VOV4.K’ho - Mè bèp kung gơtìp kơr nuăt boh lam kơria` gơnuar tus mờ kòn ờ hềt dờng tu\ geh broă lơh lơh tìs kơr nuăt boh lam. Pơn jăt tai yal bè tơngume cih tàm Adăt gùng tam bau mờ hìu bơnhă nam 2014, ngai do, bol a` yal jơnau cih tàm Adăt gùng tam bau mờ hìu bơnhă nam 2014 bè ală jơnau mè bèp gơtìp kơria` gơnuar tus mờ kòn  tàu  dờng.

Jat jơnau cih bơh adat gùng tam bau mờ hìu nhă nam 2014, bơta 85 cih loh ală bơta gơtìp kơryan gơnuar mè, bèp dê tus mờ kòn ờ hềt tàu dờng, hơ\ là:

- Tu\ gơtìp tơlik kơrnuat lơh glài bè 1 tàm ală tìs lơh aniai tus màng kis, pràn să jan, nùs nhơm kòn dê, mờ tìs kờ` lơh halà geh broă lơh tìs kơn jơ\ ngan kơ nòl ròng kòn, sền gròi, ròng siăm, bơto bơtê kòn;

- Tac ngui jơtài, phan bơna kòn dê;

- Geh rài kis ờ niam;

- Bơ chồt, bơ klơn kòn lơh ală broă lơh tìs adat boh lam, tìs mờ ơnà kis mpồl bơtiàn.

Kơ nờm jat tàm tơl bơta mùl màl, anih cah rơ`a gơtùi să tờm is halà jat jơnau sồr bơh cau 1nă să, anih lơh broă, mpồl bal, tơlik kơrnuat ờ ai mè, bèp ròng kòn, sền gròi, bơto bơtê kòn, sền gàr jơtài, phan bơna is kòn dê, halà ala mat jat adat boh lam kòn dê tàm tơngai bơh 1 tus 5 nam. Anih cah rơ`a gơtùi sền sơ wì tơn lơyah tơngai do.

Cau geh gơnuar sồr anih cah rơ`a tơmù gơnuar mè, bèp dê tus mờ kòn ờ hềt tàu dờng, jat bơta 86 là:

- Mè, bèp, cau sền gròi kòn ờ hềt tàu dờng dê, jat jơnau cih adat boh lam bè sră nggal lah yă broă làng bol, geh gơnuar sồr anih cah rơ`a tơmù gơnuar bơh mè, bèp dê tus mờ kòn ờ hềt tàu dờng.

- Cau 1 nă să, anih lơh broă, mpồl tơ nơ\ do, jat jơnau cih adat boh lam dê bè sră nggal lơh yă broă làng bol, geh gơnuar sồr anih cah rơ`a tơmù gơnuar bơh mè, bèp dê tus mờ kòn ờ hềt tàu dờng:

a) Cau tờm pròc mhàm;

b) Anih atbồ dà lơgar bè hìu nhă;

c) Anih atbồ dà lơgar bè kơ nòm dềt;

d) mpồl tam klac cau ùr.

- Cau 1 nă să, anih lơh broă, mpồl ndai tu\ go\ mè, bèp geh broă lơh tìs jat jơnau cih tàm sèng 1 bơta 85 adat do dê geh gơnuar sồr anih lơh broă, mpồl bal pa yal, sồr anih cah rơ`a tơmù gơnuar mè bèp dê tus mờ kòn ờ hềt tàu dờng.

Bè jơnau gơ lời wơl adat boh lam bơh broă mè, bèp gơtìp tơmù gơnuar tus mờ kòn ờ hềt tàu dờng là;

- Tu\ mè halà bèp gơtìp anih rơ`a tơmù gơnuar tus mờ kòn ờ hềt tàu dờng den cau gam wơl pal mut lơh gơnuar sềng ròi, ròng siăm, bơto bơtê kòn, sền gàr jơtài, phan bơna is kòn dê mờ ala mat jat adat boh lam kòn in.

- Broă ròng siăm, bơto bơtê kòn mờ sền gàr jơtài, phan bơna is kòn ờ hềt tàu dờng geh jàu cau sền gròi in tàm ală tu\ tơ nơ\ do:

+ Mè mờ bèp ndrờm gơtìp anih cah rơ`a tơmù gơnuar tus mờ kòn ờ hềt tàu dờng;

+ 1 đah mè, bèp ờ gơtìp tơmù gơnuar tus mờ kòn ờ hềt tàu dờng mơya ờ tơl bơta nàng mut lơh gơnuar, kơ nòl tus mờ kòn;

+ 1 đah mè, bèp gơtìp tơmù gơnuar tus mờ kòn ờ hềt tàu dờng mờ ờ hềt đal git đah mè, bèp gam wơl kòn ờ hềt tàu dờng dê;

- Mè bèp neh gơtìp anih cah rơ`a tơmù gơnuar tus mờ kòn ờ hềt tàu dờng kung gam pal mut lơh kơ nòl dong kờl ròng siăm kòn.

                                                                             }au mblàng K’ Duẩn.