VOV4.K’ho - Dơ\ sơnrờp, cau lơh broă khoa học lơgar Việt Nam neh go\ ală tiah lời wơl ơm kis bơh cau rài lài do tàm ală trồm rơgồng bơnơm ồs tàm Tây Nguyên. Do là 1 broă jòi go\ kuơ màng, geh bơta kuơ bè 1 bơnàng jă bơh gah cổ nhân học lơgar Việt Nam dê.

Tàm drim ngai 18 nhai 9, tàm Hà Nội, Bảo tàng Thiên nhiên Việt Nam, Viện Hàn lâm Khoa học mờ Công nghệ Việt Nam neh yal bè cồng nha jòi go\ mờ rồ geh ing bơh broă jòi go\ do.

Mờ cồng nha geh nùs nhơm kuơ màng do, Bảo tàng Thiên nhiên Việt Nam neh dan lơh Bảo tàng prăp gàr tơn tàm Tây Nguyên kờ` broă prăp gàr sơlơ ngai sơlơ geh đềt mềr mờ ală cau.

Jăt ală cau jăk chài yal, tiah tềl lời wơl tàm trồm rơgồng bơnơm ồs là tiah lồi wơl niam bơne\ ngan tàm lơgar Việt Nam mờ Đông Nam Á dê, pal geh adăt boh lam sề gàr, prăp gàr mờ tơnguh bơta niam phan lời wơl do.

Cau mblàng Ndong Brawl