VOV4.K’ho - Pa do, mpồl kuang bàng sền gròi bơh Anih duh broă bè ală bơta mpồl bơtiàn Gơnoar ala măt dà lơgar geh ồng Đỗ Mạnh Hùng, kuang jăt jơng atbồ anih duh broă lam bồ neh geh dơ\ lơh broă mờ anih duh broă làng bol càr Dak Lak bè broă lơh jăt adăt cau dờng sơnam mờ adăt cau koe\t kơl te tàm càr do.

Jăt jơnau yal tàm dơ\ lơh broă, tàm càr Dak Lak tu\ do geh di pơgăp 78 rơbô 500 nă cau koe\t kơl te, geh 4,2% khà kờp làng bol, tàm hơ\ geh 11 rơbô 171 nă cau koe\t kơl te geh dờp broă dong kờl pah nhai; geh 7 hìu ròng siam, tơnguh pràn să jan ai 541 nă cau koe\t kơl te in.

Tơnơ\ mờ tu\ adăt cau koe\t kơl te geh Gơnoar ala măt dà lơgar kơnă 13, pơrjum dơ\ 7 ring bal, càr Dak Lak neh lơh tơl ală broă bè sền gàr bơta pràn kơl dang să jan, bơto bơtê mờ bơsram, bơto broă lơh, tơl niam gơnoar cau koe\t kơl te in.

Mùl màl, ală ntum, sơnah [òn, [òn drà tàm càr neh crơng gơs mpồl duh broă kờ` g^t khà koe\t kơl te. Tus jơh nhai 6 nam do, neh geh rơlao 16 rơbô nă cau koe\t kơl te neh ai g^t khà koe\t kơl te. Tus tu\ do, geh rơlao 24 rơbô 400 nă cau koe\t kơl te geh lơh sră sền gròi, sền gàr bơta pràn kơl dang să jan, bơto sồr ală bơta ngăc ngar bè sơndră, sơm kòp, sền gàr is bơta pràn kơl dang să jan; mờr 10 rơbô 500 nă cau koe\t kơl te jroă, kuơ màng ngan gam dờp dong kờl mpồl bơtiàn pah nhai, geh ai sră kham sơm kòp ờ sa priă. Bơdìh hơ\ tai, cau koe\t kơl te geh ai tơl bơta niam kờ` bơsram sră, bơsram broă lơh, ai broă lơh, tus bal mờ ală broă lơh chài rơgơi, đơs crih tamya, tàp pràn să jan, dong kờl adăt boh lam…

Gơwèt mờ broă lơh jăt adăt cau dờng sơnam mờ broă lơh dà lơgar bè cau dờng sơnam Việt Nam tơngai bơh nam 2012 tus 2020, anih duh broă làng bol càr Dak Lak mờ ală gah, mpồl lơh broă, ală kơnhoàl neh lơh jăt nền nòn.

Gùt càr Dak Lak tu\ do geh mờr 121 rơbô 500 nă cau dờng sơnam, geh 6,5% khà kờp làng bol, tàm hơ\ geh rơlao 41 rơbô nă cau geh lơh sră sền gròi bơta pràn kơl dang să jan; 43 rơbô 600 nă cau dờng sơnam geh kham bơta pràn să jan jăt tơngai ờ uă ngan 1 dơ\ tàm 1 nam; cau dờng sơnam geh còp să, pà phan, chờ gờm sơnam di tàm ngai chờ, satềp. Gùt càr Dak Lak geh 459 mpồl lơh broă gơrềng tus cau dờng sơnam, hòi jà geh 12 rơbô 350 nă cau tus bal, di pal 1 bơnah broă kờ` bè nùs nhơm bal mờ tàp pràn să jan. Cau dờng sơnam neh geh ai tơl bơta niam tơnguh gơnoar tàm broă tơnguh bơtàu lơh sa, bơ\t bơtàu hìu nhă jăk chài, chài rơgơi, tus bal broă lơh mpồl bơtiàn…

Tàm dơ\ lơh broă, càr Dak Lak neh đơs tus ờ uă jơnau kờ` dan, ai tơl^k bè: pal geh kơrnoăt mùl màl bè kes broă lơh cau koe\t kơl te in; geh uă broă lơh niam rơlao tai tus mờ ală anih lơh sa kă bro geh dờp cau lơh broă là cau koe\t kơl te; tơnguh khà dong kờl mpồl bơtiàn pah nhai tus mờ cau geh mpồl bơtiàn dong kờl mờ cau koe\t kơl te; sền gròi ai khà priă broă lơh dà lơgar cau dờng sơnam càr in kờ` lơh jăt…

Đơs tàm dơ\ lơh broă, ồng Đỗ Mạnh Hùng, kuang jăt jơng atbồ anih duh broă bè ală bơta mpồl bơtiàn Gơnoar ala măt dà lơgar neh đơs niam broă lơh jăt adăt cau dờng sơnam mờ adăt cau koe\t kơl te càr Dak Lak dê. Mờ sồr tàm tơngai tus, ală gah, mpồl lơh broă pal tơnguh broă pơgồp bal, pơlam, ai tơl^k broă lơh jăt 2 adăt do; bơyai lơh kham bơta pràn kơl dang să jan jăt tơngai mờ lơh sră sền gròi kham bơta pràn să jan jăt tơngaicau dờng sơnam mờ cau koe\t kơl te in; tơnguh phan bơna kờ` ai tơl cau koe\t kơl te in tìp mờ ală broă lơh mpồl bơtiàn, rơndeh lòt tàm gùng; lơh jăt ờ sa priă, tơmù khà priă đì rơndeh lòt tàm gùng, broă lơh ai cau koe\t kơl te mờ cau dờng sơnam in; sền gròi tus mờ broă ai khà, tơnguh bơtàu broă bơtê bơto is cau koe\t kơl te; ai tơl bơta niam broă lơh, crơng gơs kes priă cau dờng sơnam; tơnguh khà cau dờng sơnam mờ cau koe\t kơl te geh ai sră kham, sơm kòp ờ sa priă…

Cau mblàng Ndong Brawl