VOV4.K’ho - Tàm pơrjum dơ\ 132 tam klăc gơnuar ala mat dunia IPU neh cri bơyai uă broă lơh kờ` tơnguh bơtàu kơl jăp tơnơ\ mờ nam 2015. Ồng Saber Chowdhury kuang atbồ tam klăc gơnuar ala mat dunia đơs là, IPU 132 tàm lơgar Việt Nam là 1 broă lơh kuơ màng ngan, ai geh bơta tam gơl bè g^t wă mờ broă tus bal bơh ală kuang bàng gơnuar ala mat dà lơgar dê. Mờ gơnuar là lơgar tờm bơyai lơh, Việt Nam ờ mìng pơgồp tàm cồng nha IPU 132 dê, mờ gam ai geh uă broă mờng chài bơh dunia.

Cồng nha dờng màng ngan bơh pơrjum dờng tam klăc Gơnuar ala măt dunia (IPU132) là ring bal jơnau yal Hà Nội, lơh jơnau đơs gơs broă lơh. Do là 1 sră nggal kuơ màng, tơrgùm ală cồng nha ]ri bơyai pơrjum dờng dê, tơl^k nùs nhơm kơlôi sơnơng ală Gơnuar ala măt dà lơgar, ală lơgar tàm mpồl IPU, ala măt 6 tơmàn 500 tơlăk nă cau tàm dunia bè 1 broă tơnguh bơtàu pa kòn bơnus dê, bơh ală khà rơbô nam tus mờ ală khà tơnguh bơtàu kơl jăp. Jơnau yal Hà Nội geh pơyoa tus pơrjum dờng bơh pơrjum dờng anih duh broă dunia tàm nhai 9 nam do. Ồng Trần Văn Hằng kuang atbồ anih duh broă, broă lơh bal mờ lơgar ndai Gơnoar ala măt dà lơgar pà g^t: jơnau yal Hà Nội là jơnau bơceh lơgar Việt Nam dê, bơh tàm tu\ dan dờp bơyai lơh pơrjum dờng tam klăc Gơnuar ala măt dunia (IPU132), lơgar Việt Nam neh kơlôi tus broă pal geh jơnau yal lời wơl nùs nhơm niam tàm Hà Nội: “Jơnau yal Hà Nội geh kuang atbồ Gơnuar ala măt dà lơgar Việt Nam yal tàm pơrjum dờng, bơta do geh kuơ màng ngan, tơl^k bơngă lơgar Việt Nam tus mờ dunia, tơl^k gùng dà, broă lơh bal mờ lơgar ndai krơi is, lơh tòm, geh uă lơgar, geh uă bơta, rơcang niam tơrgùm bal mờ dunia he dê neh geh cồng nha. Do là cồng nha loh làng ngan, he neh tơrgùm g^t nđờ rơhiang mpồl, g^t nđờ rơhiang nă kuang bàng kờ` ]ri bơyai ală broă mờ he bal mờ ală lơgar sền gròi. Bè hơ\ geh ring bal uă. Jơnau yal Hà Nội geh tơl^k bơta kuơ màng pơrjum dờng IPU dê”.

Tàm ală dơ\ cri bơyai, ală kuang bàng tàm Gơnuar ala măt dà lơgar Việt Nam ndrờm geh pơgồp bal jơnau đơs geh nùs nhơm bơ\t bơtàu, mờ sùm geh nùs nhơm tam pà bal broă mờng chài mờ bơsram bal mờ ală lơgar. Tàm dơ\ cri bơyai anih duh broă sùm bè lơngăp lơngai mờ sền gàr bơta ờ do ờ dă mpồl IPU dê bè tam lơh Internet, mpồl kuang bàng lơgar Việt Nam neh pơgồp bal 8 jơnau đơs, geh dờp tàm rơndăp broă du\t ndơl kơrnoăt “Tam lơh Internet: pơhìn uă tus mờ lơngăp lơngai mờ bơta ờ do ờ dă dunia”. Ala măt mpồl kuang bàng lơgar Việt Nam, ồng Vũ Xuân Hồng, kuang geh jơng tàm anih duh broă, broă lơh bal mờ lơgar ndai Gơnuar ala măt dà lơgar pà g^t: “Gơtùi đơs geh mờr 100% jơnau đơs bơh mpồl kuang bàng lơgar Việt Nam dê geh ală mpồl dờp mờ pơn jờng. Tàm hơ\ kuơ màng ngan là jơnau đơs he dê bè broă dan mờ mpồl tam klăc dờng Gơnuar ala măt dunia dan mờ anih duh broă dunia pờ 1 pơrjum dunia bè broă lơh Internet, niam ờ do ờ dă Internet mờ tam lơh Internet mờ gơtùi wèt tus geh 1 kơrnoăt hơ bal ha là kơrnoăt gùt dunia kờ` tơl niam internet tơnguh bơtàu niam, sền gròi ală bơta gơl^k geh tam lơh internet mờ geh broă lơhgeh cồng nha bơh ală lơgar kờ` tam dră mờ tam lơh internet mờ ală dơ\ sò tơm internet gơl^k geh. Di lah geh bơta do den do geh là jơnau pơgồp bal kuơ màng pơrjum tàm Hà Nội dơ\ do dê”.

Tàm pơrjum mpồl tam klăc ală gơnuar atbồ gơnoar ala măt, anih lơh broă Gơnuar ala măt lơgar Việt Nam neh tơl^k tơngu me cri bơyai bal là “Jòi broă lơh anih lơh broă dong broă gơnuar ala măt dà lơgar geh cồng nha”. Ồng Nguyễn Hạnh Phúc kuang atbồ anih lơh broă Gơnuar ala măt dà lơgar Việt Nam đơs là: tàm bơta Gơnoar ala măt dà lơgar Việt Nam gam jòi geh broă lơh gơnoar atbồ jăt mờ sơnoa boh lam pa den loh làng, ală dơ\ cri bơyai do kung neh ai lơgar Việt Nam in uă jơnau tơng^t geh kuơ màng ngan: “Bol a` kung neh sền gròi 2 broă lơh bơh lơgar Anh mờ lơgar Tây mờ broă geh Gơnuar atbồ mờ kuang atbồ anih lơh broă Gơnuar ala măt dà lơgar. Bu\ lah bè hơ\, 2 anih lơh broă do geh pơgồp bal ờ nền nòn den tàng lơh ờ niam tus mờ broă lơh. Geh ală lơgar mìng geh 1 broă lơh bè lơgar Đức den geh cồng nha, ring bal rơlao. Bu\ lah bè hơ\, mờ khà broă uă ir, pal geh mpồl kuang bàng jăk chài lơh broă, mpồl dong broă pal mùl màl lơh geh cồng nha. Geh uă ngan broă lơh gơnuar atbồ tàm dunia, mơya tơl broă lơh geh gơrềng bal mờ kơrnoăt gùng dră bal bơh tơl lơgar dê. Dơ\ 2 là di gơlan broă lơh do di pal mờ lơgar do, mơya ờ di pal mờ lơgar ndai. Bơta tòm ngan là broă lơh do [pal jăk chài, mùl màl lơh broă ờ go\ di là lơh gời mờ geh broă pơgồp bal nền nòn, mờ kòn bơnus lơh boă pal geh nùs nhơm niam tàm broă lơh, hơ\ sồng di pal”.

Ring bal cau klao mờ cau ùr mờ jàu gơnuar cau ùr in kung là tơngu me kuơ màng geh cri bơyai tàm pơrjum IPU132. Tus bal tàm broă do, là dơ\ kờ` ală kuang kuang là cau ùr lơgar Việt Nam neh tam pà broă mờng chài mờ iăt ală jơnau bơceh pa bơh ală bơyô dunia dê tàm broă lơh jăt khà ring bal cau klao mờ cau ùr, pơyoa jơnau đơs tus Gơnuar ala măt dà lơgar tàm tơngai tus. Mò Trương Thị Mai kuang atbồ anih duh boă ală bơta mpồl bơtiàn Gơnuar ala măt dà lơgar Việt Nam tus pơrjum cau ùr kuang bàng Gơnuar ala măt dơ\ 21 pà g^t: “Gơwèt mờ Gơnuar ala măt dà lơgar Việt Nam, hơ\ là pal pơgồp bal cau klao mờ cau ùr tàm broă lơh adăt boh lam, he neh geh ală broă lơh niam tàm broă do, mơya pal tơnguh rơlao. He neh geh adăt lơh broă, mờ 1 tăp is ai cau lơh broă mờ adăt ring bal cau klao mờ cau ùr, adăt sơnđră mờ tam lơh pù pờng tàm hìu nhă, mơya he pal lơh ngan rơlao tai kờ` pơgồp bal cau klao mờ cau ùr tàm broă lơh adăt boh lam. Bơdìh hơ\ tai, he pal sền gròi broă lơh jăt adăt boh lam niam rơlao. Tàm do, geh broă tìs uă ngan bè broă ring bal cau klao mờ cau ùr, tàm hơ\ pal geh ală broă lơh mùl màl. Du\t ndơl he pal geh tam pà bơta pràn bơh Gơnuar ala măt dà lơgar ai ală broă lơh gơrềng bal tus mờ broă ring bal cau klao mờ cau ùr, geh bè hơ\, hơ\ sồng geh bơta ring bal cau klao mờ cau ùr mùl màl”.

Là lơgar dờp bơyai lơh pơrjum dờng tam klăc Gơnuar ala măt dunia dơ\ 132 (IPU132), lơgar Việt Nam ờ mìng pơgồp tàm tơngu me pơrjum mờ broă bơyai lơh nền nòn mờ gam sền gròi, tam pà bal uă broă mờng chài tàm broă lơh jăt ală khà tơnguh bơtàu kơl jăp, bơ\t bơtàu anih lơh broă dong broă Gơnuar ala măt dà lơgar geh cồng nha. Ờ mìng bè hơ\, rơlao 1 rơbô 600 nă kuang bàng bơh dunia tus Hà Nội kung chồl pràn ală broă tìp bal kă bro, bơcri priă, nhơl chờ tàm lơgar Việt Nam, kung bè lơgar Việt Nam l^k tus hờ lơgar bơdìh.

Cau mblàng Ndong Brawl