VOV4 – Gơnoar atbồ lơgar gam sền sơ wì broă tam gơl broă lơh priă nhai, priă sền gàr rềs àr mpồl bơtiàn mờ priă dong kờl cau geh màng mờ dà lơgar kờ` sền gàr cau lơh broă, cau geh màng mờ dà lơgar geh priă jền dipal. Tàm nam do, Gah lơh broă dơlam is dà lơgar geh pơgồp bal mờ ală anih lơh broă geh gơrềng pơn jat tai kơlôi sơnơng Rơndăp broă lơh tam gơl pa broă lơh priă nhai tus mờ kuang bàng, cau lơh broă sa priă nhai dà lơgar mờ mpồl ling klàng nàng jun yal mờ Dà lơgar in tu\ tàm pơnring geh priă lơh geh; kơlôi sơnơng lơh măt priă nhai tơl khà tàm bơta geh bơh sơnrờp khà priă nhai kờp tơl jăt jơnau kờ` e\t ngan rlau jơh pal geh tus mờ ală mpồl lơh broă dà lơgar crơng gơs.

Bè broă lơh priă nhai tus mờ cau lơh broă tàm ală mpồl lơh sa kă bro, ồng Vũ Văn Ninh kuang jat jơng gơs gơnăp gơnoar atbồ hơđang rlau jơh dà lơgar jàu Gah Lơh broă cau ling sồt să mờ mpồl bơtiàn dà lơgar in kơlôi sơnơng, kờp sền wơl tu\ tơngai tơnguh priă nhai e\t ngan rlau jơh kơnhoàl dipal mờ broă lơh sa, kă bro mờ gờ` lơh geh jơnau kờ` tàm rài kis e\t ngan rlau jơh pal geh bơh cau lơh broă dê.

Bal mờ hơ\, ală kơrnoat cih broă lơh rcang lơh is bơh mpồl lơh broă dà lơgar crơng gơs tàm ală broă lơh lơh sa mờ broă lơh ndai, bơto bơtê, lơh sơnơm, jak chài mờ măy mok, yal tơngi\t mblàng yal jơnau mờ lơh bău, chài rơgơi, tàp pràn să ja` mờ nhơl chờ, bơto broă lơh geh ală Gah lơh broă dà lơgar mờ ală anih lơh broă geh gơrềng jun yal mờ Gơnoar atbồ lơgar in tàm nam 2015.

Bè broă lơh priă sền gàr rềs àr mpồl bơtiàn, ồng Vũ Văn Ninh jàu ờ uă gah lơh broă dà lơgar in jun yal mờ Gơnoar atbồ lơgar in ai ngui ală sră nggal bơto pơlam Adăt sền gàr rềs àr mpồl bơtiàn nam 2014, bè: kơrnoat cih nền cê mờ bơto pơlam mu\t lơh ờ uă bơta bơh Adăt sền gàr rềs àr mpồl bơtiàn bè sền gàr rềs àr mpồl bơtiàn pal tă, sền gàr rềs àr mpồl bơtiàn lơh is, lùp sền sền gàr rềs àr mpồl bơtiàn, Kơrnoat bè broă lơh sền gàr rềs àr jơh sơnam lơh broă bơtơl.

Bal mờ hơ\, ală gah lơh broă dà lơgar mờ ală anih lơh broă geh gơrềng kung geh pơn jăt tai kơlôi sơnơng ală broă lơh tam gơl pa sền gàr rềs àr mpồl bơtiàn kờ` tàm pơnring kes priă sền gàr rềs àr mpồl bơtiàn bè jo\ jòng; kơlôi sơnơng mờ dan geh broă lơh bơsong mờ khà priă nhai jơh sơnam lơh broă bơh cau geh khà priă nhai jơh sơnam lơh broă dùl e\t (geh bal lài mờ tơnơ\ nhai 4 nam 1993).

Kuơmàng, ồng Vũ Văn Ninh jàu Gah Lơh broă cau ling sồt să mờ mpồl bơtiàn dà lơgar in đơng lam, pơgồp bal mờ Gah Lơh broă dơlam is dà lơgar mờ Gah lơh broă priă jền dà lơgar mờ ală gah lơh broă dà lơgar bal mờ ală anih lơh broă geh gơrềng tơrgùm đơng lam mu\t lơh tơl ală broă lơh mờ bơta dong kờl tus mờ cau geh màng mờ dà lơgar di dơ\ tơngkah 70 nam Ngai crơng gơs Dà lơgar rài làng bol lơh tờm mpồl bơtiàn ring bal lơgar Việt Nam dê, 40 nam ngai tơngklàs tiah đah jum tơrgùm dùl dà lơgar; pơn jăt tai kơlôi sơnơng Rơndăp broă lơh tam gơl pa broă lơh dong kờl cau geh màng mờ dà lơgar.

                                                                Cau mblàng Lơ Mu K’ Yến