VOV4.K’ho - Tàm dơ̆ tìp măt kuang bàng cau geh màng mờ dà lơgar, cau pròc mhàm cau ling chơ̆t màng di tơnkah 74 nam ngai cau ling sồt să-cau ling chơ̆t màng, Thủ tướng Chính phủ pà gĭt, tŭ do, rơlao 9 tơlăk 200 rơbô nă cau geh màng mờ dà lơgar geh dờp broă dong kờl.

Gĭt nđờ rơbô nă cau mè Việt Nam khin cha jăk chài gam geh ròng siam. Khà rài kis bơh hìu nhă cau geh màng mờ dà lơgar geh tơl ndrờm ha là uă rơlao mờ khà bè ờs bơh làng bol tàm ƀòn ơm kis bal. Broă kis gĭt jơnau gĭt adăt tềng đăp mờ broă đơng lam bơh Đảng, atbồ bơh ală cấp, gơnoar atbồ, broă ring bal bơh Mặt trận dà lơgar bal mờ ală mpồl lơh broă chính trị mpồl bơtiàn neh lơh geh uă tàm gùt lơgar mờ uă broă lơh mùl màl geh kuơ, hòi jà broă pơgồp bal bơh gùt làng bol ai “Kes priă kis gĭt jơnau gĭt adăt” tus gĭt nđờ rơbô tơmàn đong; broă lơh pà hìu nùs nhơm, pà priă tềm pềr ai cau ling sồt să ha pà priă bơsram ai oh kòn hìu nhă cau geh sră dong kờl bơh dà lơgar in.

Cau mblàng Ndong Brawl