VOV4.K’ho – Tơnơ\ 8 nam cribơyai, Hiệp định git gơp lơh broă bal is bè lơh jat ngan ngồn adat lâm nghiệp, sền gròi brê mờ kă bro phan brê (VPA/FLEGT) neh geh ki\ mờ ngan ngồn geh ngui bơh ngai 1/6 nam do. Hơ\ là jơnau geh yal tàm dơ\ pơrjum [a\u bơh Bộ Nông nghiệp mờ Phát triển nông thôn lơh tàm Hà Nội tàm poh lài.

Tơngume tờm bơh Hiệp định VPA/FLEGT là Việt Nam hơ pơrgon bơt bơtàu mờ ai lơh broă mpồl ngan ngồn gàr dơm chi di mờ adat boh lam bơh lơgar Việt Nam dê di mờ ală bơta geh is bơh ală mpồl tac dơm chi bơh lơgar Việt Nam dê mờ jat jơnau sồr bơh EU dê nàng lùp sền, jòi git anih lơh gơlik dơm chi, bulah dơm chi geh koh kơl bơh tàm lơgar halà dơm chi geh blơi bơh lơgar ndai tàm gùt mpồl tac dơm chi, lơh bơnàng jă nàng anih lơh broă geh gơnoar bơh lơgar Việt Nam dê lơh sră ai gơn oar FLEGT ai ală khà dơm chi mờ phan lơh gơs bơh dơm chi lơgar Việt Nam dê tac hờ EU. Ală khà dơm chi mờ phan lơh gơs bơh dơm chi lơgar Việt Nam dê geh sră ai gơnoar FLEGT ờ duh pal lơh kơnòl lơh loh bè anih lơh gơlik dơm chi di mờ adat boh lam tu\ tac tàm EU. Bơta do ndrờm mờ broă, sră ai gơnoar FLEGT geh ala jơh dùl ròt ală sră pơ àr, sră cơng tàng mờ tu\ do mpồl lơh sa kă bro tac dơm chi mờ phan lơh gơs bơh dơm chì hờ lơgar ndai bơh Việt Nam dê gam pal tong ai ală mpồl blơi bơh EU dê nàng ai go\ anih lơh gơlik dơm chi di mờ adat boh lam.

Đơs niam broă lơh ngan bơh lơgar Việt Nam dê tàm broă cribơyai mờ ki\ Hiệp định, ồng Bruno Angelet, Đại sứ, mờ là kuang atbồ mpồl kuang bàng EU tàm Hà Nội neh yal, Việt Nam là lơgar dơ\ 2 tàm tiah châu Á mờ EU neh ki\ Hiệp định do, tơnơ\ Indonesia. Bơh tơnơ\ tu\ lơgar Indonesia lam lơh broă lơh sră ai gơnoar FLEGT, phan dơm chi lơgar he dê neh geh bơta gơguh uă ngan tàm EU pơn drờm mờ lài do. Phan dơm chi lơgar Việt Nam dê kung digơlan geh bơta bơtàu tơnguh pràn ngan tu\ Hiệp định do geh lơh jat ngan ngồn, tài Việt Nam gam geh khà brê tam kung bè phan dơm chi blơi bơh lơgar ndai uă mờ kơ\ kơljap. EU geh pơn jat tai dong kờl Việt Nam tàm broă bơt bơtàu mpồl ngan ngồn gàr dơm chi di mờ adat boh lam lơgar Việt Nam dê mờ lơh sră ai gơnoar FLEGT. Ồng Bruno Angele, Đại sứ, mờ là Kuang atbồ mpồl kuang bàng EU tàm Hà Nội đơs tờm: “Bol he gam lơh ngan lơh jat ngan ngồn Hiệp định do mờ tu\ geh lơh jat ngan ngồn, den bol he sơlơ gơtùi sền gàr brê, sền gàr phan geh is, tiah kis brê bơ nơm là “klờm soh kòn bơnus dunia dê”, hơ\ kung là broă lơh ngan tơr mù [à bơta aniai bơh tam gơl trồ tiah dê. Bol a` đơs tờm là, sền gàr brê là dùl bơnah kuơ màng ngan mờ phan lơh gơs bơh dơm chi kung bè phan lơh bơh dơm chi gùt plai ù tu\ do là dùl tàm ală bơta mờ bol he gơtùi tă pơ gồp tàm broă lơh bơtàu tơnguh kơ\ kơljap gùt plai ù mờ tơr mù [à tam gơl trồ tiah, gơ geh gơ rềng niam tus lơgar Việt Nam mờ jơh bal tiah châu Á”.

Jat Thứ trưởng thường trực Bộ Nông nghiệp mờ Phát triển nông thôn, ồng Hà Công Tuấn yal, tus di tu\ sơn đờm lơh sră ai gônar FLEGT, dơm chi mờ phan lơh gơs bơh dơm chi geh blơi bơh lơgar Việt Nam digơlan pơn jat tai pal lơh kơ nòl lơh loh bè jòi git anih lơh gơlik jat jơnau cih bơh Quy chế dơm chi bơh EU dê, kờ` sang te\ bơta digơlan blơi dơm chi pồn tă dia mờ phan lơh gơs bơh dơm chi ờ di mờ adat boh lam mut tàm drà kă bro EU dê. Bal mờ hơ\, EU geh ai bơta [uơn nàng dơm chi mờ phan lơh gơs bơh dơm chi geh sră ai gơnoar FLEGT tàm drà kă bro do.

Bal mờ ală bơta kuơ bè lơh sa, mpồl bơtiàn mờ tiah ơm kis bơh broă atbồ brê niam rlau tai tàm lơgar Việt Nam, cơ chế lơh sră ai gơnoar FLEGT geh pơ gồp bơnah tơnguh bơngă pin dờn gah lơh gơlik dơm chi lơgar Việt Nam dê, ờ mìng tàm drà kă bro EU mờ gam tàm ală drà kă bro tac hờ lơgar ndai, hơ\ là ală drà kă bro gam ngai sơlơ geh jơnau kờ` uă bè dơm chi di mờ adat boh lam. Ồng Hà Công Tuấn đơs tờm, Hiệp định VPA/FLEGT pơyua dùl tềl tơng go\ pràn ngan bè jơnau hơ pơrgon bơh lơgar Việt Nam dê mờ EU gơwèt mờ broă sơlơ chồl pràn lam lơh broă lơh “Kă bro mờ bơtàu tơnguh kơ\ kơljap” bơh Hiệp định kă bro khat gơboh Việt Nam – EU, tàm hơ\ geh ală jơnau cih bè atbồ brê kơ\ kơljap mờ kă bro phan brê: Băng:

“A` kơp kờ` mờ broă lơh ngan bol he dê, bal mờ broă lơh bal mờ đah EU bơh broă tu\ do mơ geh 1 mpồl tờm ngan lơh bal bơh 2 gah dê, nàng tơl gah in ndrờm geh broă lơh ngan ring bal jat jơnau cih bơh tơl gah dê. A` kung kơp kờ` là, pơgap nhai 6 nam tơnơ\ gơtùi geh ală sră ai gơnoar FLEGT sơn rờp bơh lơgar Việt Nam dê gơwèt mờ dơm chi mờ phan lơh gơs bơh dơm chi tac tus drà kă bro EU”.

             Cau mblàng K’Duẩn