VOV4.K’ho - Bu\ lah 2 broă lơh hìu măy pờ tơl^k ồs đèng Đồng Nai 2 mờ 3 neh mu\t lơh broă mờ pờ tơl^k ồs đèng tàm uă nam do, mơya tus tu\ do, ală gơnoar kuơ di pal bơh cau te\ khà dê tàm tiah lơh rơndăp broă pờ tơl^k ồs đèng kung gam ờ hềt geh bơsong jơh. Tu\ do, gam geh g^t nđờ rơhiang hìu, geh uă ngan là làng bol kòn cau tàm 2 kơnhoàl Di Linh mờ Lâm Hà, càr Lâm Đồng dê kung gam ờ hềt geh dờp tơl priă tơm ntrờn mờ ù lơh sa pa. Di tàm pơrjum dơ\ 10, Gơnoar ala măt dà lơgar kơnă 13 mu\t pơrjum, làng bol te\ khà tàm 2 kơnhoàl do neh dan pal gờ` geh broă lơh kờ` bơsong, dong kờl ai geh wơl gơnoar kuơ di pal làng bol in.

Hìu măy pờ tơl^k ồs đèng Đồng Nai 2 geh lơh tàm dà dờng Đồng Nai, geh bal tàm kai dơ\ 3 bơh hìu măy pờ tơl^k ồs đèng đah tô dà dờng Đồng Nai dê, geh bơta pràn crăp măy là 70 MW, mờ kờp jơh khà priă bơcri rơlao 3 rơbô 500 tơmàn priă, geh anih lơh sa kă bro bal hìu măy pờ tơl^k ồs đèng Trung Nam lơh tòm bơcri priă. Kờ` lơh hìu măy, anih lơh sa kă bro bơcri priă tòm neh pal tơm ntrờn rơlao 1 rơbô 100 lồ ù tam phan bơh 1 rơbô 200 hìu làng bol, gơwèt 8 ntum, bơh 2 kơnhoàl Di Linh mờ Lâm Hà in, tàm hơ\, geh uă hìu làng bol kòn cau. Jơnau kờ` đơs ngan, bu\ lah broă lơh neh geh ngui mờ pờ tơl^k ồs đèng, mơya tus tu\ do, ală gơnoar kuơ di pal bơh cau te\ khà tàm tiah geh rơndăp broă lơh do gam ờ hềt bơsong jơh. Cau te\ khà Đoàn Văn trung, kis tàm ntum Tân Thanh, kơnhoàl Lâm Hà dan: “Hìu măy pờ tơl^k ồs đèng Đồng Nai 2 tơm ntrờn ờ hềt gơs, mìng rơ\p tơm ntrờn geh 2/3 khà hìu mơ. Đơs ngan là tu\ ring bal rơndăp broă tơm ntrờn, broă lơh 1 gah mờ tơnơ\ mờ hơ\ lơh jăt broă tơm ntrờn 1 gah krơi is. Jăt broă lơh den khà priă tơm ntrờn uă rơlao, mơya tu\ lơh jăt broă tơm ntrờn den ờ uă rơlao jăt mờ dơ\ sơnrờp geh ai. Ntum kung neh uă dơ\ ngan sơl lam sồr, mơya tus tu\ do kung ờ hềt bơsong gơs”.

Tàm tu\ hơ\, Hìu măy pờ tơl^k ồs đèng Đồng Nai 3 rềp bal hờ đah jum kung gơtìp ndrờm bal sơl. Bu\ lah hìu măy pờ tơl^k ồs đèng do neh mu\t lơh broă pờ tơl^k ồs đèng 5 nam do, mơya tus tu\ do, rơlao 100 hìu làng bol kòn cau tàm tiah lơh hìu măy pờ tơl^k ồs đèng gơwèt ntum Đinh Trang Thượng, kơnhoàl Di Linh kung gam ờ hềt geh bơsong jơh priă tơm ntrờn, tàm hơ\ geh bal ù lơh sa pa kung ờ hềt geh ai sơl.

Cau te\ khà K’ Brền, kis tàm [òn 4, ntum Đinh Trang Thượng pà g^t: Tài ờ hềt geh dờp ù lơh sa pa, den tàng rài kis làng bol cau te\ khà tàm do gơtìp kal ke, pal lòt lơh broă ơpah gùt ù gùt tiah. Tàm hơ\ geh bal bă ù ơnàng 40 lồ kơphe, phan tam ờ jo\ tơngai bal mờ hìu ơm gơl^k geh tai làng bol dê gơtìp gơbam tàm dà kung ờ hềt geh kờp sền mờ tơm di pal. Ờ geh ù tam phan, ờ geh broă lơh, den tàng g^t nđờ 10 hìu neh gơtìp rơ[ah wơl, oh kòn pal sơbì ờ lòt bơsram. Cau te\ khà K’ Brền dan mờ Gơnoar ala măt dà lơgar pal geh broă lơh pràn kờ` kơrian broă do:

“Dan mờ Gơnoar ala măt dà lơgar lơh bè lơi mhar tus sền gròi, sền wơl boă gơtìp kal ke do sơlơ gờ` sơlơ niam kờ` làng bol kòn cau bol a` kơnờm. Làng bol geh ù lơh sa pa kờ` tam phan den hơ\ sồng geh ring niam, di lah lòt lơh broă ơpah sùm bè do den ờ g^t tus tu\ lơi hơ\ sồng klàs mờ jơgloh, rơ[ah”.

Tềng đăp mờ nùs nhơm ờ su\k ơm bơh cau te\ khà dê tài gơnoar kuơ di pal, neh ờ geh ală anih lơh broă geh gơnoar bơh càr sền gròi mờ bơsong jơh, ồng Nguyễn Bá Thuyền, kuang jăt jơng atbồ mpồl kuang bàng tàm Gơnoar ala măt dà lơgar càr Lâm Đồng pà g^t, mpồl kuang bàng do geh tus sền gròi mờ hòi jà ală mpồl lơh broă, ală anih lơh broă geh gơnoar, cau tòm bơcri priă lơh ală rơndăp broă lơh hìu măy pờ tơl^k ồs đèng do pal gờ` bơsong làng bol in. Ồng Nguyễn Bá Thuyền đơs tai: “Khà ù gơbam tai là di pơgăp 100 hìu, làng bol yal là neh 5 nam kis glar bòl ngan, mơya kung gam ờ hềt geh sền gròi, tơm ntrờn, ờ ai ù lơh sa pa, den tàng làng bol ờ su\k ơm ngan, broă do bol a` pal sền gròi. Mìng is hìu măy pờ tơl^k ồs đèng Đồng Nai 2, den tu\ do làng bol gam ờ su\k ơm bè broă tu\ lài dan tơm ntrờn 380 tơlăk priă tàm 1 lồ ù, mơya geh bơ\t dà lài hơ\ sồng tơm tơnơ\. Tơnơ\ mờ hơ\, rồn bơklơn làng bol tai mìng tơm 80 tơlăk priă tàm 1 lồ den tàng làng bol ờ su\k ơm ngan. Broă do di lah gam ờ hềt bơsong gơs den a` geh pơn jăt tai yal tơn tàm pơrjum Gơnoar ala măt dà lơgar”.