VOV4.K’ho – Dùl broă lơh blac pơr lồm pa gơlik geh tàm càr Gialai. Ală cau blac pơr lồm lam sồr tă pơgồp priă bơh làng bol dê, nàng khi in tus bal tàm broă lơh cribơyai kă bro priă ờ ngan đa cấp mờ mat sơnđan “ Anih priă jền mpồl bơtìan Bitcoin”. Kai pơr lồm pa, mờ priă cồng uă ngan neh dong khi mhar lam sồr tă pơgồp geh git nđờ jơt tơmàn priă hơ\ sồng dô pồn. Bơta [uơn pin dờn, hàm kờ` priă cồng uă mờ ờ huan git wă neh lơh uă cau gơ ơm tàm bơta kal ke:

Ờ jai dră wơl ală bơta pơn dờm bè priă cồng dờng ngan tu\ tus bal cribơyai kă bro priă ờ ngan “ Bitcoin”, mò Trương Thị Thanh Thanh, ơm tàm ntum An Phú, [òn drà An Khê neh lòt leng, lòt càn làm bă tiah, bal mờ càn priă kờp priă cồng uă, tơr gùm geh 120 tơlak priă nàng bơcri bal mờ bơta kơp kờ` geh tam gơl rài kis. Bơta [uơn pin dờn, hàm kờ` priă cồng uă mờ ờ huan git wă neh lơh mò Thanh pal kong mờ bơta aniai kơn jơ\ ngan. Ală cau blac pơr lồm neh cèng jơh priă mờ dô pồn roh thit. Pang internet cribơyai kă bro priă ờ ngan “ Bitcoin” bơh jo\ mò sồr ală cau blac pơr lồm cribơyai tu\ do ờ gơtùi mut tai. Tàm tu\ hơ\, priă dồs, den priă cồng tờm gơ deh priă cồng kòn ngai sơlơ gơguh uă, ờ git ai `chi nàng tơm. Kal ke, mò neh `tru` tàm dà tơr lung nàng gơ sơt is să, mơya bơtuah ngan geh cau tờm hìu nhă dong klàs. Tus tu\ do, tu\ neh sơnơng wơl, mò gơlơh wờl să ngan. Mò đơs: “ Priă jền he dê neh ờ gam tai, 10 ngai den pal tơm priă cồng kơn jơ\. A` sơ nơng là mìng chơt den hơ\ sồng jơh tơm dồs. Sơnơng bè hơ\, a` `tru` tàm dà tơrlung. A` kung ờ git bè lơi, go\ cau tus bal den he kung đòm jat, ai a` den ờ git bè mai\ mok. Go\ priă cồng uă den hơ\ sồng a` hàm kờ`, dilah git bè do den ờ tu\ lơi a` khin tus bal”.

Mò Thanh yal wơl broă gơtìp pơr lồm

Bal mờ mò Thanh, uă ngan cau tàm [òn drà An Khê mờ ală kơnhoàl rềp bal, di càr Gialai kung gơtìp pơr lồm, roh priă tu\ tus bal broă lơh kă bro priă ờ ngan mờ mat sơnđan “ Anih priă jền mpồl bơtìan Bitcoin” hòi lơyah là FXMT4. Kờ` tus bal kă bro priă ờ niam, bơh sơn rờp cau nhơl pal crơng gơs kơldung “ Bitcoin” mờ pal blơi êt ngan rlau jơh 1 “ Bitcoin” ơn tàm kơldung bơh ală pang internet halà blơi bơh cau ndai dê. Khà priă 1 “ Bitcoin” tam gơl jat drà kă bro mờ tu\ do geh khà priă pơgap 13 tơlak priă. Tu\ geh kơnă hơđang yal tơnggit tus bal, cau nhơl geh pà 1 tài khoản tàm internet geh mat sơnđan “ fxmt4.us” mờ pơyua priă bơh kơldung “ Bitcoin” mut tàm hơ\ nàng tus bal “ anih cribơyai”

Kờ` pơn dờm làng bol tus bal, ală cau blac pơr lồm neh tơlik khà priă cồng gơguh tus 144% pah nhai. Ờ mìng bè hơ\, bol khi gam ai tơlik ală priă jờng hời rơhời gơguh uă jat broă lơh đa cấp, tơl nă cau tus bal tu\ yal tơnggit tai cau ndai tus bal. Tu\ khà cau tus bal neh tơl uă, ală cau blac pơr lồm dô roh thit bal mờ anih cribơyai ờ ngan. Cau tus bal, tu\ git he gơtìp pơr lồm den neh jơla. Ồng Nguyễn Anh Bình, ơm tàm ntum Cư An, kơnhoàl Đak Pơ, càr Gialai đơs: “ Tus bal tàm hơ\ den he ờ git là gơtùi ai wơl priă làh ờ. He ờ git khi là cau lơi, ờ git cau lơi là tờm. Mờ tu\ he tus bal tàm hơ\ mờ khi kờ` pơr lồm den hoàc huơr là dờng ngan. A` kung sùm tơngkah ală cau gam kờ` tus bal tàm ală mpồl bè do, den ơm te\ lài mờ tu\ jơla ir.”

Jat cồng nha đal git bơh sơn rờp mờ ờ hềt wil tơl bơh kuang àng [òn drà An Khê, càr Gialai dê, geh pơgap 1.900 ID, hơ\ là 1 rbô 900 “ Bitcoin” tus bal tàm broă lơh cribơyai kă bro priă ờ ngan đa cấp “ anih priă jền mpồl bơtiàn Bitcoin”. Ndrờm mờ hơ\, ală cau pơr lồm neh sơgràm rlau 22 tơmàn priă bơh làng bol tàm tiah do dê. Bơta pal đơs, tàm khà 300 nă cau neh kờp tơr gùm gơtìp pơr lồm, geh tus 1/3 tàm khà hơ\ ờ git broă cribơyai tơn mờ pal sồr cau lơh kòn gùng halà ală cau pơr lồm mut lơh. Mờ jơh ală broă cribơyai uă ngan geh lơh tàm internet den tàng broă lùp khàu kal ke ngan. Thiếu tá Nguyễn Huy Hoàng, kuang jat jơng atbồ mpồl cảnh sát lùp khàu cau tìs lơh sa, kuang àng [òn drà An Khê, càr Gialai pà git: “ Anih cribơyai ờ ngan do den tu\ do bol a` ờ hềt git mai\ tờm tềng lơi mờ cau atbồ kung ờ git ơm tềng lơu halà lơgar lơi. Den tàng tu\ pang internet do ờ gơtùi mut den làng bol kung ờ gơtùi ai priă. Bơh broă do, kuang àng [òn drà sồr làng bol ba` tus bal bơcri priă jền đa cấp do tài gơ pơhìn gơlik geh uă bơta aniai. Tu\ roh priă den kung ờ git cau lơi pơr lồm tềng lơi nàng làng bol lah yă.”

{uơn pin dờn, hàm kờ` priă cồng uă mờ ờ huan git wă neh lơh git nđờ rhiang nă cau tàm càr Gialai gơtìp pơr lồm mờ gơbàn kal ke tu\ tus bal cribơyai kă bro priă ờ ngan đa cấp “ Bitcoin”. Kuang àng càr gam lùp khàu, mơya bơta bơtuah ai wơl priă là kal ke ngan. Do là jơnau pal kah mờ kung là jơnau đơs lài làng bol in bè ală kai pơr lồm pa.

                Cau cih mờ yal tơnggit K’ Duẩn.