VOV4.K’ho - Glocom, gam geh hòi là kòp cườm nước halà thiên đầu thống, là dùl bơta kòp mat dê, lơh aniai tus bơta sền loh mat dê. Do là kòp uă dơ\ 2 lơh gơbàn jơngo mat tàm dunia bal mờ kòp đục thuỷ tinh thể. Việt Nam geh pơgap 6,5% cau jơngo mat là tài bơh kòp do.

Kòp ngòt rơngơt, mơya gơbàn rơ le\ rơlùn, pơgap 90% cau kòp ờ git he gơbàn kòp tus tu\ mat gơtìp jơngo, sền ờ loh:

Ồng Tôn Thất Tín ơm tàm sơnah [òn Tân An, [òn dờng Buôn Ma Thuột, càr Daklak là dùl nă cau ai lơh pơn yơu tàm bơta ờ git wă bè kòp Glocom. Tơ nơ\ uă nhai go\ mat geh ală tềl tơnggo\ sền ờ loh gơ jat bal mờ jê, hơ\sồng ồng tus hìu sơnơm mat nàng kham.

Cồng nha kham, bác sĩ pà git, ồng Tín gơbàn kòp Glocom neh jo\ nam. Ồng Tín geh sồr reh tơnơ\ hơ\ tơn, mơya jat bác sĩ, bơta digơlan nàng àng wơl mat ồng in là dùl êt ngan. Ồng Tín yal:

“Lài mờ tu\ a` tus kham tàm hìu sơnơm mat, a` go\ tàm mat he dê gơ lơh geh dùl gùng bè cồng mơ\ tềng mat, mat a` ngai sơlơ sền ờ loh, ờ sền go\ tai den tàng a` lòt kham. Bác sĩ đơs là a` gơbàn kòp Glocom mờ sồr mut tàm hìu sơnơm piam.”

Cau ndai bè bi Y Djuan Bkrông, 43 sơnam, ơm tàm [òn Knia, xã Ea Rông, thị xã Buôn Hồ, càr Daklak. Bi Y Djuan geh ală bác sĩ kham tơ moh là gơbàn kòp Glocom. Lài mờ tu\ go\ mat gơ lơh sền ờ loh, bi tồn lah he gơbàn kòp sền ngài ờ loh.

Tơnơ\ do, tu\ sền ngai sơlơ ờ loh, hơ\sồng bi tus hìu sơnơm thị xã Buôn Hồ nàng kham mờ sơm kòp. Tàm do, tơnơ\ mờ tu\ reh, cau kòp ờ lòt kham wơl, ờ lơh jat jơnau pơlam sơm kòp. Tus dùl tơngai tơnơ\ mờ tu\ mat ờ gơtùi sền go\ tai, hơ\sồng bi tus hìu sơ nơm mat càr Daklak nàng kham.

Ală bác sĩ pà git, kòp bi Djuan dê jroă ngan, neh gơtìp aniai jơh gùng che tơ ngoh tàm mat mờ lơh jơngo 1 đah mat. Bi Y Djuan đơs:

“Lài do a` ờ huan sền gròi, go\ mat gơ lơh sền ờ loh mơya ờ bài lòt kham gờ`. A` sơm tàm Buôn Hồ mơya jroă ir hơ\sồng lòt tus ndo. Tàm do neh sơm 3 ngai mơya kung ờ go\ kòp geh bơta tam gơl. Hìu nhă a` kal ke ngan mờ a` kung ờ sền gròi tus kòp he dê.”

Glocom là bơta khà dà tàm kòn mat gơguh uă, lơh aniai tus ală tế bào tơ ngoh sền mat dê. Ală bơta aniai do ờ gơtùi sơm bời, tàm ală cau gơbàn kòp neh jroă digơlan lơh gơbàn jơ ngo mat, ờ gơtùi sền go\ wơl tai. Kờp bal pah ngai, khoa kham, hìu sơ nơm mat càr Daklak dờp rlau 150 nă cau kòp, tàm hơ\ geh 20% cau gơbàn kòp Glocom.

Sùm den là tài kòp ờ geh git go\ gờ`, cau kòp sùm sơnơng tìs mờ ală kòp ndai bè mat den tàng neh ờ kơlôi rơcang sơm kòp lơh gơbàn jơnau gơ lời wơl ngòt rơngơt ngan.

Jat ală bác sĩ ờs mờng gah sơm kòp, kòp Glocom geh 2 bơta là Glocom góc đóng (halà kòp Glocom kơn jơ\) mờ kòp Glocom góc mở (halà kòp Glocom neh jo\ nam). Sùm gơbàn ngan rlau jơh là kòp Glocom góc mở.

Thạc sĩ, bác sĩ Lê Dương Thùy Linh, atbồ khoa kham, hìu sơnơm mat càr Daklak pà git:

“Glocom góc đóng den sùm lơh gơbàn ală dơ\ kơn jơ\ mờ ală tềl tơng go\ bè cau kòp gơtìp jê mat, jê bồ uă, geh bal mờ tuh hă, sền tiah àng go\ geh gùng pơr hê, tơlir. Mờ bơta kòp Glocom góc đóng den ală tềl tơnggo\ kòp gơlik geh uă rlau den tàng cau kòp tus kham mờ bác sĩ mơ.

Ală cau gơbàn bơta kòp do den pal reh. Ai Glocom góc mở den kòp gơbàn rơ le\ rơlùn, bulah bơta bơ klơn tus kòn mat gơguh uă mơya kung gam jai kong, tus tu\ geh sồt tàm kòn mat den cau kòp neh sền ờ loh.”

Glocom mờ đục thủy tinh thể tu\ do gam là 2 bơta kòp lơh gơbàn jơngo mat uă ngan rlau jơh. Bulah bè hơ\, dilah kòp đục thủy tinh thể gơtùi reh nàng sền go\ wơl mat in den kòp Glocom là kòp ờ gơtùi sơm bời, cau kòp mìng geh sơm nàng gàr bơta pràn sền mat dê mờ pal sơm kòp jơh rài kis.

Den tàng, bè khà ngòt rơngơt, kòp do geh mpồl lơh sơnơm dunia đơs là kòp lơh gơbàn jơngo mat ơm dơ\ 1 tàm ală bơta kòp bè mat.

                                                                          Cau cih mờ yal tơnggit K’Duẩn