VOV4.K’ho - Bu\ lah jơnau anih lơh sa kă bro ờ ngan pơrlồm làng bol blơi sơntìl prang plai màk, rơpoal kuh, sa chi mờ phan lơh broă sa suơn sre hơ\ sồng dô pồn g^t tàm tiah lơi kung gam ờ hềt gơmù tàm càr Gia Lai, den pal do tai, làng bol ală kơnhoàl đah jum măt tơngai l^k mờ đah jum càr do pơn jăt tai gơbàn pơrjum ndrờm bal sơl mờ broă tam ca. Is mờ ală dơ\ lài, dơ\ do, ală broă lơh bal bơh anih lơh sa kă bro ờ ngan do neh ndơ\p uă ngan.

Bồ nam 2017, bi Nguyễn Xuân Sử, Phó kuang atbồ hợp tác xã lơh sa suơn sre Tân Tiến, xã Chrôh Pơnan, kơnhoàl Phú Thiện hợp đồng tam 5 rơbô kơl dung ca mờ công ty Cổ phần tăc mờ blơi phan kloh niam bơh broă lơh sa suơn sre mờ lơgar bơdìh Việt Nam dê, geh anih tàm hìu sồ 27 gùng Phan Đăng Lưu, sơnah [òn Tân An, [òn dờng Buôn Ma Thuột, càr Dak Lak.

Jăt mờ hơ\, anih lơh sa kă bro do ai sơntìl, ală phan lơh broă sa suơn sre, phơng vi sinh, kỹ sư bơto sồr tàm broă lơh mờ tă lài 50% khà priă. Bal mờ hơ\, anih lơh sa kă bro do gam hơ, tơl kơl dung ca geh tơnhào ờ uă ngan 2 k^ nggùl, di lah ờ tơl geh công ty do bơtơl. Jơh ală ca do geh blơi jơh mờ khà 18 rơbô priă tàm 1 k^, hơ\ là uă rơlao 2 dơ\ jăt mờ khà priă tàm drà kă bro.

Mơya, tu\ ca gơbàn kòp, hòi kờ` geh broă dong kờl den bi Sửu gơbàn ờ geh. Kuơ màng ngan, tơnơ\ mờ tu\ bi neh jào rơlao 50 tơlăk priă bè neh hơ, den anih lơh sa kă bro do ni sơna dô ờ g^t tàm tiah lơi. Tus tu\ do, bơdìh mờ khà rơlao 100 tơlăk priă bơh hìu nhă gơbàn roh gời tài ca neh ồm, bi Sử gơbàn dồs:

-A` kung neh yal 2, 3 dơ\ mơya công ty đơs là geh sồr kỹ sư tus, cau kỹ sư do ne sồr tus mơya ờ go\ geh cau lơi. Tơnơ\ mờ hơ\ a` hòi tai den ờ gơtùi, cau gơsơ\t măy. Priă den ờ di priă hìu nhă a`, do là priă a` càn mờ Ngân hàng. Pah nhai a` pal tơm priă cồng ngân hàng in, mờ khà càn 70 tơlăk priă ờ hềt g^t tu\ lơi hơ\ sồng geh tơm.

Kung ndrờm bal mờ bi Sử sơl, hìu nhă ồng Hoàng Duy Hoàn, atbồ Hợp tác xã lơh sa suơn sre Tân Tiến, xã Chrôh Pơnan, kơnhoàl Phú Thiện kung gam di gơlan roh gời sơl 300 tơlăk priă bơcri lơh tàm 15 rơbô kơl dung ca. Tài 20 tấn ca bơh ồng Hoàn neh rơlao mờ tơngai tơnhào 1 nhai mờ ò jòi geh anih tăc:

-Bơcri priă lơh tàm broă do là 20 tơlăk priă blơi, 10 rơndeh pơn diang ù, 6 rơndeh lơ\, 61 tơlăk è kơ bơrlu\ bal mờ ù. Khà priă lơh gơs 1 kơl dung ù do là 10, 20 rơbô priă. Ca do a` tăc geh 6 rơbô priă den mìng geh bơsal wơl 1 bơnah 3 khà priă, gam di lah ờ tăc yòm den sơbì gơtời tơn.

Ală bơta tàm broă lơh hợp đồng kơno gơlơh bè geh kuơ tus mờ làng bol bè ai càn lài 50% khà priă tus lồi kàl, hơ geh blơi jơh phan geh tam mờ khà priă uă, là ală bơta ndrờm bal mờ broă pơrlồm bơh ală công ty ờ ngan lài do tus mờ rơpoal kuh, plai màk.

Bơta kờ` đơs ngan là, dơ\ do, công ty Cổ phần tăc mờ blơi phan mờ lơgar bơdìh bơh phan geh lơh bơh broă lơh sa suơn sre kloh niam Việt Nam bơyai lơh pơrjum cri bơyai, mờ broă geh tus bal bơh ala măt gơnoar atbồ, tơl^k măt mpồl cau lơh broă. Ală bơta do, bal mờ broă yal bè bơta geh kuơ uă neh lơh làng bol gơboh kờ` mờ ờ sền gròi tus mờ ală phan geh lơh do, khà priă blơi tàm hợp đồng.

Tu\ lơh broă bal den sồr làng bol jào priă tơn tus mờ tài khoản is să tòm ồng Lê Văn Lưỡng, Kuang atbồ công ty den làng bol ờ rơcang sền gròi mờ pin prơdah. Ồng Phùng Tất Thắng, kuang atbồ Hợp tác xã lơh sa suơn sre Phú Thiện, là cau roh gời 300 tơlăk priă bơcri tàm broă tam rơlao 10 rơbô kơl dung ca pà g^t, tu\ ồng g^t ală bơta do, ală bơta neh jơlah ir:

-Dơ\ rơpoal kuh, bol a` ờ lơh tài ờ loh mùl màl geh anih tòm, ờ geh cơng tàng lơi. Mơya broă lơh do geh anih. Geh bơh bi Toàn, Chủ tịch UBND xã Cư\ A Thai, dơ\ 2 tai là bi Phạm Ngọc Nghĩa atbồ Hợp tác xã lơh sa suơn sre Cư\ A Thai lam sồr, bol a` kơlôi là cau ngan, broă ngan den tus bơsram bal. Dơ\ 2 tai là kung bè broă lam sồr den bol a` pin dờn kờ` lơh hợp đồng, ờ go\ di là lơh glời.

Tàm anih yal tơng^t Dà lơgar bè broă lơh sa kă bro, công ty Cổ phần tăc mờ blơi phan geh lơh bơh broă lơh sa suơn sre mờ lơgar bơdìh kloh niam Việt Nam dan kă bro tàm sở Kế hoạch mờ Đầu tư càr Dak Lak.

Mùl màl, công ty do ờ tu\ lơi geh măt tàm anih dan lơh broă sồ hìu 27 gùng Phan Đăng Lưu, [òn dờng Buôn Ma Thuột, càr Dak Lak. Bơta lơh ờ su\k ngan, tơnơ\ mờ dơ\ pơrlồm geh cồng nha uă mờ làng bol tàm càr Gia Lai, công ty tàm càr do neh tơn jơh lơh broă. Gam 5 anih lơh broă ndai tai tàm càr Bình Thuận, Ninh Thuận, Bình Định, Nghệ An, Nam Định gam lơh broă.

Tu\ do, ờ hềt geh khà kờp làng bol là cau gơbàn pơrlồm bơh công ty Cổ phần tăc mờ blơi phan lơh sa suơn sre kloh niam Việt Nam tàm càr Gia Lai dê. Mơya, broă bơyai lơh pơrjum mờ broă tus bal bơh làng bol ală kơnhoàl tiah đah jum măt tơngai l^k mờ đah jum càr Gia Lai dê gơtùi g^t lài khà cau gơbàn pơrlồm di gơlan tus g^t nđờ rơhiang hìu.

Bal mờ khà priă bơcri g^t nđờ rơhiang tơlăk priă tàm 1 hìu, den hoàc huơr bơh công ty do lơh gơbàn tus mờ làng bol là uă ngan. Ồng Mai Ngọc Quý, Phó trưởng Phòng Nông nghiệp mờ Phát triển Nông thôn kơnhoàl Phú Thiện đơs là, ală anih lơh broă geh gơnoar pal tus bal mơ den hơ\ sồng gơtùi kơrian anih lơh sa kă bro ờ ngan do pơn jăt tai pơrlồm làng bol:

-Dan mờ anih lơh broă geh gơnoar gờ` tus bal lùp sền, lơh loh broă pơrlồm bơh ală công ty. Tàm tơngai tus, mờ là anih lơh broă atbồ dà lơgar dê, Phòng Nông nghiệp mờ Phát triển Nông thôn geh rơcang pơgồp bal mờ UBND ală xã, thị trấn di tu\ lam sồr làng bol ba` lơh broă is bal mờ ală công ty ai ală bơta sơntìl phan tam. Lam sồr làng bol tam ală phan tam di pal mờ geh UBND càr ai tam kờ` pleh mờ broă gơbàn pơrlồm bè tam ca, tam rơpoal kuh tàm tơngai pa do.

Cau cih mờ yal tơng^t Ndong Brawl