VOV4.K’ho - Pơn jăt tai yal bè tơngume Adăt gùng tam bau mờ hìu bơnhă nam 2014 neh geh Gơnuar ala mat dà lơgar kơnă 13 ring bal tàm pơrjum dơ\ 7, ngai 19/6/2014, jơnau do ngai do, bol a` pơn jăt tai yal ală jơnau cih tàm Adăt gùng tam bau mờ hìu bơnhă nam 2014 bè gơnuar mờ kơnòl đah mè, bèp mờ kòn.

Jat jơnau cih bơh adat gùng tam bau mờ hìu nhă nam 2014, gơnuar mờ kơ nòl bơh mè bèp mờ sền dê geh sền dờng màng mờ geh sền gàr. Kuơ màng, mờ kơ nòl dềt pa tàu dờng, mè bèp geh kơ nòl ròng siam, bơto bơtê mờ sền gròi kòn. Mùl màl, bơta 72 cih, kơ nòl mờ gơnuar bơto bơtê kòn bè tơ nơ\ do:

- Mè bèp geh kơ nòl mờ gơnuar bơto bơtê kòn, sền gròi mờ ai geh bơta niam nàng kòn in bơsram sră.

- Mè bèp ai geh bơta buơn nàng kòn geh kis tàm hìu nhă răm hu\, chờ hờp, lơh ơnà niam kòn in bè tơl bơta, pơ gồp bal krà` cê mờ hìu bơsram, anih lơh broă, mpồl lơh broă tàm broă bơto bơtê kòn.

- Mè bèp bơto pơlam kòn sac rơ wah broă lơh, sền dờng màng gơnuar sac rơ wah broă lơh, gơnuar tus bal broă lơh gùng dră bal, lơh sa, chài rơ gơi mpồl bơtiàn kòn dê.

- Mè bèp gơtùi sồr anih lơh broă, mpồl lơh broă geh gơ rềng dong kờl, nàng mut lơh broă bơto bơtê kòn tu\ gơtìp kal ke ờ gơtùi bơ song is.

Bè gơnuar ala mat kòn in, bơta 73 cih:

- Mè bèp là cau ala mat jat adat boh lam kòn ờ hềt tàu dờng, kòn neh tàu dờng mơya roh bơta pràn dờp git broă lơh, ờ kờp tu\ kòn geh cau ndai sền gròi halà geh cau ndai ala mat jat adat boh lam.

- Mè bèp geh gơnuar să tờm mut lơh is ală broă gơlik geh, kờ` drơng jơnau kờ` kuơ màng kòn ờ hềt tàu dờng, kòn neh tàu dờng mơya roh bơta pràn dờp git broă lơh halà ờ geh bơta pràn lơh broă halà ờ geh jơtài, phan bơna nàng ròng is să tờm.

- Gơ wèt mờ ală broă gơ rềng tus jơtài phan bơna là ù tiah, hìu đam, phan bơna ndai geh cih mat gơnuar atbồ, gơnuar ngui, jơtài phan bơna tơmut tàm broă kă bro bơh kòn ờ hềt tàu dờng, kòn neh tàu dờng mơya roh bơta pràn dờp git broă lơh den pal geh bơta ringbal mè bèp dê.

- Mè bèp pal kong kơ nòl bal bè broă mut lơh ală broă gơ rềng tus jơtài, phan bơna kòn dê jat jơnau cih bơh adat phan bơna mờ broă làng bol.

Bơta 74 cih kơ nòl tơm hoàc huơr tài kòn lơh gơlik:

- Mè bèp pal tơm hoàc huơr tài kòn ờ hềt tàu dờng, kòn neh tàu dờng mơya roh bơta pràn dờp git broă lơh lơh gơlik jat jơnau cih bơh adat phan bơna mờ broă làng bol.

- Kòn geh gơnuar geh jơtài, phan bơna is. Tàm bơta 75 cih loh:

- Kòn geh gơnuar geh jơtài, phan bơna is. Jơtài, phan bơna is kòn dê geh jơtài phan bơna geh lời wơl is, geh pà is, priă bơh lơh broă mờ geh kòn dê, priă cồng geh bơh jơtài, phan bơna is kòn dê mờ priă jền lơh geh ndai. Jơtài, phan bơna geh bơh jơtài phan bơna is kòn dê kung là jơtài, phan bơna is kòn dê.

- Kòn tơl bơh 15 sơnam rlau hơđăng kis bal mờ mè bèp pal geh kơ nòl sền gròi rài kis bal hìu nhă dê, tă pơ gồp tàm broă drơng jơnau kờ` kuơ màng hìu nhă dê dilah lơh geh priă jền.

- Kòn neh tàu dờng geh kơ nòl tă pơ gồp priă jền tàm broă drơng jơnau kờ` hìu nhă dê.

Bè broă atbồ jơtài, phan bơna is kòn dê, adat geh cih:

- Kòn tơl bơh 15 sơnam rlau hơđăng gơtùi atbồ is jơtài, phan bơna is halà sồr mè bèp atbồ.

- Jơtài, phan bơna is kòn hơ đơm 15 sơnam, kòn roh bơta pràn dờp git broă lơh den bơh mè bèp atbồ. Mè bèp gơtùi jàu gơnuar cau ndai in atbồ jơtài, phan bơna is kòn dê. Jơtài, phan bơna is kòn dê bơh mè bèp halà cau ndai atbồ geh jàu wơl kòn in tu\ kòn tơl bơh 15 sơnam rlau hơđăng halà tu\ kòn geh wơl bơta pràn dờp git broă lơh, ờ kờp tu\\ mè bèp mờ kòn geh jơnau ringbal ndai.

- Mè bèp ờ atbồ jơtài, phan bơna is kòn dê tu\ kòn gam geh cau ndai sền gròi jat jơnau cih adat phan bơna mờ broă làng bol, cau pà jơtài phan bơna halà lời wơl jơtài phan bơna jat sră lời wơl jơnau nting bơr kòn in neh sồr cau ndai atbồ jơtài phan bơna hơ\ halà tàm ală bơta ndai jat adat boh lam.

- Tu\ mè bèp gam atbồ jơtài, phan bơna is kòn ờ hềt tàu dờng, kòn neh tàu dờng mơya roh bơta pràn dờp git broă lơh mờ kòn geh jàu cau ndai in sền gròi, den jơtài, phan bơna is kòn dê geh jàu wơl cau sền gròi in atbồ jat jơnau cih adat phan bơna mờ broă làng bol.

- Bè gơnuar ngui jơtài, phan bơna is kòn dê, adat boh lam cih, tu\ mè bèp halà cau sền gròi atbồ jơtài, phan bơna is kòn hơ đơm 15 sơnam dê den geh gơnuar ngui jơtài, phan bơna hơ\ tài bơta kuơ kòn dê, dilah kòn tơl bơh 19 sơnam rlau hơđăng den pal sền bơta kơp kờ` kòn dê.

- Kòn tơl bơh 15 sơnam tus hơ đơm 18 sơnam geh gơnuar ngui jơtài, phan bơna is, ờ kờp tu\ jơtài phan bơna là ù tiah, hìu đăm, phan bơna geh cih mat gơnuar atbồ, gơnuar ngui halà ngui jơtài, phan bơna nàng kă bro den pal geh bơta ringbal mờ sră nggal bơh mè bèp halà cau sền gròi.

- Tu\ kòn neh tàu dờng mơya roh bơta pràn dờp git broă lơh den broă ngui jơtài, phan bơna is kòn dê bơh cau sền gròi mut lơh.

                                                                   }au mblàng K’ Duẩn.