VOV4.K’ho – Kuang gơs gơnăp gơnoar atbồ hơđang rlau jơh dà lơgar pa ki\ Kơrnoat sồ 401 ai ngui Broă rơndăp lơh mu\t lơh Kơrnoat sồr sồ 40 ki\ ngai 22/11/2014 bơh Mpồl đơng lam Đảng Dà lơgar dê bè sơlơ tơnguh tai bơta đơng lam bơh Đảng dê gơ wèt tus mờ ai càn priă dong kờl cau r[ah.

Broă rơndăp lơh kờn tơnguh jơnhoa jơnau gi\t wa\ mờ kơnòl bơh ală mpồl cau, mờ cau dùl nă să is dê geh gơrềng bè gơnoar broă, bơngă mờ bơta kuơmàng ai càn priă dong kờl cau r[ah tàm broă mu\t lơh geh cồng nha Broă lơh jơnau kờn dà lơgar tơrmù r[ah kơ\ kơl jăp, mờ Broă lơh bơ\t bơtàu [òn lơgar pa. Sơlơ tơnguh tai bơta đơng lam bơh ală kơnă gơnoar atbồ bơh Dà lơgar tus [òn lơgar tàm broă lơh gùng dà broă lơh kơrnoat boh lam mờ ai priă jền ai càn priă dong kờl cah r[ah in, lơh geh tơl ală bơta niam nàng Anih priă jền dong kờl cau r[ah mu\t lơh geh cồng nha ală broă lơh ai càn priă dong kờl.

Kuang gơs gơnăp gơnoar atbồ hơđang rlau jơh dà lơgar sồr Gah Rơndăp broă mờ bơcri priă dà lơgar, Gah Priă jền dà lơgar pơn jat tai tơrgùm ală priă jền ai càn priă dong kờl cau r[ah geh ai bơh kes priă dà lơgar tàm anih tờm là Anih priă jền dong kờl cau r[ah nàng ai càn priă ai cau r[ah mờ ală cau geh sră dong kờl bơh dà lơgar in jat jơnau sồr.

Bal mờ hơ\, tàm pơnring tơl priă jền kes priă dà lơgar nàng mu\t lơh ală broă lơh, rơndăp broă lơh ai càn priă dong kờl cau r[ah neh geh ai ngui; ai tơl priă jền lơh broă ai Anih priă jền dong kờl cau r[ah in pah nam jat jơnau sồr; ai càn ală bơnah priă dong kờl tơngai jo\ jòng, priă cồng ờ uă nàng tam gơl pa rơndăp tăp sèng bơnah priă jat broă lơh kơ\ kơl jăp mờ jo\ jòng sùm.

Anih priă jền dà lơgar Việt Nam sùm chul chồl mờ sồr ală anih priă jền dà lơgar geh sùm khà jơngkah priă pơyua tàm anih priă jền dong kờl cau r[ah jat jơnau sồr; pơn jat tai cribơyai, ki\ pơrgon ală rơndăp broă lơh ai càn priă, ală bơnah priă dong kờl ai broă lơh tơrmù r[ah bơh ală mpồl dunia dê nàng bơtơl priă jền mờ sơlơ tơnguh tai pràn jak lơh broă ai Anih priă jền dong kờl cau r[ah in.

Anih duh broă làng bol ală kơnă lời dùl bơnah priă bơh kes priă tiah he dê jàu bơh Anih priă jền dong kờl cau r[ah nàng bơtơl bơnah priă ai càn ai cau r[ah mờ ală cau geh sră dong kờl bơh dà lơgar in tàm [òn lơgar; dong kờl phan bơna, bơta lơh broă ai Anih priă jền dong kờl cau r[ah in. Ală càr mờ [òn dờng ai ngui tơl khà r[ah is jơnhoa rlau pơndrờm mờ tơl khà r[ah dà lơgar dê kờn ai tơl priă jền nàng ai càn ai ală cau do in; đơng lam, mờ lơh niam broă lùp kờp, sền gi\t hìu r[ah, hìu mờr ndrờm bè hìu r[ah lơh cơng tàng mu\t lơh broă lơh ai càn priă; sơlơ tơnguh tai broă lơh mblàng yal bè ai càn priă dong kờl cau r[ah bơh Dà lơgar dê gơ wèt tus mờ làng bol in.

Kuang gơs gơnăp gơnoar atbồ hơđang rlau jơh dà lơgar sồr Anih priă jền dong kờl cau r[ah sùm lơh kơ\ kơl jăp wơl, lơh niam wơl mờ tơnguh jơnhoa cồng nha lơh broă bơh Mpồl duh broă atbồ mờ Mpồl ala mat Mpồl duh broă atbồ ală kơnă dê; sơlơ tơnguh tai broă lòt sền, sền gròi dơlam is; bơyai lơh pơlam tàp, yal tơngi\t broă lơh jat ală jơnau sồr bơh anih priă jền dong kờl cau r[ah, bơh ală Gah sơnah lơh broă dà lơgar geh gơrềng dê ai kuang bàng, cau lơh broă sa priă nhai dà lơgar mờ cau lơh broă tàm anih lơh broă he dê in. Sùm bơto pơlam tơnguh jơnhoa pràn jak lơh broă ờs mờng, nùs nhơm tàm broă lơh mờ sền gròi rài kis phan bơna mờ nùs nhơm ai kuang bàng, cau lơh broă sa priă nhai mờ cau lơh broă tàm anih lơh broă in, ngan là kuang bàng lơh broă ai càn priă dong kờl cau r[ah tàm ală kơnhoàl r[ah, ntum r[ah, [òn kal ke ngan, tiah làng bol kòn cau, tiah kơh bơnơm mờ tiah nhàr lơgar, bồt bơlào in.

Bal mờ hơ\, Anih priă jền dong kờl cau r[ah geh broă lơh rơcang lài mu\t lơh broă hòi jà tă pơgồp, atbồ mờ ngui priă geh cồng nha. Sền dờng màng cồng nha ai càn priă, cồng nha lơh broă bơh ală mpồl tềm pềr mờ càn priă dê; tơnguh jơnhoa cồng nha lơh broă bơh ală anih ai càn priă anih priă jền dong kờl cau r[ah tàm ală ntum, sơnah [òn, [òn drà dê; lơh uă mờ tơnguh jơnhoa cồng nha ală phan bơna drơng broă ala anih priă jền, lơh pràn jat ngui măy mok jak chài pa kờn lơh geh tơl ală bơta [ươn niam, di tu\ ai ală hìu bơnhă in tàm ală tu\ jòi gi\t jơnau yal kung bè mu\t lơh ală sră nggal càn priă mờ tơm priă dồs, tơm priă cồng priă càn.

Anih priă jền dong kờl cau r[ah sùm sền gròi pơgồp bal, đơng lam ală anih lơh broă geh gơrềng mu\t lơh broă lơh lòt sền, sền gròi ờs mờng pah dơ\, mờ nisơna gơ wèt tus mờ ală anih dờp bơta jàu kơnòl nàng sền go\ bơta gam gơkòl, geh jơnau sồr, jơnau dan, lơh niam wơl mờ bơsong di tu\; bơto pơlam ală mpồl lơh broă gùng dră bal- mpồl bơtiàn dờp jàu kơnòl ală kơnă, ală mpồl tềm pềr mờ càn priă bè ală broă lơh ai càn priă dong kờl cau r[ah nàng pơgồp bal mu\t lơh tàm [òn lơgar.

Cau cih mờ yal tơngi\t- Lơ Mu K’ Yến