Poh lài, di ngai Gơnoar kòn bơnus dunia, ngai 10/12, tàm Hà Nội, anih duh broa\ cri bơyai mờ lơgar ndai mờ broa\ lơh bơtàu tơngguh anih duh broa\ dunia pơ gồp bal  bơyai lơh pơrjum mờ tơnggu me “Ala\ jơnau pơrgon dunia mờ adat boh lam Việt Nam bè gơnoar kòn bơnus. Pơrjum tơrgùm cri bơyai ala\ jơnau pơrgon dunia bè gơnoar kòn bơnus mờ Việt Nam la lơgar tus bal, kung bè bơnga\ bơh Gơnoar ala mat dà lơgar bè broa\ pơnjờng, sền gàr mờ chul chồl gơnoar kòn bơnus.

Tàm pơrjum, ală kuang bàng neh iăt jơnau yal bè ală tơngu me pa bơh sơnoa boh lam nam 2013 bè gơnoar kòn bơnus, gơnoar làng bol; tơngu me tòm bè ală kơrnoăt hơ bal dunia bè gơnoar kòn bơnus mờ lơgar Việt Nam là lơgar geh lơh broă bal; kơrnoăt sền wơl jăt tơngai tơrgùm bal; cồng nha sền wơl broă di pal bơh ală kơrnoăt adăt boh lam lơgar Việt Nam tu\ do dê mờ sơnoa boh lam nam 2013 bal mờ ală kơrnoăt hơ bal dunia bè gơnoar kòn bơnus mờ lơgar Việt Nam là lơgar geh broă lơh bal.

Bơh tàm cri bơyai, ală kuang bàng đơs niam broă Gơnoar ala mat lơgar Việt Nam ring bal sơnoa boh lam nam 2013, la tơngu me tòm gùng dră bal adăt boh lam kuơ màng, pin nền tai, tơnguh mờ tơl^k gơnoar kòn bơnus geh tơl uă ngan tài khà tơnguh bơtàu kơl jăp dà lơgar dê. Kuơ màng ngan, tàm pơrjum dơ\ 8 pa do, Gơnoar ala măt dà lơgar neh sền wơl mờ k^ 2 kơrnoăt hơ bal tòm là kơrnoăt bè gơnoar cau koe\t kơl te mờ kơrnoăt bè tam dră mờ pù pờng mờ ală broă lơh ờ niam ha là lơh glài iơh bơsak hala lơh tơn [às kòn bơnus. Bơta do pà go\, jơnau hơ gùng dră bal pràn kơl dang lơgar Việt Nam dê tàm broă sền gàr, tơl niam gơnoar kòn bơnus. Ồng Hoàng Văn Nghĩa kuang jăt jơng atbồ hìu lơh broă kơlôi sơnơng gơnoar kòn bơnus, hìu bơsram Chính trị dà lơgar đơs la: Gơnoar ala măt dà lơgar geh gơnoar kuơ màng tàm broă pơn jờng, sền gàr mờ chồl pràn gơnoar kòn bơnus:“Gơnoar bơh Gơnoar ala mat dà lơgar dê kuơ màng ngan tàm broă lơh, ờ mìng lơh adăt boh lam, sền gròi broă lơh jăt adăt boh lam mờ bơta kuơ màng rơlao tai là yal, ngui broă tìp bơh tàm gơnoar tàm broă tơnguh bơtàu, tàm broă ring bal ală broă dong kờl, rơndăp broă adăt kung bè sền gròi broă lơh jăt. Den tàng, geh kuơ màng ngan tus mờ kuang bàng tàm Gơnoar ala mat dà lơgar, tàm do he wă nền nòn ală kơrnoăt tòm tàm adăt boh lam gơnoar kòn bơnus dunia kung bè wă bè broă dong kờl sền gròi, kơrnoăt lơh jăt ală kơrnoăt hơ bal dunia hơ\”.

Kung tàm pơrjum, mò Pratibha Mehta kuang dong broă anih duh broă dunia tàm lơgar Việt Nam pà g^t: tàm jơnau yal kơrnoăt sền wơl jăt tơngai tơrgùm bal nam 2014, lơgar Việt Nam neh dờp ring bal uă jơnau đơs geh bal broă tus tơrgùm bal pràn tàm ală kơrnoăt dunia mờ gơnoar kòn bơnus; sền gàr mờ tơl niam gơnoar khăt gơboh yal tơng^t, jơnau đơs mờ tam klăc bal tơmù khà cau tìs dờp glài tus chơ\t; tơnguh broă lơh adăt boh lam mờ kơrnoăt boh lam; mờ pơn jăt tai tơrgùm tàm ală mpồl cau [uơn gơtìp aniai, tơnguh uă broă ring bal cau klao mờ cau ùr, tơn jơh jơgloh, tơmù rơ[ah mờ tìp mờ ală broă lơh tòm. Mò Pratibha Mehta đơs là: Gơnoar ala măt dà lơgar geh gơnoar kuơ màng tàm broă tơnguh bơtàu ală gơnoar kòn bơnus. Den tàng, Gơnoar ala mat dà lơgar pal tus bal mờ Gơnoar atbồ lơgar tàm broă bơ\t bơtàu rơndăp broă lơh kờ` lơh jăt ală jơnau đơs do: Mò Pratibha Mehta đơs tòm:“Lài ngan, gơnoar lơh adăt boh lam bơh Gơnoar ala mat dà lơgar dê tàm ală kơnă là tơngu me tòm tàm broă bơ\t bơtàu mờ ring bal ală adăt pa chồl pràn gơnoar kòn bơnus. Gơnoar kòn bơnus kung pal geh pơgồp bal tàm gơnoar ala măt mờ sền gròi bơh Gơnoar ala măt dà lơgar dê kung bè tàm broă ai rơndăp broă kes priă mờ tơl niam là, Gơnoar atbồ lơgar geh tơl khà pràn bè broă lơh jăt adăt boh lam. Rơndăp broă lơh Gơnoar atbồ lơgar dê bè broă lơh jăt tơnơ\ mờ tu\ sền gròi jăt tơngai tơrgùm bal là 1 broă lơh kờ` dong kờl Gơnoar ala mat dà lơgar lơh jăt gơnoar sền gròi”.

Ală kuang bàng dan lơh wơl, bơtơl ală kơrnoăt adăt boh lam tu\ do bè gơnoar kòn bơnus, gơnoar làng bol tàm tơngu me ală kơrnoăt tàm sơnoa boh lam nam 2013 mờ ală kơrnoăt hơ bal dunia dê bè gơnoar kòn bơnus mờ lơgar Việt Nam là lơgar lơh broă bal; mờ tơnguh rơlao tai gơnoar lơh broă Gơnoar ala mat dà lơgar dê, ală anih lơh broă tàm Gơnoar ala mat dà lơgar dê tàm broă lơh jăt broă yal jơnau sền gròi jăt tơngai tơrgùm bal, tàm hơ\ uă ngan là lơh jăt ală jơnau lam sồr bơh mpồl bơtiàn dunia dê bè gơnoar kòn bơnus.

                                                           Cau mblàng Ndong Brawl.