VOV4.K’ho- Tàm ală nam do, Việt Nam neh lơh geh ală cồng nha dờng ngan bè gàr niam gơnoar kòn bơnus, tàm hơ\ geh gơnoar khăt gơboh pin dờn, jăt yàng, gơnoar bơh ală jơi bơtiàn kòn cau dê. Ală cồng nha do geh mpồl bơtiàn dunia cih dờp, tơngo\ tàm uă jơnau yal, jơnau đơs, jơnau sền swì bơh ală lơgar dê, mpồl dunia dê, ală cau dùl nă să is dê kung bè bơh ală broă lơh tìp măt cribơyai đah 2 gah, ală dơ\ pơrjum uă lơgar, kuơmàng là ală dơ\ pơrjum jăt broă lơh Kờp sền ờs mờng dùl êt bè Gơnoar kòn bơnus (UPR) bơh Liên hợp quốc dê tàm nam 2019. Ală lơgar, ală mpồl dunia đơs niam ngan broă lơh ngan lơh gơs niam kơrnoat boh lam, gùng dà broă lơh bè kòn cau, broă yàng mờ ală cồng nha lơh geh tàm bơta geh ngan.

Gơ\p bơyô dunia kung geh gi\t tus gi\t nđờ rhiang dơ\ lơh chờ niam chài bơh cau kòn cau dê tàm tiah kơh bơnơm đah tô dà lơgar, Tây Nguyên, tiah đah jum măt tơngai mu\t dà lơgar. Uă broă lơh neh gơ gơs là ală anih gơhòi gơ jà lòt nhơl dunia tiơng pơnrơ, geh cih yal tàm uă pang web, ală gah sơ`io rùp khà dùl dunia dê. Kung ngan bơh bơta đơs niam ngan broă lơh ngan bơh lơgar Việt Nam, gơ\p bơyô dunia pơn jăt tai pin dờn lơh ală rơndăp broă lơh lơh broă bal bơtàu tơnguh, bơcri priă tàm tiah làng bol kòn cau. Do là tơngume Việt Nam geh pơn jăt tai lơh pràn rlau tai tàm tơngai tus nàng kờ` dong kờl jơh nùs rlau tai broă lam lơh ală broă dong kờl bơtàu tơnguh lơh sa- mpồl bơtiàn, bơtàu tơnguh rài kis bơh làng bol kòn cau dê.

Ală broă lơh lơh broă bal dunia tàm gah jăt yàng, kòn cau gam pơgồp bơnah geh ală jơnau yal dipal ai mpồl bơtiàn dunia in bè broă kòn cau, broă jăt yàng tàm Việt Nam, bơh hơ\ lơh ờ kuơ te\ bàr pe jơnau đơs ờ niam tàm ală dơ\ tìp măt cribơyai tàm Mpồl duh broă gơnoar kòn bơnus (nhai 1 mờ nhai 7 nam 2019) halà tàm ală dơ\ sền gàr jơnau yal dà lơgar lơh jăt ală công ước dunia bè gơnoar kòn bơnus mờ Việt Nam là lơgar tàm mpồl, bè: Công ước tam dră lùp khàu pù pờng (nhai 11 nam 2018), Công ước bè ală gơnoar broă làng bol dê, chính trị (nhai 3 nam 2019). Ală jơnau đơs tìs ờ di do mìng geh bơh bàr pe nă cau dùl nă să is tài bơh ờ geh tơl jơnau yal, gơcèng bơta ết sơ ềl, kơldăng nùs ờ bài kờ` dờp broă lơh ngan mờ cồng nha lơh geh bơh làng bol Việt Nam dê tàm nđờ jơ\t nam do.

Jăt ồng Lý Seo Dìn, Kuang ătbồ Ban lam sồr làng bol càr Lào Cai dê đơs, Đảng mờ Dà lơgar he sùm sền dờng màng gơnoar khăt gơboh jăt yàng, khăt gơboh pin dờn, ngan là gơ wèt mờ dà lơgar geh tus 54 jơi bơtiàn kòn cau. Bơta do neh geh cih loh làng tàm Kơrnoat Dà lơgar 5 khoá 8, hơ\ là bơ\t bơtàu rài niam chài gơguh jak, bềng rài kis niam chài is jơi bơtiàn dê. Gơguh jak là kờ` gơboh dà lơgar mờ bơtàu tơnguh mờ tơngume tờm ngan là jơnau kờ` lơngăp lơngai is jơi bơtiàn gơ jăt bal mờ rài làng bol lơh tờm mpồl bơtiàn ring bal jăt nùs nhơm bồ tơngoh Mác- Lênin dê, bồ tơngoh Hồ Chí Minh, nàng kờ` jơh ală tài bơh kòn bơnus. Đảng mờ Dà lơgar he neh đơs loh bè hơ\, mơya kung gam sơl dùl êt nă làng bol, tài bơh bơta gi\t wa\ ờ huan uă, ờ tơl bơta gi\t wa\ den tàng kung gam dòn mờ lơh jăt sơl den tàng gơlam tus jơnau gơlời wơl pơlai soh ngan, muăt jrùm ngan, mìng tu\ geh mblàng yal đơs loh, den hơ\ sồng gi\t ngan.

Ồng Lý Seo Dìn, đơs: Ală bol gơjra` kơuềng mờ dà lơgar sùm ơm mpồn sơmờm tàm anih làng bol kòn cau, tiah sar lơgar ngài, làng bol ờ gi\t wa\ uă mblàng yal pràn kơldang ngan mơya bol khi đơs loh hơ\ là bơta dòn bơh làng bol dê, iang nùs tus bal lơh sa, jơh ală tơrgùm tàm bơtàu tơnguh lơh sa, tu\ hơ\ làng bol gi\t geh is, bol a` kung ờ go\ đơs là làng bol iăt bơta do, iăt bơta ne ờ, bơta hơ\ là gơnoar bơh làng bol dê. Sền bal làng bol ờ hềt wa\ wờng den he đơs, he hòi jà làng bol. Nùs nhơm bơh Đảng, Dà lơgar dê là jăt yàng, pin dờn là gơnoar bơh làng bol dê, làng bol geh phan bơna, tơnguh bơta gi\t wa\ là làng bol đal gi\t is broă là sơmờm halà ờ sơmờm.

Gơnoar khăt gơboh pin dờn, khăt gơboh jăt yàng ờ go\ tam cah is tiah ring halà tiah kơh bơnơm, mờ jăt bè jơnau ồng Lý Seo Dìn dê đơs, den hơ\ là tài bơta gi\t wa\ bơh tơl nă cau dê nàng geh broă lơh gơ di gời lơm. Ngan den tàng bè hơ\, tơnguh uă bơta gi\t wa\, tơnguh ală broă lơh mblàng yal gùng dà broă lơh bơh Đảng dê, kơrnoat boh lam Dà lơgar dê geh dong làng bol ală kòn cau in gi\t nền, gi\t di, git loh pleh iăt jăt jơnau pơrlồm pơn jồ, ală jơnau đơs bu ba ờ di, tam dră wơl mờ gùng dà dipal ngan bơh Đảng dê, kơrnoat boh lam Dà lơgar dê. Jăt tàm bơta hơ\, rơhời tơn jơh te\ bơta tam cah ngài đah tiah kơh bơnơm mờ tiah ring, rơhời bơtàu tơnguh rài kis phan bơna mờ nùs nhơm bơh làng bol kòn cau dê, pơgồp bơnah tàm bơta bơtàu tơnguh bal bơh dà lơgar dê.

Cau cih Việt Phú- Cau mblàng Lơ Mu K’Yến