VOV4.K’ho – Dơ\ sơn rờp, làng bol lơh broă sa xã Ia Piơr, kơnhoàl Chư Prông, càr Gialai ki\ sră pơrgon tam tàu mờ Kong ti Cổ phần tàu sơdàng Daklak den gơtìp kal ke tàm broă tac tàu. Nhai prang tus, uă bă tàu gơtìp ồs sa, mơya broă blơi tàu bơh hìu mai\ dê kung lơỳai ngan, lơh làng bol lơh broă sa gơtìp hoàc huơr kơn jơ\ ngan:

Sền [làng tàu neh gơtìp ồs sa jù, ồng Phùng Văn Hương, ơm tàm xã Ia Piơr, kơnhoàl Chư Prông, càr Gialai pà git, dà kơl hề bơh hìu bơnhă dê tàm nam lài sền bè roh gời jơh tơn. Jơh bă tàu 8 lồ bơh hìu bơnhă ồng dê gơtìp ồs sa jơh mìng tàm dùl [ùi mho. Tơnơ\ 1 poh gơtìp ồs sa, 8 lồ tàu bơh hìu bơnhă ồng Hương dê kung ờ hềt geh cau lơi tus blơi, bulah ồng neh jòi tơl broă lơh nàng lùp ală hìu mai\ rềp, ngài. Ồng đơs: “Hìu a` dê geh 8 lồ tàu den ồs sa jơh tơn, ờ gam dùl tờm sơl. Tàu gơtìp ồs sa bè do, ro bè do, mờ hìu mai\ den ờ git gơbàn ờ niam bè lơi mờ ờ bài blơi làng bol in den sền bè sang gời jơh tơn, tàu ro jơh tơn, tu\ do pat ờ geh dà tai. Priă jền leng càn den bơcri jơh ai suơn tàu in, mờ tu\ do gơtìp ồs sa bè do den hìu bơnhă kung hoàc huơr kơn jơ\. Kơp kờ` kơnă hơđang geh broă lơi dong làng bol in, ai dilah bè do den ngan nam do là ờ geh sa tềp.”

Bă tàu gơtìp ồs sa

Bơh bồ nhai 11 nam 2017 tus tu\ do, tàm xã Ia Piơr, kơnhoàl Chư Prông sùm gơlik geh uă dơ\ ồs sa tàu, mờ mờr 80 lồ tàu gơtìp ồs sa jơh, lơh gơbàn hoàc huơr kơn jơ\ ngan tus mờ làng bol lơh broă sa. Tàm hơ\ geh ờ uă bă tàu ồs sa ờ gơtùi tac, den tàng cau lơh broă sa gơtìp hoàc huơr kơn jơ\ ngan. Ồng Nguyễn Xuân Lộ, atbồ [òn Yên Hưng, xã Ia Piơr pà git, nhai prang neh tus, den tàng jơnau pơhìn gơlik geh ồs sa tàu uă ngan; mờ dilah neh ồs sa den ờ jai pùh tơn, tài nha tàu ro [uơn ngan gơbàn ồs sa, bal mờ càl khồm pràn, ồs sa dờng ngan: “Sơn đờm yal geh ồs sa den gơnoar atbồ lam sồr mơ mpồl rơcang gàr [òn, làng bol tus bal pùh ồs, mơya ờ jai pùh sơl tài ồs sa dờng ngan. Dùl bă ồs hơng dờng ngan gơ glòm mờ gơ rề tus bă tàu ndai là bơta ờ gơtùi kơryan, bulah ai bal mờ rơndeh lơ òr, [ồm dà, tèk dà mơya kung ờ jai crùh chơt ồs sơl.”

Bă tàu gơtìp ồs sa

Kàl tam tàu 2017 – 2018, xã Ia Piơr, kơnhoàl Chư Prông tam mờr 350 lồ tàu, gơguh uă rlau 3 dơ\ pơn drờm mờ kàl lài hơ\. Bơta lơh làng bol khin tơnguh bă ù tam tàu bè do là tài Kong ti Cổ phần tàu sơdàng Daklak pa ntrờn hìu mai\ rê hờ kơn hoàl Ea Súp (rềp mờ kơnhoàl Chư Prông, càr Gialai), ki\ sră pơrgon blơi tàu làng bol xã Ia Piơr in. Bulah bè hơ\, jat mò Nguyễn Thị Trúc, ơm tàm [òn Yên Hưng, xã Ia Piơr, kơnhoàl Chư Prông yal, tu\ mut tàm nhai tơnhàu, broă blơi tàu bơh hìu mai\ do dê geh lơh lơỳai ngan. Bulah tu\ bơta tàu ồs gơlik geh uă ngan, broă blơi kung lơyài ngan, lơh hoàc huơr làng bol dê ngai sơlơ gơguh uă. Mìng is hìu bơnhă mò Trúc, geh 5 lồ tàu gơtìp ồs sa mơya hìu mai\ blơi lơyaì, den tàng hoàc huơr gơguh tus git nđờ rhiang tơlak priă: “Dilah hìu mai\ blơi di tu\ làng bol in, den a` neh gơtùi tơm 150 tơlak priă dồs hìu mai\ dê, he ờ gơtìp kòl dồs, mờ mìng roh gời mờr 200 tơlak priă lơh geh. Mơya tu\ do hìu mai\ ờ hềt blơi den he gam dồs priă hìu mai\ dê, priă lơh geh den ờ geh, sền bè he roh jơh dà kơl hề tàm 1 nam tơn. Hìu bơnhă a` moat jrùm ngan, nđờ ngai do ờ kờ` lòt tềng lơi.”

Gơn ru tàu ồs sa ờ geh cau blơi 

Jat mò Bùi Thị Hồng Thắm, Phó Chủ tịch UBND xã Ia Piơr, kơnhoàl Chư Prông yal, lài do, làng bol tàm xã ki\ sră pơrgon mờ Hìu mai\ lơh sơdàng Ayun Pa (geh hìu lơh broă tàm thị xã Ayun Pa, càr Gialai) den tơl bơta ndrờm niam lơm. Tơngai do ală nam lài, hìu mai\ neh blơi jơh tàu làng bol in. Mơya kàl do, dơ\ sơn rờp làng bol ki\ sră pơrgon mờ Kong ti Cổ phần tàu sơdàng Daklak, den broă tac tàu gơtìp uă ngan kal ke. Kong ti do mìng ki\ sră pơrgon mờ làng bol tơn, mờ ờ geh gơnoar atbồ tàm [òn lơgar ringbal den tàng kal ke ngan kờ` bơsong ală bơta gơlik geh: “Hìu mai\ Ea Sup lơh broă tơn mờ làng bol, den tàng hoàc huơr làng bol dê dờng bè do, tàu ồs sa bè do mơya gơnoar atbồ tàm [òn lơgar kal ke ngan lơh broă mờ kong ti. Dilah tu\ ki\ sră pơrgon mờ làng bol mờ geh bơta ringbal bơh gơnoar atbồ xã dê, den xã geh lơh broă tơn mờ kong ti nàng sền kòl yan, kal ke bè lơi nàng bơsong làng bol in. Mơya hìu mai\ den ờ lơh broă mờ gơnoar atbồ xã.”

Jơnau ờ suk tàu gơbàn ồs sa ngai sơlơ uă tài nhai prang neh tus

Bòl glar jơh 1 nam tàm [làng sre nàng sơngka sền gàr tờm tàu in geh cồng nha uă, mơya tu\ do, làng bol tam tàu tàm xã tiah nhàr dà lơgar Ia Piơr, kơnhoàl Chư Prông, càr Gialai gam gơ lơh bè `ă tàm gơn ru ồs. Bal mờ broă khà priă tàu gơmù lơyah ngan, den bơta tàu ồs sa sùm gơlik geh. Tàm tu\ hơ\, broă blơi tàu hìu mai\ dê den lơyài, lơh cau lơh broă sa sơlơ ờ suk rlau.

           Cau cih mờ yal tơnggit K’Duẩn