VOV4. K’ho - Gơnuar atbồ lơgar pa ai ngui Kơrnuat tơnguh priă nhai jơh sơnam lơh broă, priă dong kờl sền gàr rềs àr mpồl bơtiàn mờ priă dong kờl pah nhai tus mờ kuăng bàng lơh broă ntum neh ơm  lơh broă.

Jăt hơ\, bơh ngai 1/1/2015 geh tơnguh tai 8% khà priă nhai jơh sơnam lơh broă, priă dong kờl sền gàr rềs àr mpồl bơtiàn mờ priă dong kờl pah nhai tus mờ ală cau tơ nơ\ do: Kuăng bàng, cau lơh broă sa priă nhai dà lơgar mờ cau lơh broă ( geh bal cau geh tơngai tus bal sền gàr rềs àr mpồl bơtiàn is, cau jơh sơnam lơh broă bơh kes priă sền gàr rềs àr mpồl bơtiàn cau lơh broă sa Nghệ An tam gơl tus jăt Kơrnuat sồ 41 ki\ ai ngui ngai 16/3/2009 bơh Kuang gơs gơnăp gơnuar atbồ hơđăng rlau jơh dà lơgar dê); cau ling geh grăt, kuang àng làng bol mờ cau lơh broă dờng màng gam sa priă nhai jơh sơnam lơh broă pah nhai. Kuang bàng ntum, sơnah [òn, [òn drà cih tàm Kơrnuat sồ 92 bơh Gơnuar atbồ lơgar dê, ki\ ai ngui ngai 22/10/2009, Kơrnuat sồ 121 bơh Gơnuar atbồ lơgar dê, ki\ ai ngui ngai 21/10/2003 mờ Kơrnuat sồ 9 bơh Gơnuar atbồ lơgar dê ki\ ai ngui ngai 23/1/1998 gam sa priă nhai jơh sơ nơm lơh broă mờ priă dong kờl pah nhai. Cau gam sa priă dong kờl roh pràn lơh broă pah nhai jăt jơnau cih bơh kơr nuăt boh lam dê; cau gam sa priă dong kờl pah nhai jăt Kơrnuăt sồ 91 bơh Kuang gơs gơnăp gơnuar atbồ hơđăng rlau jơh dà lơgar dê ki\ ai ngui ngai 4/8/2000, Kơrnuat sồ 613 bơh Kuang gơs gơnăp gơnuar atbồ hơđăng rlau jơh dà lơgar dê ki\ ai ngui ngai 6/5/2010; cau lơh phan kau su gam sa priă dong kờl pah nhai.

Kuang bàng ntum, sơnah bòn, bòn drà gam sa priă dong kờl pah nhai jăt Kơr nuăt sồ 130 bơh Gơnuar atbồ lơgar dê ki\ ai ngui ngai 20/6/1975 bơh Mpồl duh broă Gơnuar atbồ lơgar mờ Kơrnuat sồ 111 bơh Gơnuar atbồ lơgar dê ki\ ai ngui ngai 13/10/1981. Ling geh grăt gam sa priă dong kờl pah nhai jăt Kơrnuat sồ 142 bơh Kuăng gơs gơnăp gơnuar atbồ hơđăng rlau jơh dà lơgar dê ki\ ai ngui ngai 27/10/2008, Kơrnuăt sồ 38 bơh Kuang gơs gơnăp gơnuar atbồ hơđăng rlau jơh dà lơgar dê ki\ ai ngui ngai 6/5/2010. Kuang àng làng bol, cau lơh broă dờng màng sa priă nhai bè tus mờ cau ling geh grăt, kuang àng làng bol gam sa priă dong kờl pah nhai jăt Kơrnuat sồ 62 bơh Kuang gơs gơnăp gơnuar atbồ hơđăng rlau jơh dà lơgar dê ki\ ai ngui ngai 9/11/2011.

Priă ai nàng ngui tàm broă tơnguh priă nhai jơh sơnam lơh broă, priă dong kờl sền gàr rềs àr mpồl bơtiàn mờ priă dong kờl pah nhai geh ngui tus mờ ală cau pa yal geh ai bơh Kes priă dà lơgar mờ Kes priă sền gàr rềs àr mpồl bơtiàn dê ai tơl. Kơrnuat geh ai ngui ngan ngồn bơh ngai 10/3/2015. Lài hơ\, ngai 10/11/2014, Gơnuar ala mat dà lơgar neh geh Kơrnuat sồ 78 ki\ ai ngui nam 2014 bơh Gơnuar ala măt dà lơgar kơnă 13 dê, bè kờp du\ lài kes priă dà lơgar nam 2015, tàm hơ\, neh geh kơrnuat mu\t lơh tơnguh 8% tus mờ priă nhai jơh sơnam lơh broă, priă dong kờl cau geh màng mờ dà lơgar mờ priă nhai tus mờ kuang bàng, cau lơh broă sa priă nhai dà lơgar, mpồl ling klàng geh priă nhai lơyah ( hệ số priă nhai bơh 2,34 tus hơđơm). Tơngai mu\t lơh kơrnuat do là bơh ngai 1/1/2015.

                                                            }au mlàng Lơ Mu K’ Yến.