Pơnjat tai tơnggit bè tơnggume jơnau cih tàm adat ù tiah nam 2013, geh ai ngui ngan ngồn bơh ngai 1/7/2014, jơnau ngai do,geh pơnjat tai yal bè gơnoar  mờ bơta kuơ di pal mờ kơrnuat boh lam bơh cau ngui ù dê.

Jat jơnau cih tàm bơta 5 adat ù tiah nam 2013 den cau ngui ù geh dà lơgar jàu ù, ai ơpah ù, dờp gơnoar ngui ù, dờp jàu gơnoar ngui ù (gam sơnđan la sra\ ù), tàm hơ\ geh:

Mpồl bal tàm lơgar, tàm hơ\ geh anih lơh broă dà lơgar, mpồl ling, mpồl lơh broă gùng dră bal, mpồl lơh broă gùng dră bal mpồl bơtiàn, mpồl lơh sa, mpồl gùng dră bal mpồl bơtìan-broă lơh, mpồl lơh broă mpồl bơtiàn, mpồl lơh broă mpồl bơtiàn-broă lơh, mpồl lơh broă dà lơgar mờ mpồl ndai jat jơnau cih bơh adat phan bơna mờ broă làng bol dê.

Hìu nhă, cau 1 nă să tàm lơgar;

Mpồl bơtiàn làng bol tàm hơ\ geh cau lơgar Việt Nam ơm kis tàm bòn bal, geh bal bơhìan halà geh bal jơi nòi;

Anih duh broă yàng tàm hơ\ geh hìu phờk, hìu jum,  hìu yàng, hìu rac yàng, hìu bơto bơtê is bơh gah jat yàng dê, hìu lơh broă bơh mpồl duh broă yàng mờ mpồl ndai bơh gah jat  yàng dê;

Mpồl lơh broă lơgar ndai geh gơnoar cribơyai broă mờ lơgar ndai, tàm hơ\ geh anih ala mat cribơyai broă mờ lơgar ndai, ala mat mat lơgar ndai geh gơnoar cribơyai broă, geh gơnoar atbồ lơgar Việt Nam dờn dờp, anih ala mat bơh mpồl lơh broă di anih duh broă dunia, anih lơh broă halà mpồl lơh broă ală gơnoar atbồ lơgar, anih ala mat bơh mpồl lơh broă ală gơnoar atbồ lơgar;

Cau lơgar Việt Nam ơm kis tàm lơgar ndai jat jơnau cih adat boh lam dê bè lơgar ơm kis;

Mpồl lơh sa kă bro geh priă bơcri lơgar ndai dê, tàm hơ\ geh mpồl lơh sa kă bro geh 100% priă bơcri lơgar ndai, mpồl lơh sa kă bro tam klac bal lơh broă, mpồl lơh sa kă bro lơgar Việt Nam mờ cau tờm bơcri priă lơgar ndai blơi bơnah pơ gồp bal, tơmut bal, blơi wơl jat jơnau cih bơh adat boh lam bè bơcri priă.

Bè hơ\ dà lơgar sền gàr akă gơnoar mờ bơta kuơ dipal cau ngui ù dê bè lơi?

Jat jơnau cih tàm bơta 26 adat ù tiah nam 2013 den dà lơgar sền gàr ală gơnuar mờ bơta kuơ dipal cau ngui ù dê jat ală tơngume bè tơ nơ\ do:

Sră sền gàr gơnoar ngui ù mờ phan bơna gơ jat bal mờ ù dipal bơh cau ngui ù dê.

Lơh sră ngui ù, gơnoar ngui hìu ơm mờ phan bơna ndai gơ jat bal mờ ù ai cau ngui ù in tu\ geh tơl bơta jat jơnau cih adat boh lam dê.

Tu\ dà lơgar ai wơl ù tài jơnau kờ` sền gàr dà lơgar, sền gàr ngap lơngai, bơtàu tơnguh lơh sa mpồl bơtiàn tài bơta kuơ dà lơgar, mpồl bơtìan den cau ngui ù geh dà lơgar tơm wơl priă, dong kờl, rơndap bòn ơm kis pa jat jơnau cih adat boh lam dê.

Geh bơta dong kờl cau ngui ù tàm broă lơh sa suơn sre, brê bơ nơm, ròng tam phan tàm dà, lơh boh ờ geh ù lơh sa tài broă tam gơl jơnau kờ` ngui ù mờ tam gơl rơndap broă lơh sa geh bơto broă lơh, tam gơl broă lơh mờ jòi broă lơh.

Dà lơgar ờ dờp broă lùp ai wơl ù neh geh jàu jat jơnau sồr bơh dà lơgar dê ai cau ngui in tàm tơngai mut lơh ală gùng dà broă lơh bè ù tiah bơh dà lơgar Việt Nam làng bol lơh tờm, gơnoar atbồ lơgar ka] màng ing.

Gơ wèt mờ ù ơm, ù lơh sa suơn sre bơh làng bol kòn cau dê, jat jơnau cih tàm bơta 27 bơh adat ù tiah nam 2013 dê den dà lơgar geh ală broă lơh bè tơ nơ\ do:

Geh broă lơh bè ù ơm, ù pơrjum mpồl bơtiàn tus mờ làng bol kòn cau di mờ bơhìan, bơta niam chài rơ gơi mờ bơta geh ngan bơh tơl tiah dê.

Geh broă dong kờl làng bol kòn cau lơh sa suơn sre tàm bòn lơgar  geh ù nàng lơh broă sa.

                                                            Cau mblàng K’ Duẩn.