VOV4.K’ho – Poh lài, tàm Hà Nội, Bộ Nông nghiệp mờ Phát triển nông thôn pơgồp bal mờ Bộ Công thương, Phòng Thương mại mờ Công nghiệp Việt Nam bơyai lơh pơrjum “Tu\ [uơn mờ bơta lòng gơwèt mờ gah lơh sa suơn sre Việt Nam tu\ ki\ tus bal ală Hiệp định kă bro khat gơboh”.

Đơs ngan bơta kuơ màng bơh broă tus bal ală Hiệp định kă bro khat gơboh (FTA), ală kuang bàng ring bal pà git, tus bal ală Hiệp định kă bro khat gơboh FTA, ngan là Hiệp định kă bro khat gơboh rài pa geh pơn rơ ngan bè Hiệp định lơh broă bal tơl làm mờ gơguh jak gùt Thái Bình Dương (CPTPP) mờ Hiệp định kă bro khat gơboh Việt Nam - Mpồl tam klac châu Âu (EVFTA) là tu\ [uơn nàng rề ơnàng drà kă bro ai broă tac phan hờ lơgar ndai đơs bal, phan lơh gơs bơh suơn sre đơs is…

                     Bộ trưởng Trần Tuấn Anh – bol he neh rơcang lài tàm broă mut gơ rờm bal

Mơya, bal mờ ală bơta [uơn gam geh ală bơta lòng dờng ngan bè: ală lơgar tus bal digơlan tơrmù priă dia mơya tơnguh ală bơta kal ke ờ sa priă dia mờ sền gròi nền nòn rlau; phan lơh gơs bơh ròng phan gơtìp tàm pơr lòng uă rlau. Ală mpồl lơh sa kă bro pal lơh jat ală khà tơl bè bơta niam, ờ do ờ dă phan sa, sền gàr tiah ơm kis, tềm pềr ồs đèng, gàr tơl niam rài kis mpồl bơtiàn.

Jat Bộ trưởng Bộ Công thương, ồng Trần Tuấn Anh đơs, Việt Nam neh mờ gam tus bal uă Hiệp định kă bro kuơ màng, mờ 16 Hiệp định kă bro khat gơboh jơh bal 2 lơgar mờ uă lơgar neh geh ki\. Tàm khà hơ\, uă Hiệp định kă bro khat gơboh FTA rài pa bal mờ ală jơnau kờ`, jơnau sồr tơl khà niam uă ngan, geh gơ rềng tơn tus uă gah, uă broă lơh bơh dà lơgar dê, đơng pơlam dà lơgar dê, chính sách bơtàu tơnguh lơh sa, mpồl bơtìan…

Yal cơng tàng bè cồng nha lơh geh tàm tơngai mut gơ rờm bal bơh lơgar Việt Nam dê, tàm hơ\ geh gah lơh sa suơn sre mờ bơtàu tơnguh [òn lơgar, gơwèt mờ ală drà kă bro tus bal Hiệp định kă bro khat gơboh, Bộ trưởng Trần Tuấn Anh đơs là, lơh sa suơn sre neh bơtàu tơnguh, sền go\ bơta tam gơl pràn ngan, tàm pràn jak lơh sa bơh mpồl lơh sa kă bro mờ cau lơh broă sa dê hời rơ hời lơh gơlik bơnàng jă kuơ màng tàm broă tam klac mpồl. Mờ gơnoar broă là lơgar ơm khà dùl tàm ală phan lơh gơs bơh suơn sre mờ tac hờ lơgar ndai bè kơphe ơm dơ\ 2 dunia, phe ơm dơ\ 3 dunia, phan tàm dà ơm dơ\ 4 tàm dunia:

Ờ geh khà tơlik ai pràn jak lơh sa dilah gơtùi ngui uă ngan rlau jơh tu\ [uơn bè drà kă bro mờ gơtùi geh bơta pràn nàng rơndap sap sèng wơl, lam công nghệ mờ bơyai lơh wơl broă lơh sa suơn sre jat gùng dà broă lơh sa dờng, hữu cơ mờ gơ jat bal mờ broă crơng gơs bơtàu tơnguh ală ròt bơta kuơ. Ală Hiệp định kă bro khat gơboh là tu\ [uơn nàng bol he tơnguh pràn jak tàm pơr lòng bơh phan lơh gơs dê, ngan là gah lơh sa suơn sre Việt Nam.

               Bộ trưởng Nguyễn Xuân Cường – pal rơcang lài jơnau git wă niam tu\ mut gơ rờm bal

Bộ trưởng Bộ Nông nghiệp mờ Phát triển nông thôn, ồng Nguyễn Xuân Cường đơs loh: pal pơn jat tai kơ\ nùs rơcang lài tàm broă mut gơ rờm bal, đal git loh `chi là tu\ [uơn mờ bơta lòng tu\ tus bal ală Hiệp định kă bro khat gơboh. Hiệp định lơh broă bal tơl làm mờ gơguh jak gùt Thái Bình Dương (CPTPP) mờ Hiệp định kă bro khat gơboh đah Việt Nam mờ Mpồl tam klac tam châu Âu (EVFTA) geh rlau 30% GDP gùt plai ù, 35% broă kă bro gùt plai ù, do là tu\ [uơn mơya sơ lơu\ wơl kung geh uă bơta lòng, dilah ờ brồ guh den ờ mìng roh tu\ [uơn tac hờ lơgar ndai mờ gam roh tơn drà kă bro tàm lơgar.

Ai lơh pơnyơu bơh ka ngừ, bal mờ khà kơn jơ\, ka ngừ Việt Nam dê mìng tac geh 37 tơlak priă, tàm tu\ ka ngừ dà lềng dờng bơh lơgar Nhờk dê tac geh 70 tơmàn priă, uă rlau git nđờ rbô dơ\ tơn. Bơta do ai go\ bơta chài kup ka, lơh gơlik mờ yal tơnggit niam uă rlau bơh gah lơh phan tàm dà lơgar Nhờk dê. Den tàng pal đal git loh làng, ròt bơta kuơ lơh geh pal rơndap sap sèng wơl mờ ringbal, geh bơta tus bal bơh jơh bal dà lơgar, mpồl lơh sa kă bro mờ gùt làng bol den hơ\ sồng gơtùi lơh geh cồng nha.

                                                                            Gùt anih pơrjum

Bal mờ hơ\, kung pal pơn jat tai lơh niam sră nggal hành chính, lơh gơs thể chế lơh sa nàng adat boh lam, Nghị định, Thông tư geh ngui ngan ngồn tàm rài kis… Bộ trưởng Nguyễn Xuân Cường song dơpă sền go\, ală bơta lơi mờ Bộ đal git ờ hềt loh làng bơh bơta geh ngan [òn lơgar mờ mpồl lơh sa kă bro dê den pal bơ tơl tai nàng gơtùi lơh gơs niam rlau ală cơ chế tàm broă gơ jat mờ broă gơ rờm bal:

Anih atbồ bơh Bộ, ală anih lơh broă pal tam gơl bè lơi nàng dipal. Mpồl lơh sa kă bro pal lơh `chi. Kấp gơ noar atbồ tàm [òn lơgar pal lơh `chi. Làng bol pal mut tàm ròt broă lơh bal bè lơi. Bol he geh bơt bơtàu tai broă lơh, ngan là tơl bă tiah, mpồl mpồl gah lơh gơlik phan, geh ală tơngume is mờ bơta kơp kờ` bol he pal rơcang lài jơnau git wă niam ngan rlau jơh, rơcang lài rlau jơh nàng gơtùi ngui bơta pràn, bơta [uơn mờ ală Hiệp định kă bro khat gơboh cèng wơl bol he in. Dilah gơtùi lơh broă do, rài lơh sa hơ\ sồng gơtùi mut gơ rờm bal geh cồng nha, bơh hơ\ tam gơl broă lơh bơtàu tơnguh lơh sa.

Kung tàm pơrjum, ala mat ală càr, [òn dờng mờ Hiệp hội gah lơh gơlik phan kung dan ală Bộ, gah lơh broă dà lơgar pal pơn jat tai sền gròi dong kờl ală jơnau tơnggit geh gơ rềng tus ală Hiệp định kă bro khat gơ boh tàm broă mut gơ rờm bal.

Cau mblàng K’Duẩn