VOV4.K’ho – Adat sền gàr rềs àr mpồl bơtiàn nam 2014 geh ai ngui bơh nhai 1/2016. Bàr pe bơta bơh adat do dê geh sền gròi cribơyai uă ngan tàm pơrjum dơ\ 9, Gơnoar ala mat dà lơgar kơnă 13, ngan là bơta 60, cih bè ală cau geh dờp priă sền gàr rềs àr mpồl bơtìan dùl dơ\. Jơnau Adat boh lam mờ rài kis ph do, geh yal bàr pe bơta, cih gơnoar, kơnòl bơh cau lơh broă mờ cau ngui cau lơh broă dê mờ ală cau geh dờp priă sền gàr rềs àr mpồl bơtiàn:

Gơnoar cau lơh broă dê geh cih tàm bơta 8 bè tơnơ\ do:

1. Cau lơh broă geh tus bal mờ geh dờp ală bơta dong kờl sền gàr mpồl bơtiàn jat jơnau cih Adat do dê.

2. Geh lơh mờ atbồ sră sền gàr mpồl bơtiàn.

3. Geh dờp priă nhai jơh sơnam lơh broă mờ priă sền gàr mpồl bơtiàn tơl làm, di tu\.

4. Geh dờp sră kham sơm kòp ờ sa priă tàm ală tu\ bè tơnơ\ do:

a) Gam geh dờp priă nhai jơh sơnam lơh broă;

b) Tàm tơngai ơm rlô lơh broă geh dờp priă dong kờl deh dùh tu\ deh kòn halà dờp ròng kòn ròng;

c) Ơm lơh broă geh dờp priă dong kờl rềs àr lơh broă, kòp broă lơh pah nhai;

d) Gam geh dờp priă dong kờl kòp jê tus mờ cau lơh broă gơbàn kòp gơ ơm tàm sră cih ală bơta kòp pal geh sơm jo\ tơngai bơh Gah lơh sơnơm dà lơgar ai tơlik.

5. Geh ai lòt kham, dờp git khà gơmù bơta pràn lơh broă tơnơ\ mờ tu\ sồt să, kòp jê gơbàn wơl neh geh sơm sùm mờ gam prap gàr tơngai tă priă sền gàr mpồl bơtiàn; geh tơm priă kham dilah geh tơl ală bơta geh dờp sền gàr mpồl bơtìan.

6. Geh jàu cau ndai in dờp priă nhai jơh sơnam lơh broă, priă dong kờl sền gàr mpồl bơtiàn.

7. Jat tơngai pơrgon 6 nhai geh cau ngui lơh broă yal jơnau tơngit bè tă priă sền gàr mpồl bơtiàn; jat tơngai pơrgon pah nam geh anih lơh broă sền gàr mpồl bơtìan dờp git bè broă tă priă sền gàr mpồl bơtìan; geh sồr cau ngui lơh broă mờ anih lơh broă sền gàr mpồl bơtiàn yal jơnau tơngit bè broă tă, geh dờp priă sền gàr mpồl bơtiàn.

8. Lah yă bè sền gàr mpồl bơtiàn jat jơnau cih adat boh lam dê.

Kơnòl cau lơh broă dê geh cih tàm bơta 19 bè tơnơ\ do:

1. Tă priă sền gàr mpồl bơtiàn jat jơnau cih adat do dê.

2. Mut lơh jat jơnau sồr bè broă lơh sră sền gàr mpồl bơtiàn.

3. Prap gàr sră sền gàr mpồl bơtiàn.

Ai kơnòl bơh cau ngui cau lơh broă dê geh cih tàm bơta 21 bè tơnơ\ do:

1. Lơh sră nggal nàng cau lơh broă geh lơh sră sền gàr mpồl bơtiàn, tă tong, dờp priă sền gàr mpồl ơtiàn.

2. Tă tong priă sền gàr mpồl bơtiàn jat jơnau cih tàm bơta 86 mờ pah nhai tă bơh priă nhai cau lơh broă dê geh cih tàm sèng 1 bơta 85 Adat do dê nàng tă tong dùl dơ\ le\ tàm kes priă sền gàr mpồl bơtìan.

3. Yal cau lơh broă di ală cau geh cih tàm bơnah a, sèng 1, sèng 2 bơta 45 mờ bơta 55 bơh Adat do dê lòt kham git khà gơmù pràn lơh broă tàm mpồl sền gròi lơh sơnơm.

4. Pơgồp bal mờ anih lơh broă sền gàr mpồl bơtìan tơm priă sền gàr mpồl bơtìan cau lơh broă in.

5. Pơgồp bal mờ anih lơh broă sền gàr mpồl bơtìan dờp sră sền gàr mpồl bơtìan cau lơh broă in, dờp git tu\ tơngai tă tong priă sền gàr mpồl bơtìan tu\ cau lơh broă jơh tơngai pơr gon lơh broă, tơn jơh sră pơrgon lơh broă halà ơm lơh broă jat jơnau cih bơh adat boh lam dê.

6. Yal di, tơl làm, di tu\ jơnau tơnggit, sră nggal gơrềng tus broă tă tong, dờp priă sền gàr mpồl bơtiàn jat jơnau sồr bơh anih atbồ dà lơgar geh gơnoar, anih lơh broă sền gàr mpồl bơtìan dê.

7. Jat tơngai pơrgon 6 nhai, top loh làng jơnau tơngit bè broă tă tong priă sền gàr mpồl bơtiàn cau lơh broă in; yal jơnau tơngit bè broă tă tong priă sền gàr mpồl bơtiàn cau lơh broă dê tu\ cau lơh broă halà mpồl ala mat cau lơh broă sồr.

8. Pah nam, top loh làng jơnau tơngit bè tă tong priă sền gàr mpồl bơtìan cau lơh broă dê bơh anih lơh broă sền gàr mpồl bơtiàn yal jat jơnau cih tàm sèng 7 bơta 23 Adat do dê.

Gơ rềng tus jơnau cih tàm bơta 60 bè ală cau geh dờp priă sền gàr mpồl bơtìan 1 dơ\, tu\ ơm lơh broă mờ ờ hềt geh tơl ală bơta nàng geh dờp priă nhai jơh sơnam lơh broă, làng bol mờ gơp bơyô pal tàm pơn drờm ală bơta ndai nàng git loh rlau tai bè jơnau cih do. Pơn yơu, jat bơta mblàng jơnau tàm bơta 3 cih loh: Sền gàr mpồl bơtìan là bơta hơ pơrgon ala halà bơtơl dùl bơnah priă lơh geh cau lơh broă dê tu\ khi gơtìp gơmù halà roh priă jền lơh geh tài kòp jê, deh dùh, rềs àr lơh broă, kòp broă lơh, jơh sơnam lơh broă halà chơt, kơnờm tàm broă tă tong priă tàm kes priă sền gàr mpồl bơtiàn.

Bơta 4 cih bè ală broă dong kờl sền gàr mpồl bơtiàn, jat mờ hơ\ cih loh:

Sền gàr mpồl bơtìan pal geh, den geh 5 bơta là kòp jê, deh dùh, rềs àr lơh broă, kòp broă lơh, jơh sơnam lơh broă, chơt.

Bè hơ\ bơta 60, adat sền gàr mpồl bơtìan nam 2014 ờ ai ală cau lơh broă ơm lơh broă bè ờs, hơ\ là ờ geh jơnau kuơ màng neh geh cih mut tàm khà cau geh dờp priă sền gàr mpồl bơtìan dùl dơ\ là dipal mờ ală jơnau cih lài hơ\, kung dipal mờ bơta pơn rơ is bơh gah sền gàr mpồl bơtiàn dê.

                                                                                   Cau mblàng K’ Duẩn.