VOV4.K’ho – Khà priă tiêu jơnua gam lơh srơh tam tiêu tàm làm gùt ală càr Tây Nguyên gơguh uă, gơjat bal mờ bơta gơguh jơnhua khà priă jrang tiêu sơntìl. Tàm tu\ bơta kơ`au tiêu gar mìng gơlik geh tàm nhai tơnhàu, den bơta kơ`au jrang tiêu sơntìl gơlik geh pah nam, mờ ală jrong tiêu gơtìp koh kơ`au jơh tơn. Mìng is tàm kơnhòal Cư Kuin, càr Dak Lak, uă cau neh pal kong tơm priă sền gàr nàng suơn tiêu ờ gơtìp koh aniai.

Uă hìu nhă làng bol tàm ală ntum Ea B’hôk, Dray Bhăng, Ea Ning... kơnhòal Cư Kuin, càr Dak Lak gam ờ suk ngan tềng đap bơta kơ`au tiêu gơlik geh uă ngan tàm pơgap 2, 3 nhai do. Geh hìu nhă gơtìp koh jơh tơn git nđờ jơt `jrong tiêu mìng tàm dùl mang. Dùl nă cau ùr tàm [òn Kim Châu, ntum Đray Bhăng pà git: “ Pơgap dùl nhai lài, geh 2 nă klau pơnu mut tìp ùr do lơh bè dan sồ điện thoại bơklau a` dê. Tơnơ\ cau do hòi điện thoại hìu nhă in geh đơs là dờp sền gàr suơn tiêu hìu nhă in, mờ khà priă 10 rbô priă tàm dùl `jrong tàm dùl nam, pơrgon là ờ tu\ lơi gơtìp kơ`au. Bơklau a` dê ờ git cau lơi mờ sơnơng là suơn he dê den he sền gàr is, ờ duh pal sồr cau ndai den tàng ờ bài iat điện thoại tai. Tàm mang hơ\ tơn, 17 `jrong tiêu hfiu nhă dê gơtìp koh jơh.”

Bơta hòi điện thoại sồr làng bol tong priă nàng sền gàr suơn tiêu mờ khà priă 10 rbô tàm dùl `jrong tàm dùl nam gam gơlik geh mờ uă hìu nhă ndai tai. Dilah ờ bài, ală hìu nhă tam tiêu geh dờp tin nhắn pơhìn koh aniai suơn tiêu. Jat làng bol, geh hìu nhă gơtìp koh tus rlau 40 `jrong tiêu. Kuang àng đơs neh đal git cau tờm mut lơh mơya ờ hềt gơtùi kup bàn, den tàng ờ hềt gơtùi lơh glài.

Nàng sền gàr suơn tiêu, ờ uă hìu nhă pal lơh kù nàng ơm sền gròi suơn tiêu ngai kung bè mang. Ờ uă hìu nhă ndai tài gơtìp pơhìn den tàng neh pal tong 5 tơlak priă tàm dùl nam nàng gàr niam suơn tiêu hìu nhă dê, mơya kung gam gơtìp koh kơ`au.

Ồng Nguyễn Đình Hoan, kuang atbồ kuang àng ntum Dray Bhăng pà git, tàm ntum gam geh dùl mpồl cau mờng kơ`au jriang tiêu, dờp sền gàr suơn chi làng bol dê.

Jat ồng Hoan, mpồl cau do là ală cau pơnu hàm nhơl, neh geh tìs bè kơ`au, kờ` lơh sồt să cau ndai den tàng làng bol ngòt ngan. Mpồl cau do geh cau mờng mut lơh ală dơ\ kơ`au, geh mpồl bal, dờp phan lòt tac gơs dùl broă lơh dơp ndơl.

“ Jat lah yă, mpồl do yal khà priă, dilah cau tờm suơn ờ bài ai khi sền suơn den khi rơp koh aniai suơn chi. Uă cau gơtìp pơhìn den tàng neh ngòt ngan mờ tong priă mpồl do in. Mơya, uă ngan làng bol bulah gơtìp kơ`au, gơtìp koh aniai kung ờ khin yal mờ kuang àng tài ngòt khi sal wơl, gơtìp koh aniai uă rlau.”

Mờ ală broă lơh ndai, bol a` neh ơm kơp nàng kup bàn kờ` geh cơng tàng lùp khàu lơh loh, mơya kung ờ hềt kup bàn sơl. Tu\ do ală cau do neh pồn dô bơh [òn lơgar” - ồng Hoan yal.

Ồng Hoan pà git tai, bơta sồr sền gàr suơn tiêu, kơphe ờ di mìng gơlik geh pa do, nđờ nam lài, neh geh tu\ geh cau gơtìp pơhìn koh kơl suơn kơphe den tàng neh pal tong priă ală mpồl cau tìs in. Kuang àng neh kup bàn ờ uă mpồl.

Pơgap 2 nam do, bơta do gơlik geh tai, lơh làng bol ờ suk ngan. Pa do, kuang àng pal yal làng bol in, cau lơi gơtìp roh kơ`au, koh kơl aniai den pal yal nàng kuang àng in git ală bơta gơlik geh, tơnơ\ hơ\ neh geh mờr 20 jơnau yal làng bol dê.

Tàm tu\ hơ\, ồng Trương Văn Phụng, kuang atbồ Kuang àng ntum Ea B’hôk pà git, ntum ờ hềt geh jơnau yal lơi bè bơta sồr sền gàr mơya bơta koh kơl aniai suơn chi, kơ`au jriang tiêu den nhai lơi kung gơlik geh. Jat ồng Phụng, bơh bồ sơnam tus tu\ do, tàm ntum neh gơlik geh bơ 15 tus 16 dơ\ kơ`au jriang, koh aniai tiêu. Mơya tus tu\ do ờ hềt kup bàn dơ\ lơi.

Pa do ngan rlau jơh là ngai 5/8, poh hìu nhă tàm [òn 3 mờ [òn 8 ntum Ea B’hôk gơtìp bol blơ\ koh aniai bơh 4 tus 16 jrong tiêu tàm 1 hìu nhă, hoàc huơr git nđờ rhiang tơlak priă. Do ờ di là tài tàm gơ jra` is, mờ broă koh kơl aniai kờ` pơhìn làng bol nàng geh dờp bơta lơi gơ dê.

Mơya, jat ồng Phụng, kuang àng ntum mìng git ală bơta gơlik geh, sền gàr tiah gơlik geh bơta aniai mờ yal kuang àng kơnhòal in lùp khàu. Kuang đơng lam bồ kuang àng kơnhòal Cư Kuin kung dờp git, kuang àng kơnhòal gam mut lơh broă jòi kup mpồl sồr làng bol tong priă sền gàr suơn chi.

                                                                                Cau mblàng K’ Duẩn.