VOV4.K’ho - Poh lài, Gơnoar ala măt dà lơgar cri bơyai bè broă lơh jăt broă lơh adăt boh lam bè sền gàr, ngui ù tàm ală anih lơh sa suơn sre-anih tam sền gàr brê dà lơgar tơngai bơh nam 2004 tus 2014. Do là broă kal ke ngan tàm ală càr Tây Nguyên đơs is mờ gùt lơgar đơs bal. Tàm pơrjum cri bơyai, ală kuang bàng neh đơs là, tàm tu\ ù tàm ală anih lơh sa suơn sre-anih tam sền gàr brê dà lơgar lơh broă ờ geh cồng nha den geh uă làng bol ờ tơl ù lơh sa. Mùl màl do pà go\, tơnguh uă cồng nha sền gàr ngui ù tàm ală anih lơh sa suơn sre-anih tam sền gàr brê dà lơgar gam là 1 broă pal geh lơh mhar tu\ do.

Ồng Nguyễn Văn Rinh, mpồl kuang bàng càr Hải Dương đơs là: bal mờ broă tơnguh bơtàu broă lơh sa dê, ală anih lơh sa suơn sre-anih tam sền gàr brê dà lơgar kung pơgồp bal 1 bơnah broă tă tàm kes priă dà lơgar. Mơya, bơh uă tơngai, broă sền gàr ù tàm ală anih lơh sa suơn sre-anih tam sền gàr brê neh geh uă tam gơl. Cồng nha sền gàr ờ niam, lơh gơtìp hoàc huơr uă bè ù tiah. Jăt ồng Nguyễn Văn Rinh đơs, gơl^k geh tòm ngan bơh broă do dê là tài broă rơndăp, tam gơl pa broă sền gàr ù tiah tàm ală anih lơh sa suơn sre-anih tam sền gàr brê gam ờ pràn. Ală anih lơh sa suơn sre-anih tam sền gàr brê tơnơ\ mờ tu\ geh tam gơl ờ hềt rơcang lơh jăt kơnòl sền wơl ù tiah, was ù, tồt `jong nhàr, lơh sră nhàr ù tiah kờ` tam gơl ơpah ù jăt mờ kơrnoăt neh ai; mờ broă g^t lơh jăt adăt boh lam bơh ờ uă kuang bàng tàm uă anih lơh sa suơn sre-anih tam sền gàr brê gam ờ ngăc ngar, gam geh nùs nhơm kơlôi sơnơng ờ di pal, gam kơ\p gơn mờ broă dong kờl bơh Dà lơgar… Ồng Nguyễn Văn Rinh mblàng: “Broă tam gơl broă sền gàr, tàm hơ\ uă ngan là geh ờ uă làng bol, cau sền gàr brê ờ geh ù tiah ngui kờ` lơh sa, den tàng ală tiah ờ tơl ù, anih lơh sa suơn sre-anih tam sền gàr brê den jơnkah ù, sơgràm wơl uă ù. Lơh gơl^k geh broă lơh ờ geh cồng nha bè ù tiah”.

Geh ờ uă kuang bàng đơs là, tơngu me kuơ màng lài ngan lơh cơng tàng kờ` lơh jăt broă lơh niam wơl, rơndăp wơl broă sền gàr lơh sa là sền wơl cồng nha ngui ù mờ toh wơl 1 bơnah ù kờ` ai gơnoar atbồ jàu ală cau ndai in den ờ hềt geh lơh jăt. Den tàng, broă tơl^k kơrnoăt mìng sền wơl ù tiah tus mờ ală anih lơh sa suơn sre-anih tam sền gàr brê tơnơ\ mờ tu\ sền wơl là ờ hềt tơl mờ pal pơn jăt tai sền tus mờ ală mpồl sền gàr brê tam cah is bơh ală anih sền gàr mờ tam brê dê. Jăt ồng Dương Trung Quốc, mpồl kuang bàng càr Đồng Nai đơs, do là tơngu me kuơ màng, mơya gam uă kal ke: “Dong kờl niam ngan là lơh rài kis làng bol ring niam, wèt tus rài kis hờm ram den hơ\ sồng làng bol geh pin dờn mờ làng bol là mpồl lơh broă tơn tàm hơ\ mờ ờ geh mpồl lơh broă geh gơnoar lơi ơla. He bơsong broă do kung là ai bơta pràn sền gàr bơta lơngăp lơngai, tàm tiah kuơ màng do”.

Jăt ồng Trần Du Lịch, mpồl kuang bàng [òn dờng Hồ Chí Minh yal: di lah rơndăp bal broă tam gơl pa bơh lơgar he dê den gah ù lơh sa suơn sre-anih tam sền gàr brê neh geh kơrnoăt sền gàr ờ di pal. Broă pơgồp bal broă lơh sa suơn sre mờ tam brê là ờ di pal. Tài anih sa suơn sre lơh broă mờ tơngu me tòm là tam brê pa, sền gàr brê, prăp gàr brê, prăp gàr tiah kis, chi che tìm… mờ kuơ màng ngan là pơgồp bal mờ broă sền gàr bơta lơngăp lơngai dà lơgar, ờ go\ di là pal lơh lơh sa. Tàm tu\ hơ\, anih lơh sa suơn sre-anih tam sền gàr brê den geh lơh sa. Den tàng, tơrgùm bal anih lơh sa suơn sre-anih tam sền gàr brê là ờ di pal. Bơdìh hơ\ tai, gơwèt mờ mờr 5 tơlăk lồ ù lơh sa suơn dờng ngui ờ geh cồng nha, den tàng pơn jăt tai tơnguh broă lơh do tus 100% khà priă dà lơgar, ha là ai ơpah ù do? Ồng Trần Du Lịch đơs tai: “Pal bơsong jơh ală broă gam gơl^k geh bơh kơrnoăt khăt gơboh lơh sa. Bơta do là ờ gơtùi dờp ngan. A` kờ` là tu\ do he tă 1 rơbô tơmàn priă kờ` tồt `jong nhàr mờ lơh sră ù tiah kờ` g^t khà ù do. Do là khà ù kuơ màng, ờ gơtùi lơh gơl^k geh tai. Broă tàm do là bồ tơngoh kơlôi sơnơng, nùs nhơm tus mờ broă bơyai lơh sa tus mờ ală anih suơn sre-anih tam sền gàr bre6, ờ go\ di là sơgràm, tam phà… broă dờng rơlao lơh bè lơi ngui geh cồng nha khà ù do hơ\ là broă dờng mờ Gơnoar ala măt dà lơgar pal cri bơyai”.

        Cau cih mờ yal tơng^t Ndong Brawl