VOV4. K’ho - Pơn jăt tai yal bè tơngume Adat gùng tam bau mờ hìu bơnhă nam 2014 neh geh Gơnuar ala mat dà lơgar kơnă 13 ring bal tàm pơrjum dơ\ 7, ngai 19/6/2014, jơnau do ngai do, bol a` yal ală jơnau cih tàm Adăt gùng tam bau mờ hìu bơnhă nam 2014 bè gơnuar mờ kơ nòl đah mè bèp mờ kòn.

Jat jơnau cih bơh adat gùng tam bau mờ hìu nhă nam 2014, gơnuar mờ kơ nòl bơh mè bèp mờ kòn dê geh sền dờng màng mờ geh sền gàr:

- Kòn tu\ deh ờ gơ jat tàm bơta tam bau mè bèp dê ndrờm geh gơnuar mờ kơ nòl ndrờm bal tus mờ mè bèp he dê, geh cih tàm adat gùng tam bau mờ hìu nhă, adat phan bơna mờ broă làng bol mờ ală adat ndai geh gơ rềng bal.

- Tơl jơnau ringbal bơh mè bèp, kòn dê gơ rềng tus gùng pròc mhàm, jơtài, phan bơna ờ lơh aniai tus gơnuar, bơta kuơ dipal bơh kòn ờ hềt tàu dờng, kòn neh dờng mơya roh bơta pràn dờp git broă lơh halà ờ geh bơta pràn lơh broă mờ ờ geh jơtài, phan bơna nàng ròng is să tờm, mè bèp roh bơta pràn dờp git broă lơh halà ờ geh bơta pràn lơh broă halà ờ geh jơtài, phan bơna nàng ròng is să tờm.

Bơta 69 adat gùng tam bau mờ hìu nhă cih kơ nòl mờ gơnuar mè bèp dê bè tơ nơ\ do:

1. Kờ` gơ boh kòn, sền dờng màng jơnau đơs kòn dê; sền gròi broă bơsram sră, bơto bơtê nàng kòn geh dờng pràn bè să jan, bồ tơ ngoh, nùs nhơm, gơs 1 nă cau gơ lòng sồr, git jơnau hìu nhă dê, gơs là cau geh kuơ mpồl bơtiàn in.

2. Sền gròi, ròng siam, sền gàr gơnuar, bơta kuơ dipal kòn ờ hềt tàu dờng, kòn neh tàu dờng mơya roh bơta pràn dờp git broă lơh halà ờ geh bơta pràn lơh broă mờ ờ geh jơtài, phan bơna nàng ròng is să tờm.

3. Sền gròi halà ala mat jat jơnau cih bơh adat phan bơna mờ broă làng bol tus mờ kòn ờ hềt tàu dờng, kòn neh tàu dờng mơya roh bơta pràn dờp git broă lơh.

4. Ba` tam cah is sền dờng màng mờ kòn ùr mờ kòn klau halà jat bơta tam bau mè bèp dê, ờ geh sơ mờm bơta pràn lơh broă kòn ờ hềt tàu dờng, kòn neh tàu dờng mơya roh bơta pràn dờp git broă lơh halà ờ geh bơta pràn lơh broă ba` bơ chồt, bơ klơn kòn lơh broă tìs adat boh lam, tìs mờ ơnà kis mpồl bơtiàn dê.

 Bè gơnuar mờ kơ nòl kòn dê, bơta 70 cih:

1. Geh mè bèp kờ` gơ boh, sền dờng màng, mut lơh ală gơnuar, bơta kuơ dipal bè gơ rềng pròc mhàm mờ jơtài, phan bơna jat jơnau cih adat boh lam dê, geh bơsram mờ bơto bơtê, geh dờng pràn bè să jan, bồ tơ ngoh mờ nùs nhơm.

2. Geh kơ nòl kờ` gơ boh, sền ngềr, git ưn ngài, git jơnau, ròng siăm mè bèp, sền gàr nùs nhơm, bơhiàn niam bơne\ hìu nhă dê.

3. Kòn ờ hềt tài dờng, kòn neh tàu dờng mơya roh bơta pràn dờp git broă lơh halà ờ geh bơta pràn lơh broă mờ ờ geh jơtài, phan bơna nàng ròng is să tờm den geh gơnuar kis bal mờ mè bèp, geh mè bèp sền gròi, ròng siam, sền gròi.

Kòn ờ hềt tàu dờng tus bal broă lơh hìu nhă dê dipal mờ sơnam, mờ ờ tìs mờ jơnau cih adat boh lam dê bè sền gàr, sền gròi mờ bơto bơtê kơnòm dềt.

4. Kòn neh tàu dờng geh gơnuar khat gơ boh sac rơ wah broă lơh, tiah ơm kis, bơsram sră, tơnguh bơta chài git wă, mờng chài lơh broă, tus bal broă lơh gùng dră bal, lơh sa, chài rơ gơi, mpồl bơtiàn jat bơta kơp kờ` mờ bơta pràn he dê. Tu\ kis bal mờ mè bèp, kòn geh kơ nòl tus bal broă lơh hìu nhă, lơh broă lơh sa, lơh geh priă jền kờ` gàr tơl rài kis bal hìu nhă dê, tă pơ gồp priă lơh geh tàm broă drơng jơnau kờ` hìu nhă dê dipal mờ bơta pràn he dê.

5. Geh dờp gơnuar bè jơtài, phan bơna dipal mờ dà kơl hề tă pơ gồp tàm jơtài, phan bơna hìu nhă dê.

Bơta 71 cih bè kơnòl mờ gơnuar sền gròi, ròng siăm:

- Mè bèp geh kơnòl mờ gơnuar ndrờm bal, sền gròi, ròng siăm bal kòn ờ hềt tài dờng, kòn neh tàu dờng mơya roh bơta pràn dờp git broă lơh halà ờ geh bơta pràn lơh broă mờ ờ geh jơtài, phan bơna nàng ròng is să tờm.

- Kòn geh gơnuar mờ kơnòl dền gròi, ròng siam mè bèp, ngan là tu\ mè bèp roh bơta pràn dờp git broă lơh, kòp jê, kra ờ sô, kuet kơlte, tu\ hìu nhă geh uă kòn den ală kòn pal sền gròi, ròng siam bal mè bèp.

                                                            }au mblàng K’ Duẩn.