VOV4.K’ho - Tàm pơrjum Anih duh broă sùm Gơnoar ala măt dà lơgar geh bơyai lơh poh lài, ală kuang bàng tàm Gơnoar ala măt dà lơgar neh pơgồp jơnau đơs tàm rơndăp broă bè mpồl, ală kuang bàng đơng tus mờ gơnoar lơh mpồl là 1 tàm ală gơnoar tòm làng bol dê neh geh sơnoa boh lam dờp, den tàng, kờ` ală kơrnoăt tàm rơndăp broă adăt pal ai tơl bơta niam kờ` làng bol geh tơl^k tơl gơnoar.

Rơndăp broă adăt bè mpồl neh geh dờp uă jơnau pơgồp bal cri bơyai bal bơh ală kuang bàng tàm anih duh broă sùm Gơnoar ala măt dà lơgar dê. Kờp jơh nhai 12 nam 2014, gùt lơgar neh geh rơlao 52 rơbô 500 mpồl, tàm hơ\ geh mờr 8 rơbô 800 mpồl geh nùs nhơm krơi is. Jăt Anih duh broă adăt boh lam Gơnoar ala măt dà lơgar dê, do là ală broă geh niam tàm broă gùt mpồl bơtiàn lơh tòm mờ gơnoar lơh tòm làng bol dê geh tơl^k tơn tàm boă tơnguh bơtàu dà lơgar mờ tơrgùm bal mờ dunia. Ring bal uă bè broă pal lơh rơndăp broă kuơ màng do, geh gơrềng niam ngan tus mờ gơnoar kòn bơnus, gơnoar làng bol bal mờ bơta lơngăp lơngai gùng dră bal dà lơgar dê, den tàng geh jơnau dan pal geh sền bè bơta niam, cồng nha broă lơh bơh ală mpồl tàm tơngai do. Ồng Nguyễn Sinh Hùng, kuang atbồ Gơnoar ala măt dà lơgar đơs: “Broă lơh mpồl he dê tu\ do di gơlan geh uă ngan. Broă lơh geh cồng nha ờ uă mờ khà den geh uă ngan. Lơh geh sră nggal den uă mờ ai bơh priă dà lơgar kung uă. Bơdìh hơ\ tai geh ală mpồl di lah ală kuang bàng lời ờ sền gròi den ờ geh măt sơnđan mopồl, mơya lơh broă bè mpồl, bè 1 mpồl bơtiàn kờ` tơrgùm ală cau mờ geh nùs nhơm gùng dră bal tàm hơ\. Den tàng, pal sền tơrgùm wơl uă kờ` he kờp. Mpồl mờ geh kuơ dà lơgar in, geh kuơ làng bol in, geh cồng nha tus mờ broă tơnguh bơtàu den he lam sồr mờ broă hơ\ di là gơnoar khăt gơboh krơi is mpồl làng bol dê”.

Ală jơnau đơs cri bơyai neh ring bal adăt do ờ ngui mờ gah tề lam gùng dră bal Việt Nam dê, mpồl ala măt cau lơh broă Việt Nam, mpồl cau lơh sa Việt Nam mpồl ơruh pơnu, mpồl tam klăc cau ùr Việt Nam, mpồl cau ling yau Việt Nam. Geh jơnau đơs pal kơlôi sơnơng nền nòn tai tàm ờ uă mpồl ndai tàm nùs nhơm tơmù broă dong kờl bơh dà lơgar tus mờ ală mpồl dê, mờ bơ\t bơtàu rơhời gùng dà broă lơh bal tus mờ gùt mpồl bơtiàn, mìng geh dong kờl kes priă tàm bơnah lơh jăt kơnòl Đảng, Dà lơgar jàu.

Geh ờ uă kuang bàng kung sồr kah, ală kơrnoăt tàm adăt, 1 bơnah pal tơl niam làng bol lơh jăt gơnoar lơh mpồl, mờ tơl niam broă sền gàr dà lơgar dê. Bơdìh hơ\ tai, rơcang sơndră mờ ală cau geh nùs nhơm pơlơ\ dră, ală mpồl dră wơl sơgràm kờ` lơh gơs ală mpồl dră wơl mờ Đảng mờ Dà lơgar, lơh aniai tus mờ bơta lơngăp lơngai gùng dră bal mờ ờ do ờ dă gùt mpồl bơtiàn. Mờ ală mpồl ờ geh nùs nhơm adăt boh lam bè mpồl cau lòt ling bal, mpồl cau bơsram bal, mpồl cau deh 1 sơnam bal… Gơnoar atbồ lơgar sồr ờ ngui tàm adăt do. Bu\ lah bè hơ\, ồng Nguyễn Hạnh Phúc, kuang atbồ anih lơh broă Gơnoar ala măt dà lơgar đơs là, tu\ do, geh uă mpồl crơng gơs is, ờ geh adăt boh lam. Dà lơgar ờ kơrian broă crơng gơs mpồl, ai tơl^k bơta [uơn kờ` ală cau lơgar Việt Nam geh tus bal mờ mpồl, mơya neh là mpồl den pal geh dà lơgar sền gàr: “Neh sơnđan là sền gàr dà lơgar dentàm dà lơgar Việt Nam do ờ di bi lơh broă lơi den a` pal sền gàr bi. Ờ gơtùi đơs là a` mìng sền gàr ală bi lơi geh dan, mờ ờ dan den ờ sền gàr là ờ di. Dà lơgar ờ kơrian broă crơng gơs mpồl, ai tơl^k ală bơta niam kờ` làng bol Việt Nam crơn gơs mpồl mờ tus bal mờ mpồl, ờ kơrian. Mơya Dà lơgar pal geh broă kờ` sền gàr. Pal geh sền gàr, mơya broă sền gàr krơi is, sền gàr is mờ ờ sền gàr is kung is sơl”.

Geh uă jơnau đơs kung ring bal mờ kơrnoăt cau lơgar bơdìh kis mờ lơh broă di pal tàm lơgar Việt Nam geh tus bal mờ mpồl, mơya geh ai cau lơgar bơdìh in crơng gơs mpồl lah ờ den ờ duh kơlôi sơnơng nền nòn. Bơdìh hơ\ tai, geh ờ uă kuang bàng neh đơs, tu\ do, broă lơh bơh ală mpồl gam geh nùs nhơm sră nggal gời, ờ hềt geh tơnguh broă lơh tòm den tàng [uơn ngan gơtìp sơgràm. Den tàng, dan ală kơrnoăt tàm rơndăp broă adăt do pal lơh jăt sơlơ ngai sơlơ geh tơnguh broă lơh tòm làng bol dê tu\ tus bal mờ mpồl, mơya geh ai tềng đăp mờ broă sền gàr bơh dà lơgar, mờ tơmù jăt broă lơh uă sră nggal gời mpồl dê.

        Cau cih mờ yal tơng^t Ndong Brawl