VOV4.K’ho-Tơngai lài, tàm ù tiah càr Gialai geh ală dơ\ ồs sa, lơh hoàc hươr uă bè kòn bơnus mờ phan bơna. Bulah bè hơ\, broă lơh rơcang sơndră mờ crùh ồs sa tàm tiah do kung gam ờ hềt geh sền gròi dipal sơl, lơh jơnau pơhìn uă digơlan gơlik geh tai ală dơ\ ồs sa dờng.

Mang ngai 6/2/2017 pa do, drà tờm kơnhoàl Kong Chro, càr Gialai nisơna gơtìp ồs sa, gơ sa jơh gi\t nđờ jơ\t nơm ki ốt, anih ràng tăc phan, lơh uă cau kă bro gơtìp gơ ơm tàm bơta roh jơh phan mìng gam mpàng tê gời lơm. Gơtìp ồs sa jơh phan bơna mờ jơtài kờp mờ priă là rlau 1 tơmàn 400 tơlak, ồng Nguyễn Ngọc Chối ờ suk ơm ngan tài bơh broă lơh rơcang sơndră mờ crùh ồs sa tàm tiah do ờ pràn jak ngan ir:

“Drà kung gam yal ai rơcang sơndră mờ crùh ồs sa, hơ\ sồng ală hìu, ală làng bol kă bro kung geh sơl ding [ồm. Mơya, ding [ồm dềt den [ồm gơ sơ\t ồs dềt gời lơm, do là ồs sa dờng mờ ồs sa gơ jơnhoa ngan den tàng ờ gơtùi [ồm gơ sơ\t ồs. Kung neh uă dơ\ đơs là lơh gùng nàng yờ tơnguh rơndeh jơnhoa rơcang sơndră ồs sa. Mơya neh lơh den ờ go\ sền go\ rơndeh, tu\ neh gơtìp ồs sa ờ geh dùl nơm rơndeh lơi. Ồs sa jơh dùl jiơ tơnơ\ hơ\ den rơndeh crùh ồs sa tàm An Khê, đah Phú {ổn hơ\ sồng tus anih. Tu\ hơ\, den ồs sa neh mờr jơh. Tu\ do, a` kung là cau gơtìp aniai sơl, neh gơtìp ồs sa jơh, a` kơ\p kờn dà lơgar sền gròi, tơnơ\ do neh lơh wơl drà den pal sền gròi broă rơcang sơndră mờ crùh ồs sa, lơh gơ in niam, ngan ală gùng che ồs đèng”.

Jat ồng Phan Văn Trung, Chủ tịch Ủy [an Nhân dân kơnhoàl Kong Chro, bơta pràn tàm broă lơh rơcang sơndră mờ crùh ồs sa bơh kơnhoàl dê là ờ geh rơndeh crùh ồs sa mờng ngui. Pah tu\ gơtìp ồs sa dờng den kơnhoàl pal hòi mpồl cau mờ ai rơndeh crùh ồs sa bơh Kuang àng càr Gialai dê. Kơnhoàl Kong Chro ơm ngài mờ tiah tờm càr tus 120 kơi sồ. Den tàng bè hơ\, broă lơh crùh ồs sa tìp uă ngan kal ke, sùm gơtìp lơyaì mờ ờ geh cồng nha. Bal mờ hơ\, jơnau gi\t wa\ rơcang sơndră mờ crùh ồs sa bơh làng bol dê gam ờ uă, kờn pal sơlơ tơnguh jơnhoa tai. Ồng Phan Văn Trung, đơs:

“Tàm tơngai tus, nàng lơh kơ\ kơl jăp mờ rơndăp tăp sèng wơl bơta drà den bol a` geh lơh uă rlau tai broă lơh rơcang sơndră mờ crùh ồs sa. Kuơmàng là gơ wèt mờ ală hìu làng bol kă bro, tơnguh jơnhoa jơnau gi\t wa\, geh kơnòl bơh tơl hìu dê tàm broă do”.

Jơnau gi\t wa\ rơcang sơndră mờ crùh ồs sa gam ờ hềt uă kung là jơnau geh ngan geh tàm uă tiah bơh càr Gialai dê. Pal sền ngac là broă ờ geh jơnau gi\t wa\ rơcang sơndră ồs sa bơrtoh geh tàm jơh ală anih pơhìn uă, bè hìu ràng tăc kă bro gas, xang zờu, phan prăp phan bơrtoh…Tàm dơ\ lòt sền broă lơh rơcang sơndră mờ crùh ồs sa ală hìu ràng tăc phan, đại lí kă tăc rah rài xang zờu, mpồl lơh broă geh gơnoar càr Gialai neh sền go\ uă anih lơh tìs. Tàm dùl hìu ràng tăc xang zờu tàm gùng Lê Duẩn, [òn dờng Pleiku, jơh ală ding crùh ồs ndrờm ờ go\ rơcang lài tàm jrong tuh xang zờu mờ geh prăp ndơ\p tàm hìu đơng lam. Tu\ geh mpồl lòt sền, cau atbồ jrong tuh xang hơ\ sồng ai cau cèng ơn ală ding crùh ồs di anih. {àng đèng tờm geh uă bơta tìs bè kỹ thuật, ờ go\ ơm ngài mờ đèng, digơlan gơtìp ồs sa. Lòt sền nền nòn rlau den rơ\p mìng geh 2 tàm 4 nă cau lơh broă tàm jrong tuh xang zờu neh geh bơsram bè rơcang sơndră mờ crùh ồs sa. Mơya, tu\ geh lùp bè jơnau gi\t wa\ rơcang sơndră mờ crùh ồs sa, den jơh bal cau neh geh bơsram kung ờ go\ gi\t loh sơl. Cau atbồ hìu ràng tăc xang zờu do mblàng bè jơnau lơh tìs bè do:

“Ding crùh ồs do den ờ go\ di là tu\ mpồl lòt sền den hơ\ sồng cèng tus ờ. Mờ jơnau là tài bơta pal jat bơh ding crùh ồs sa là ơn tàm tiah ra` rơ sơh, ha pah den tàng là lài do ràu mờ lơh kloh niam, bol a` prăp gơ ờ hềt thàn cèng tus”.

Ờ pràn jak tàm broă lơh rơcang sơndră mờ crùh ồs sa neh gơlam tus tơngai lài khà dơ\ ồs sa mờ hoàc hươr tài bơh ồs sa gơguh uă ngan tàm càr Gialai. Nam 2016, ồs sa neh lơh 3 nă cau chơ\t, hoàc hươr rlau 100 tơmàn priă. 3 nhai bồ nam do, càr Gialai kung neh geh bàr pe dơ\ ồs sa dờng lơh hoàc hươr uă tơmàn priă.

Nàng lơh niam rlau tai broă lơh do, tơrmù [à hoàc hươr tàm tơngai tus, Đại tá Dương Thanh {ình, Trưởng Phòng Kảnh sát Rơcang sơndră mờ crùh ồs sa mờ dong kờl rềs àr di Kuang àng càr Gialai, pà gi\t:

“Bol a` kung ai, lài ngan là pal tơrgùm đơng lam nàng yal mờ kâp ủy, gơnoar atbồ ală kơnă in sơlơ lơh kràn cê ală broă lơh rơcang sơndră mờ crùh ồs sa, ngan là tàm nhai kàl prang dờng ro kơnra`. Bơta dơ\ bàr là lơh pràn broă lơh mblàng yal, bơ\t bơtàu srơh gùt làng bol rơcang sơndră mờ crùh ồs sa, nàng lơh bè lơi bơtàu tơnguh geh jrô ơnàng, làm uă, tơnguh jơnhoa geh kơnòl bơh cau lam bồ anih lơh broă, ală kơnă, ală gah mờ làng bol dê gơ wèt tus mờ broă lơh rơcang sơndră mờ crùh ồs sa. Bơta dơ\ 3 là bol a` sơlơ lòt sền, bơto pơlam bè broă lơh rơcang sơndră mờ crùh ồs sa, lơh glài kràn ală cau lơi lơh tìs broă lơh rơcang sơndră mờ crùh ồs sa. Bol a` kung rơcang niam bè mpồl cau mờ phan ngui rơndeh rơndồ nàng tus dong kờl mờ bơsong di tu\ tu\ geh jơnau aniai ồs sa bơrtoh. Bol a` gam tơrgùm lơh ngan ală broă lơh rơcang sơndră mờ crùh ồs sa gơ wèt tus mờ ală anih geh pơhìn ồs sa bơrtoh, ngan là drà tờm kă bro, tiah tơrgùm phan bơna, jơtài uă ngan, pơhìn digơlan gơtìp ồs uă. Bol a` geh lòt sền, bơto pơlam mờ jơh nùs đơng lam broă lơh rơcang lài bơh ală anih lơh broă tàm tiah hơ\ dê nàng gơtùi sơndră wơl di tu\ tàm tu\ digơlan gơtìp ồs sa bơrtoh”.

Cau cih mờ yal tơngi\t- Lơ Mu K’ Yến