VOV4.K’ho- Jơnau do poh do, bol a` yal bè Adat lòt hờ lơgar ndai mờ mu\t tàm lơgar bơh làng bol Việt Nam dê tàm hơ\ cih loh gơnoar geh lòt hờ lơgar ndai mờ gơnoar geh sră ơm kis bơh làng bol Việt Nam dê đơs bal, làng bol cau jơi bơtiàn kòn cau dê đơs is.

Jăt Adat lòt hờ lơgar ndai, mu\t tàm lơgar bơh làng bol Việt Nam dê, “Lòt hờ lơgar ndai là broă làng bol lik bơh ù tiah dà lơgar Việt Nam gan mpồng nhàr lơgar bơh Việt Nam dê”. Jăt hơ\, làng bol Việt Nam đơs bal mờ cau jơi bơtiàn kòn cau đơs is geh ală gơnoar tơnơ\ do: Geh pà sră lik mu\t mờ lơgar ndai jăt jơnau cih bơh adat do dê. Cau bơh tơl 14 sơnam rlau hơđang geh gơnoar săc rwah pà sră lòt rê hờ lơgar ndai geh crăp chíp điện tử halà sră lòt rê hờ lơgar ndai ờ go\ crăp chíp điện tử; Geh hơ pơrgon gàr niam bơta ndơ\p ndơr cau dùl nă să is dê, jơnau ndơ\p ndơr hìu bơnhă dê tàm Anih ơn prăp sră nggal dà lơgar dê bè lòt hờ lơgar ndai, mu\t tàm lơgar bơh làng bol Việt Nam dê, ờ kờp dilah pal yal tơngi\t jơnau, sră nggal jăt jơnau sồr bơh kơrnoat boh lam dê; Sồr yal tơngi\t jơnau bè lòt hờ lơgar ndai, mu\t tàm lơgar bơh he dê; sồr cih yal, tam gơl jơnau yal tàm Anih ơn prăp sră nggal dà lơgar bè lòt hờ lơgar ndai, mu\t tàm lơgar bơh làng bol Việt Nam dê, sră pơ àr lik mu\t mờ lơgar ndai bơh he dê nàng kờ` geh wil tơl, dipal; Ngui sră lòt rê hờ lơgar ndai bơh he dê nàng lơh broă lơh kă bro halà lơh sră pơ àr ndai jăt jơnau sồr bơh kơrnoat boh lam dê; Lùp lăp, yal yă, sồr tơm wơl jăt jơnau sồr bơh kơrnoat boh lam dê.

Gơ wèt mờ làng bol jơi bơtiàn kòn cau sùm ơm kis tàm tiah sar lơgar ngài, tiah nhàr lơgar, mpồng nhàr lơgar, broă lik mu\t mờ lơgar ndai sồr pal geh pà sră lòt gùng. Tài bơh jăt adat boh lam, ală cau geh pà sră lòt gùng, tàm hơ\ geh: Làng bol Việt Nam ơm kis tàm kấp xã, kơnhoàl, càr geh bal gùng nhàr lơgar mờ lơgar rềp bal; Kuang bàng, công chức, viên chức mờ cau lơh broă gơ wèt anih lơh broă, mpồl cau, mpồl lơh sa kă bro tàm dà lơgar, [òn lơgar ndai mơya geh anih lơh broă tàm càr geh bal gùng nhàr lơgar mờ lơgar rềp bal.

Kung bè jơh tơl nă làng bol Việt Nam ndai sơl, cau jơi bơtiàn kòn cau geh lòt hờ lơgar ndai tu\ geh tơl ală bơta tơnơ\ do: Geh sră lòt mu\t mờ lơgar ndai gam bè ờs, gam tơngai ai ngui; gơ wèt mờ sră lòt rê mờ lơgar ndai pal gam tơngai ai ngui bơh tơl 6 nhai rlau hơđang; Geh sră cơng tàng to\p [ang kị halà sră pơ àr to\p [ăng kị, tơngo\ geh lơgar tus ai mu\t, ờ kờp cau geh ờ duh pal geh sră lòt rê ndai; Ờ gơ wèt cau gơtìp kơryan ờ ai lòt hờ lơgar ndai, ờ geh ai lik lòt hờ lơgar ndai, gơtìp ơm ing lòt hờ lơgar ndai jăt jơnau sồr bơh kơrnoat boh lam dê. Roh bơta pràn jak lơh broă làng bol, cau geh kal ke bơta gi\t wa\, lơh tờm broă lơh jăt jơnau sồr bơh Adat Broă làng bol dê, cau ờ hềt tơl 14 sơnam bơdìh mờ ală bơta cih tàm sèng 1, Bơta do pal geh cau ala măt dipal mờ kơrnoat boh lam lòt bal.

Tàm tơngai do, bơta cau jơi bơtiàn kòn cau tàm tiah sar lơgar ngài lòt hờ lơgar ndai tìs mờ kơrnoat boh lam tus đah ne tiah nhàr lơgar nàng lơh broă, lơh broă apah kung gam ngai sơlơ gơguh mờ pơhìn gơlik geh uă bơta kal ke. Uă ngan cau lòt hờ lơgar ndai tìs mờ kơrnoat boh lam là cau jơi bơtiàn kòn cau tàm ală xã tiah sar lơgar ngài, rài kis hìu bơnhă kal ke, bồ tơngoh gi\t wa\ gam ờ jak chài ngan, mơya bulah mờ khăt bơh jơnau lơi den broă khăt nùs is lòt rê gan tiah nhàr lơgar tìs mờ kơrnoat boh lam là lơh tìs kơrnoat boh lam, lơh roh bơta lơngăp lơngai rơndăp tăp sèng. Bơdìh mờ să tờm cau dô gan nhàr lơgar tìs mờ kơrnoat boh lam pal kong mờ uă bơta rềs àr, geh tu\ digơlan pal tơm mờ màng kis tơn, tài bơh lơh broă tìs mờ kơrnoat boh lam den tàng cau lơh broă ờ dờp geh khăt dùl bơta sền gròi dong kờl lơi bơh ală anih lơh broă tàm lơgar hơ\ dê. Thượng tá ồng Hoàng Mạnh Hùng, Phó Kuang ătbồ Phòng Lơngăp lơngai lơh broă mờ lơgar ndai, Kuang àng càr Yên Bái dê là dùl tàm ală tiah geh khà cau jơi bơtiàn kòn cau lòt tus lơgar ndai tìs mờ kơrnoat boh lam uă ngan rlau jơh gùt lơgar, pà gi\t:    

Lơh jăt geh cồng nha jơnau sồr bơh Ủy ban Nhân dân càr Yên Bái dê bè broă lơh sơlơ tơnguh tai broă ătbồ tơrmù [à bơta lơh broă lòt hờ lơgar ndai tìs mờ kơrnoat boh lam, mơkung lơh geh broă lơh broă sa kơ\ kơl jăp ai tiah do in, nàng gơhòi gơ jà mpồl cau lơh broă, mblàng yal hòi jà làng bol kơ\ kơl jăp rài kis, ba` lik hờ lơgar ndai tìs mờ kơrnoat boh lam. Bơdìh hơ\ tai, pơgồp bal mờ ală anih lơh broă geh gơnoar, kuang àng ală kơnhoàl tam dră bơsong ală cau lơh tìs tăc bro cau, lam cau lòt tus lơgar ndai tìs mờ kơrnoat boh lam…

Bè gơnoar gơ wèt mờ sră ơm kis tàm lơgar, Bơta 2, Adat Sră ơm kis tàm lơgar cih:

1. Tàm lơgar Cộng hoà Xã hội Chủ nghĩa Việt Nam, tơl nă să ndrờm geh gơnoar geh sră ơm kis tàm lơgar. Làng bol Việt Nam ờ gơtìp ku\p ai te\ sră ơm kis tàm lơgar Việt Nam, ờ kờp cau geh cih tàm Bơta 31 bơh Adat do dê.

2. Dà lơgar Cộng hoà Xã hội Chủ nghĩa Việt Nam là Dà lơgar tơrgùm dùl bơh ală jơi bơtiàn ơm kis bal tàm ù tiah Việt Nam, jơh tơl nă cau bơh ală jơi bơtiàn dê ndrờm ring bal bè gơnoar geh sră ơm kis tàm lơgar Việt Nam.

Jăt mờ hơ\, broă geh sră ơm kis tàm lơgar Việt Nam ờ geh bơta tam cah ờ rờm bal đah ală jơi bơtiàn ơm kis tàm ù tiah Việt Nam. Jơh tơl nă làng bol Việt Nam ờ gơtìp ku\p ai te\ gơnoar sră ơm kis tàm lơgar den ndrờm ring bal bè gơnoar geh sră ơm kis tàm Việt Nam.

Jăt jơnau cih, cau Việt Nam mìng geh gơnoar geh dùl sră ơm kis tàm lơgar. Dilah cau Việt Nam cih mat tàm sră ơm kis tàm lơgar ndai den pal lời te\ sră ơm kis tàm Việt Nam. Mơya, jăt Adat sră ơm kis tàm lơgar, den dùl êt nă cau, dùl nă cau geh gơnoar dùl tu\ geh 2 sră ơm kis tàm lơgar krơi is. Ồng Trần Tuấn Anh, Công ty Luật Ơruh pơnu, Mpồl cau cah r`a [òn dờng Hà Nội mblàng:

Dilah cau krơi is là geh Chủ tịch lơgar Cộng hoà Xã hội Chủ nghĩa Việt Nam ai cèng sră ơm kis tàm lơgar Việt Nam tàm tu\ kung gam geh sơl sră ơm kis tàm lơgar ndai. Halà tàm jơnau cau Việt Nam ơm tàm lơgar ndai neh geh sră ơm kis tàm lơgar ndai mơya dan ơm wơl tàm Việt Nam, halà cau lơgar ndai bau mờ cau Việt Nam kung geh sră ơm kis tàm Việt Nam, hơ\ sồng kơnòm dềt geh cau Việt Nam dờp lơh kòn ròng mờ dan sră ơm kis tàm lơgar Việt Nam, den ală cau hơ\ geh 2 sră ơm kis tàm 2 lơgar krơi is, hơ\ là sră ơm kis tàm Việt Nam mờ sră ơm kis tàm lơgar ndai.

Jăt jơnau cih do, cau jơi bơtiàn kòn cau kung bè jơh ală làng bol Việt Nam ndrờm geh gơnoar geh sră ơm kis ndrờm gơ\p bal.

Thu Hòa (VOV4)- Cau mblàng Lơ Mu K’Yến