VOV4.K’ho - Pơnjat tai yal ală jơnau ]ih bơh Adat gùng tam bau mờ hìu nhă nam 2014, ngai do, bol a` yal jơnau ]ih tàm Adat gùng tam bau mờ hìu nhă nam 2014 bè bơta gơrềng đah ală ]au ndai tàm hìu nhă dê:

            Bơta 103 adat gùng tam bau mờ hìu nhă nam 2014 ]ih bè gơnuar, kơnòl đah ală ]au ndai tàm hìu nhă bè tơnơ\ do:

- Ală ]au tàm hìu nhă geh gơnuar, kơnòl sền gròi, dong kờl, sền dờng màng bal mờ gơp. Gơnuar, bơta kuơ dipal bè gơrềng pròc mhàm mờ phan bơna, jơtài bơh ală ]au tàm hìu nhă ]ih tàm adat do, adat phan bơna mờ broă làng bol mờ ală adat boh lam ndai geh gơrềng bal geh kơrnuat boh lam sền  gàr.

- Dilah kis bal den ală ]au tàm hìu nhă geh kơnòl tus bal broă lơh hìu nhă dê, lơh broă geh priă jền; tă pơgồp bơta pràn, priă jền halà phan bơna ndai nàng gàr rài kis bal hìu nhă dê dipal mờ bơta pràn geh ngan he dê.

- Dà lơgar geh broă dong kờl nàng ală rơnàng tàm hìu nhă sền gròi, dong kờl bal kờ` sền gàr mờ bơtàu tơnguh bơhian niam bơne\ hìu nhă lơgar Việt Nam dê; pơnjờng ală ]au 1 nă să, mpồl bal tàm mpồl bơtìan tus bal tàm broă sền gàr, bơtàu tơnguh bơhìan niam bơne\ hìu nhă Việt Nam dê.

            Bơta 104 ]ih bè gơnuar, kơnòl bơh ồng, mò mờ sau:

- Ồng, mò geh gơnuar, kơnòl ròng siăm, sền gròi, bơto bơtê sau, kis niam mờ lơh ơnà jak nàng kòn sau in đòm jat, dilah sau ờ hềt tàu dờng, sau neh tàu dờng mơya roh bơta pràn dờp git broă lơh halà ờ tơl pràn lơh broă mờ ờ geh jơtài, phan bơna nàng ròng is să tờm mờ ờ geh cau ròng siăm jat jơnau ]ih tàm bơta 105 adat do dê, den ồng, mò geh kơnòl ròng siăm sau.

- Sau geh kơnòl sền ngềr, sền gròi, ròng siăm ồng, mò, tu\ ồng, mò ờ geh kòn ròng siăm den sau neh tàu dờng geh kơnòl ròng siăm.

            Bè gơnuar kơnòl bơh oh mi tàm hìu nhă, bơta 105 ]ih:

Oh, mi geh gơnuar, kơnòl kờ` gơboh bal, sền gròi, dong kờl bal; geh gơnuar, kơnòl ròng siăm bal dilah ờ gam mè, bèp halà mè bèp ờ geh tơl bơta nàng ròng siăm, sền gròi, bơto bơtê kòn.

Gơnuar, kơnòl bơh mơlo\, wa kồ` tờm mờ sau tờm geh ]ih tàm bơta 106, mùl màl : Mơlo\, wa, kồ` tờm mờ sau tờm geh gơnuar, kơnòl kờ` gơboh, sền gròi, dong kờl bal; geh gơnuar, kơnòl ròng siăm bal dilah ]au kờ` geh ròng siăm ờ gam mè, bèp, kòn mờ ală ]au geh ]ih tàm bơta 104, 105 adat do dê halà gam ală ]au do, mơya ờ geh tơl bơta nàng mut lơh kơnòl ròng siăm.

                                                                                                                                            }au mblàng K’ Duẩn.