă kơnòm bơsram geh rài kis uă kal ke tàm xã in. Kơnờm hìu bềp tru\ să bơh ală cau ling dê, ală sau geh hìu ơm ngài mờ hìu bơsram kung pơnjat tai bơsram [ùi mho halà rê tàm hìu mờ ờ gơtìp jơla ir halà jơgloh. Geh uă sau neh sàu piang tàm mpồl bơh gam bơsram kấp 1, tu\ do neh bơsram kấp 2: “Rài kis ală sau geh ròng tàm hìu bềp tru\ sa nùs nhơm den uă ngan kal ke. Geh ală sau bèp chơt, geh ală sau kòn đời jơh bal mè mờ bèp. Kuang bàng tàm mpồl neh kơ lôi sơ nơng mờ tru\ ală phan sa gàr tơl pràn, dơ\ 2 là gơ di mờ bơhìan bơh làng bol tàm [òn lơgar dê. Mờ ală sau sa bal mờ ală cau ling tàm mpồl lơh broă tàm [òn lơgar den ndrờm geh piang sàu, đal git khà phan pràn bal, di pal mờ khà phan sa tơl pràn bơh mpồl ling sồr.”

Bulah gam uă kal ke mơya gah Giáo dục mờ ală mpồl bal kung bè ală mpồl ling tàm tiah nhàr dà lơgar càr Gialai dê neh lơh ngan dong kờl nàng ai geh bơta [uơn kơnòm bơsram in tus hìu bơsram. Bơta dong kờl hơ\ ờ mìng dong kơ nòm dềt làng bol tàm [òn lơgar dê bơsram jak, mờ gam dong làng bol iang nùs lơh broă lơh sa. Bơh hơ\, pơ gồp bơnah bơt bơtàu tiah nhàr dà lơgar Gialai pràn kơldang, kơ\ kơljap tơl làm.

                               Cau cih mờ yal tơnggit K’ Duẩn