VOV4.K’ho - Poh lài, tàm broă lơh adăt boh lam, Gơnoar ala măt dà lơgar neh ai uă tơngai kờ` cri bơyai bè rơndăp broă adăt yal yă lơh glài broă làng bol mờ phan bơna tam gơl. Uă tơngu me geh ală kuang bàng tơrgùm cri bơyai bè: Anih cah rơ`a ờ gơtùi pleh mờ broă kờ` bơsong broă làng bol mờ phan bơna tài ờ hềt geh bơta tàm adăt boh lam kờ` ngui; gơnoar bơh Anih sền gròi ai ngui kơrnoăt boh lam làng bol; tơl^k kơrnoăt dờp cồng nha broă bơsong bơdìh mờ Anih cah rơ`a…

Cri bơyai tàm pơrjum, geh uă jơnau đơs ring bal mờ nùs nhơm pa geh ai tơl^k tàm rơndăp broă dơ\ do là Anih cah rơ`a ờ gơtùi pleh bơsong broă làng bol mờ phan bơna tài ờ hềt geh bơta tàm adăt kờ` ngui. Ală jơnau đơs, broă pờ ơnàng gơnoar lơh glài ku\p màng Anih cah rơ`a làng bol là broă lơh kuơ màng tàm broă bơ\t bơtàu Dà lơgar geh gơnoar adăt boh lam tàm lơgar he dê, di pal mờ kơrnoăt bơh sơnoa boh lam nam 2013 bè gơnoar, kơnòl bơh anih cah rơ`a làng bol là “Anih lơh broă lơh glài ku\p màng lơgar Cộng hoà xã hội chủ nghĩa Việt Nam dê, lơh jăt gơnoar adăt boh lam”. Jăt ồng Trần Ngọc Vinh, mpồl kuang bàng [òn dờng Hải Phòng đơs, kơnroăt do là bơta àng kờ` sòl pơn đàng ală adăt ndai in geh ai kơrnoăt kờ` sền gàr bơta di pal, gơnoar kòn bơnus, gơnoar làng bol, gơnoar mờ bơta kuơ di mờ adăt boh lam bơh ală mpồl lơh broă, cau 1 nă să dê. Ồng Trần Ngọc Vinh đơs: “Bè gùng dà cri bơyai dà lơgar mờ mpồl lơh broă geh gơnoar dà lơgar bal mờ broă lơh adăt boh lam gam geh kờ` lơh niam wơl ală broă lơh gơrềng bal tàm mpồl bơtiàn kờ` gàr niam bơta ring bal geh lơh jăt, mơya tài ală broă lơh lơh sa-mpồl bơtiàn ờ ơm 1 bă mờ sùm ntrờn, tơnguh bơtàu, den tàng geh tơngai adăt boh lam ai di pal kờ` lơh niam ală broă lơh sa-mpồl bơtiàn pa gơl^k geh tu\ do kơnòl gơwèt mờ dà lơgar, ờ gơtùi chồl kơnòl rê tus làng bol mờ đơs là, tài ờ hềt geh bơta tàm adăt boh lam, den tàng ờ gơtùi bơsong broă làng bol”.

Ring bal mờ jơnau đơs do, mơya ồng Trần Đình Nhã, mpồl kuang bàng càr Thừa Thiên Huế ờ su\k ơm mờ đơs: Anih cah rơ`a ờ gơtùi pleh den geh bơsong broă cah rơ`a bè lơi?. Do là broă pal kơlôi sơnơng nền nòn. Ồng Vũ Xuân Trường, mpồl kuang bàng càr Nam Định đơs sơl: tàm 4 kơnroăt kờ` ngui broă cah rơ`a tu\ ờ geh bơta tàm adăt boh lam geh ngui, den mìng geh ring bal mờ kơrnoăt ngui ndrờm bal adăt boh lam mờ broă cah rơ`a lơh jăt di pal. Gam bè kơnroăt ngui bơhiàn mờ broă lơh ndrờm bal, ồng Vũ Xuân Trường sồr, pal mùl màl jơh mờ geh kơrnoăt loh làng kờ` kơrian tàm 1 broă lơh di pal tàm 2 kơrnoăt do: “Bè bơhiàn den geh uă ngan bơhiàn krơi is, cau wă mờ ngui bơhiàn bơh cau atbồ anih cah rơ`a den kung wă uă bơta krơi is sơl. Den tàng, pal tơl^k loh rơlao, nền nòn rơlao broă ngui bơhiàn lơi kờ` pleh mờ broă krơi is tàm jơnau g^t wă mờ ngui. Bè broă lơh ndrờm bal jơnau g^t wă kung krơi is jăt nùs nhơm, jơnau kơlôi sơnơng lài, nùs nhơm kơlôi sơnơng krơi is. Tơl nă kuang bàng tu\ ngui kung geh ală jơnau kơlôi sơnơng krơi is bè broă lơh ndrờm bal”.

Gơwèt mờ gơnoar bơh anih sền gròi ai ngui kơrnoăt boh lam làng bol, rơndăp broă adăt pơn jăt tai jàu anih sền gròi in lơh jăt ală gơnoar bơh anih lơh broă lơh glài ku\p màng. Ală kuang bàng Huỳnh Nghĩa, mpồl kuang bàng [òn dờng Đà Nẵng, Nguyễn Bá Thuyền, mpồl kuang bàng càr Lâm Đồng mờ Trần Tiến Dũng, mpồl kuang bàng càr Hà Tĩnh đơs là: mờ gơnoar do pà go\ bơngă, gơnoar bơh Anih sền gròi ai ngui kơrnoăt boh lam làng bol is mờ cau tòm là “Cau tus bal tàm broă yal yă yal khài”. Den tàng, broă ai Anih sền gròi ai ngui kơrnoăt boh lam làng bol là anih lơh broă yal yă yal khài là di pal. Bơdìh hơ\ tai, pal kơlôi sơnơng tơl^k tơl gơnoar bơh Anih sền gròi ai ngui kơrnoăt boh lam dê. Ồng Trần Tiến Dũng, mpồl kuang bàng càr Hà Tĩnh sồr: “A` dan he pal pơn jăt tai kơlôi sơnơng tơl^k tơl gơnoar anih sền gròi ai ngui kơrnoăt boh lam mờ nùs nhơm là anih lơh broă yal yă yal khài mờ gơnoar bơh anih sền gròi do dê mờ nùs nhơm là anih lơh broă tus bal yal yă yal khài là ala măt 1 tàm 2 anih lơh broă mờ anih cah rơ`a là anih lơh broă ala măt gơnoar dà lơgar, lơh jăt gơnoar dà lơgar tàm broă yal yă lơh glài ku\p màng. Geh bè hơ\, den hơ\ sồng geh tơl bơta niam mờ geh cồng nha kơnòl lơh hơ\”.

Bè broă dờp cồng nha bơsong bơdìh mờ anih cah rơ`a, geh uă jơnau ring bal mờ kơrnoăt dờp cồng nha bơsong anih cah rơ`a bơdìh anih cah rơ`a tàm rơndăp broă adăt yal yă lơh glài ku\p màng broă làng bol mờ phan bơna tam gơl. Kơrnoăt do di pal mờ gùng dà lơh niam wơl adăt boh lam là lam sồr broă bơsong ờ uă broă tam phà bơh broă cri bơyai bal, anih cah rơ`a dong kờl mờ kơrnoăt dờp bơsong broă tam phà hơ\. Kơrnoăt do di pal mờ nùs nhơm bơh cau gơrèng bal tàm broă bơsong broă làng bol dê, pơgồp bal tàm broă lam sồr broă tus bal bơsong, tơmù broă yal yă kờ` anih cah rơ`a tus bal bơsong. Mơya, ồng Đặng Công Lý, mpồl kuang bàng càr Bình Định sồr, pal tơl^k loh mùl màl ală bơta bơsong lơi den geh anih cah rơ`a dờp mờ tơl^k nền nòn jăt rơndăp broă, sră nggal mờ bơta kuơ adăt boh lam bơh broă dờp cồng nha bơsong: “Anih cah rơ`a mìng sền wơl broă dờp cồng nha bơsong ală broă bơdìh mờ anih cah rơ`a bơh anih lơh broă bal mờ cau 1 nă să is, tài cau geh gơnoar bơyai lơh geh kơnòl lơh jăt kơrnoăt adăt boh lam dê, bơyai lơh bơsong. Tu\ sền wơl ală kơrnoăt dờp cồng nha bơsong bơdìh mờ anih cah rơ`a, anih cah rơ`a làng bol pal geh ai bơh tàm bơta tơl^k tàm bơta 416 rơndăp broă dê, bơdìh hơ\ tai, cồng nha bơsong geh anih cah rơ`a sền wơl tơl^k kơrnoăt dờp geh anih lơh jăt adăt boh lam broă làng bol lơh jăt, bè kơrnoăt bơh anih cah rơ`a jăt mờ kơrnoăt adăt boh lam dê bè broă lơh jăt broă làng bol”.

Pơgồp bal jơnau đơs tàm rơndăp broă adăt yal yă lơh glài broă làng bol tam gơl, geh uă jơnau ring bal mờ sồr pal geh lơh mùl màl jơh ală kơrnoăt tàm kơn dang tàm broă yal yă broă làng bol tàm tơngai cah rơ`a ing lài mờ geh cah rơ`a wơl. Tàm broă lùp khào, ală sră nggal, cơng tàng pal geh sền wơl tơl, di pal, tơl ală bơta, ndrờm bal. anih cah rơ`a đơng lam broă tàm kơn dang, lùp ală broă ờ hềt loh mờ ai bơh tàm cồng nha tàm kơn dang kờ` tơl^k kơrnoăt yă.

Rơndăp broă adăt yal yă lơh glài broă làng bol tam gơl geh 10 bơnah, 41 tăp, 509 bơta neh geh cri bơyai nền nòn tàm pơrjum dơ\ 9. Di gơlan, Gơnoar ala măt dà lơgar geh ring bal adăt yal yă lơh glài broă làng bol tàm pơrjum do.

        Cau cih mờ yal tơng^t Ndong Brawl