VOV4.K’ho - jơnau yal bè broă kham, sơm kòp tàm hìu sơnơm tiah Tây Nguyên kung bè gùng dà tơnguh bơtàu hìu sơnơm tàm tơngai tus, ồng Doãn Hữu Long, kuang atbồ Sở Y tế càr Dak Lak pà g^t loh làng rơlao.

-Ơ ồng! Tu\ do, hìu sơnơm tiah Tây Nguyên pal lơh gơs ală broă lơi kờ` lơh niam ngan broă kham, sơm kòp?

Ồng Doãn Hữu Long: Hìu sơnơm tiah Tây Nguyên geh lơh ală broă jăt broă geh ai lài ngan den tus tu\ do neh lơh gơs. Mơya, tàm rơndăp broă geh ai lài den broă lơh hìu sơnơm dê là 800 jơnờng piam kòp, mờ tam cah hìu sơnơm càr Dak Lak gơs bàr hìu sơnơm deh kòn mờ Ung bướu.

Mơya, tài bơta pràn bơh Dà lơgar ờ tơl den tàng ờ gơtùi lơh dơ\ le\ bal 3 hìu sơnơm. Den tàng, UBND càr neh sồr jào jơh bè ờs hìu sơnơm càr Dak Lak tus hìu sơnơm tiah Tây Nguyên, tơnguh jơnàng piam kòp tus 1 rơbô 200 nă.

Den tàng, gah lơh sơnơm neh pơlam mờ UBND càr Dak Lak geh lơh tơnguh, bơtơl tai ờ uă broă lơh kờ` di pal mờ broă kờ` mùl màl tàm hìu sơnơm càr Dak lak tu\ do. Den tàng pal bơtơl ờ uă broă lơh di pal mờ broă kờ` mùl màl, den tàng ờ uă broă gam tàm tơngai lơh gơs bè hìu ơn siồ siă, lơh kloh siồ siă, [làng hìu sơnơm.

Mơya ală broă lơh do ờ lơh aniai tus mờ broă kham, sơm kòp. Tàm tơngai tus, gah lơh sơnơm geh pơlam UBND càr ai lơh pơngàr tam cah is khoa Truyền nhiễm mờ ală tiah ndai, kung bè tơrbo\ ală khoa bal mờ ờ uă hìu, [làng prăp phan kờ` lơh bè lơi ai hìu sơnơm geh ngui ndrờm bal.

-Là hìu sơnơm tiah do dê, hìu sơnơm tiah Tây Nguyên neh geh bơcri priă bè lơi kờ` di pal niam rơlao broă kờ` kham mờ sơm kòp bơh làng bol càr Dak Lak đơs is mờ Tây Nguyên đơs bal?

Ồng Doãn Hữu Long: Tàm tơngai pa do, UBND càr sền gròi ngan tus mờ broă blơi phan lơh broă mờ neh geh ờ uă rơndăp broă bơcri priă rơlao 300 tơmàn kờ` blơi phan lơh broă. Gam bè cau lơh broă, bu\ lah gam ờ tơl, mơya mpồl kuang atbồ hìu sơnơm neh rơcang lơh broă tai mờ g^t nđờ rơhiang nă kuang bàng lơh sơnơm kờ` di pal mờ broă kham sơm kòp làng bol in.

Bal mờ broă geh tơl cau lơh broă, gah lơh sơnơm kung sền gròi tus mờ broă tơnguh bơta ngăc ngar ai ală y, bác sĩ kờ` di pal mờ khà hìu sơnơm dờng, hơ\ là rơlao 60% khà ală bác sĩ là kuang atbồ, phó kuang atbồ khoa geh bơta ngăc ngar chuyên khoa 2 ha là tiến sĩ rơlao hờ đang.

Ală bác sĩ pal g^t ngui 50 kĩ thuật pa bè nùs gùng mhàm kơrian, bơkiar kòn măt, ơn măi lơh tàp nùs… kờ` lơh bè lơi hìu sơnơm tiah Tây Nguyên di pal mờ broă kờ` uă bơta bơh ờ mìng làng bol tàm càr Dak Lak mờ gam ală càr rềp bal mờ bơh ờ uă càr bơh 2 lơgar rềp bal Lào mờ Campuchia.

-Tàm tơngau tus, gah lơh sơnơm càr Dak Lak geh lơh ală broă lơh lơi kờ` gah lơh sơnơm tơnguh bơta niam broă lơh bơh hìu sơnơm tiah Tây Nguyên dê?

Ồng Doãn Hữu Long: Bơta niam hìu sơnơm geh sền bơh 83 khà broă bơh phan bơna, phan lơh broă tus mờ kòn bơnus mờ kuơ màng ngan là bơta ngăc ngar bơh kuang bàng lơh sơnơm.

Den tàng, gah lơh sơnơm neh sền kuơ tus mờ broă tơnguh bơtàu cau lơh broă, broă bơto bơtê geh bal ờ jo\ mờ jo\ tơngai ndrờm geh lơh sùm, tàm hơ\ uă ngan là ală gah sơm kòp nền nòn.

Tàm tơngai tus, gah lơh sơnơm geh tơnguh bơtàu tai ală chuyên khoa, kuơ màng là sền gròi tus gah nùs gùng mhàm, leh, tiết niệu mờ ung thư. Bè phan bơna lơh broă geh pơlam UBND càr lơh tai hìu sơnơm deh kòn mờ Ung bướu tơn tàm bă ù hìu sơnơm dê kờ` di pal mờ broă kờ` ngai sơlơ uă bơh làng bol.

Mờ pơn jăt tai tơnguh nùs nhơm, broă lơh bơh kuang bàng lơh sơnơm kờ` di pal mờ broă di nùs bơh cau kòp. Tơnguh bơta niam, tơrgùm tơnguh bơtàu bè a` neh đơs gah nùs gùng mhàm, gơtùi reh nùs, wèt tus bơkiar phan tàm dơlam să kung bè ală broă lơh kĩ thuật kal ke ndai./.

-Dan ưn ngài ồng uă ngan!

Cau mblàng Ndong Brawl