VOV4.K’ho - Gah lơh tào sơdàng tàm lơgar he gam gơbàn mờ uă kal ke tu\ lơh jăt ală jơnau hơ tơrgùm bal tàm kàl lơh sa 2017-2018. Tàm Tây Nguyên, do là tiah tam uă tài ngan gùt lơgar dê, neh rơlao mìơ tơngai ală hìu măy tam phà tào. Geh tu\, tàm ală kơnhoàl, thị xã tàm đah măt tơngai l^k càr Gia Lai, gam geh broă hìu măy gam ờ bài blơi g^t nđờ rơbô lồ tào làng bol, lơh uă làng bol pal dờp mờ broă tăc ờ yòm bè pà gời.

Nggùl ngai, tàm bơta duh trồ tiah kàl prang, mò Nguyễn Thị Nhân, kis tàm [òn Sơn Tây, xã Ia Peng, kơnhoàl Phú Thiện gam lòt rê sùm kờ` jòi cau blơi tào.

                          Hìu măy sơdàng Ayun Pa gơwèt Công ty TNHH MTV Thành Thành Công Gia Lai

Mò Nhân pà g^t, mờr 10 lồ tào bơcri mờr 400 tơlăk priă mơya tu\ do ờ g^t tăc mờ cau lơi tu\ hìu măy sơdàng Ayun Pa yal ờ blơi tào hìu nhă mò. Tài mò ờ lơh broă bal tàm broă bơcri priă tam tào mờ hìu măy do.

Lòt lùp ală hìu măy sơdàng tàm tiah ndai kung gơbàn bè hơ\ sơl tài ờ di tiah tam tào geh ai. Dil tài mờ gơtùi tăc tào hìu măy in, mò Nhân dờp mờ broă tăc mờ cau tus blơi bè pà gời mờ khà mìng 5 tơlăk priă tàm 1 lồ. Tàm tu\ hơ\, tơl lồ geh cồng nha mờr 80 tấn, kờp tơl tấn mìng geh 60 rơbô priă.

-Nam lài den hìu măy blơi nggùl, a` tăc hờ bơdìh nggùl. Nam do a` tus hờ hìu măy den cau đơs là ờ blơi den tàng a` tăc mờ cau tus blơi. Di gơlan 8 tấn 1 sào tăc mìng geh 5 tơlăk priă. Tu\ do, tăc geh kàr lơi den lơ-òr ù tus tàm tiah hơ\ kờ` tam bùm, tam phan ndai lơi tai, hìu măy sơndàng neh đơs kung ờ blơi tai sơl.

Kung ndrờm mờ mò Nhân, mò Nguyễn Thị Diễm Thuý, kis tàm [òn Lơ Plai, xã Ia Piar, kơnhoàl Phú Thiện gam ờ su\k ơm ngan tài  lồ tào hìu nhă mò kung ờ g^t tăc mờ cau lơi.

                                                    Broă blơi tào tàm hìu măy sơdàng Ayun Pa

Mò Thuý pà g^t, neh rơlao 10 nam tăc tào hìu măy sơdàng Ayun Pa in, mơya ờ tài ờ k^ hợp đồng lơh broă bal, tài tu\ k^ hơ bal, khà priă hìu măy bơcri kung kờp priă cồng bè ngân hàng tàm tu\ hơ\, hìu nhă mò geh priă bơcri lơh.

Tài ờ k^ hơ bal tàm broă tam tào den tàng kàl lơh sa do, hìu măy sơdàng Ayun Pa ờ tus blơi. Tàm tu\ hơ\, tu\ tdo neh rơcang mu\t tàm kàl lồi du\t kàl lơh tào dê, mờ mu\t tàm kàl prang dờng tai, broă gơbàn ồs sa tào pơn jăt sùm gơbàn, mò Thuý kờ` tăc jơh 6 lồ tào mờ pal dờp 1 khà priă hoàc huơr:

-Bè hìu a` tàm ală nam do ờ dờp geh broă bơcri priă bơh hìu măy, mơya hìu măy gam ai bol a` tơngai sreh tào. Làng bol lơm gơdê, nam do den hìu măy đơs ală cau ờ lơh broă bal bơcri priă là ờ blơi. Tu\ do, làng bol tăc ờ gơtùi, mìng geh bơh 5 tus 6 tơlăk priă tàm 1 lồ. Mìng is hìu a`, a` kờp là roh gời 200 tơlăk priă, gam tơngai 2 nă ùr bơklao lơh tai kung ờ geh sơl, mờ tu\ do kung pal dờp jơh, he ờ gơtùi đơs, mờ hìu măy neh đơs là ờ blơi.

Ală kơnhoàl, thị xã hờ đah jum măt tơngai l^k càr Gia Lai, tàm hơ\ geh kơnhoàl Phú Thiện, Ia Pa, Krông Pa mờ thị xã Ayun Pa geh bă ù tam tào mờr 13 rơbô lồ mờ geh UBND càr Gia Lai ai tiah tam tào do ai hìu măy sơdàng Ayun Pa gơwèt Công ty TNHH MTV Thành Thành Công Gia Lai.

                                           Mò Thuý ờ su\k ơm tài ngòt tào ờ g^t tăc mờ cau lơi

Jăt khà kờp den geh di pơgăp bơh 1 rơbô 200 tus 1 rơbô 500 lồ tào tàm tiah do làng bol ờ lơh broă bal mờ hìu măy sơdàng Ayun Pa. Jơh bă ù do làng bol tu\ do ờ g^t tăc mờ cau lơi tài đah hìu măy sơdàng ờ bài blơi. Ồng Mai Ngọc Quý, Phó kuang atbồ Phòng Nông nghiệp mờ Phát triển Nông thôn kơnhoàl Phú Thiện pà g^t, kơnhoàl geh rơlao 600 lồ ù tam tào làng bol ờ lơh broă bal mờ hìu măy.

Tềng đăp mờ ală jơnau dan, jơnau yal bơh làng bol, kơnhoàl neh lơh broă mờ hìu măy sơdàng Ayun Pa. Mơya, hìu măy do mìng hơ geh sền wơl, ờ hềt g^t loh di gơlan geh blơi tào làng bol in lah ờ:

-Kơnhoàl pơgồp bal mờ hìu măy sền wơl bă ù tàm kơnhoàl den tu\ do geh rơlao 600 lồ ù là làng bol bơcri priă tam is, ờ lơh broă bal mờ hìu măy sơdàng. Broă do den kal ke ngan tus mờ làng bol. Bơh tu\ broă, den hìu măy sơdàng kung geh sră nggal hơ là tềng đăp măt kàl tơnhào do, hìu măy ai blơi lài ală hìu geh broă lơh bal, tơnơ\ mờ hơ\, hơ\ sồng kơlôi tus mờ bă ù tam tào bơh ală hìu tam is.

Bè đah Công ty TNHH MTV Thành Thành Công Gia Lai, ồng Nguyễn Bá Chủ, Chủ tịch Công ty pà g^t, nam do broă lơh hìu măy sơdàng tìp uă kal ke. G^t lài bơta kal ke, den tàng tu\ tơn jơh kàl lơh sa lài, đah công ty neh tơl^k rơndăp broă ai kàl lơh sa tơnơ\ tai mờ bă ù tam di pơgăp 11 rơbô 500 lồ mờ 4 rơbô nă làng bol lơh broă bal mờ công ty.

                                Mò Thuý dờp mờ broă tăc 1 lồ tào mìng geh 5 tơlăk priă

Khà bă ù do neh tơl kờ` công ty lơh broă jăt mờ rơndăp broă, den tàng ờ blơi tào bơdìh mờ broă neh geh ai lơh. Bơdìh hơ\ tai, jăt ồng Nguyễn Bá Chủ yal, ai là jơnau mờ ală làng bol pal kơlôi sơnơngnền nòn tu\ lơh broă sa ờ ring niam, ală nam khà priă tào gơguh uă, broă lơh sa geh [uơn, công ty kờ` blơi den ờ lơh broă bal, tăc tào mờ ală cau ndai mìng kờ` geh kuơ is, geh tu\ là tơn jơh broă lơh bal mờ hìu măy mìng tài kờ` geh uă priă:

-Bi lơh broă bal mờ a` den bơh a` mờ bi ờ geh 1 kơnòl lơi, phan bi lơh geh bi geh gơnoar tăc mờ a` ha là mờ ală cau ndai, hơ\ là drà kă bro. a` ờ kờ` den a` ờ blơi.

Gam broă nam do tài bè lơi a` ờ blơi, tài a` neh geh rơndăp broă bơh nam lài, rơcang phan lơh broă nam do in, a` neh tơl den a` ờ blơi tai. Neh mu\t bal tàm broă lơh, bi kờ` lơh is den bi dờp kơnòl.

Mơya a` gam pờ gùng sơl, di lah nam do neh jơh, den nam tus, ală cau do neh g^t tìs, kờ` lơh broă bal mờ a` den bol a` ai k^ lơh broă bal. Mơya tu\ neh k^ den pal lơh broă bal niam.

Gah lơh tào sơdàng gùt lơgar gam gơbàn mờ uă kal ke tàm kàl lơh sa 2017-2018. Bơh mùl màl tàm ală kơnhoàl hờ đah jum măt tơngai l^k càr Gia Lai pà go\, kờ` mu\t bal tàm broă lơh sa ring niam tu\ tơrgùm bal, pơgồp bal lơh sa là bơta pal geh bơh làng bol bal mờ hìu măy kờ` kơl jăp tàm tu\ broă tam phà sơlơ ngai sơlơ pràn bơh gah lơh tào sơdàng gùt lơgar dê.

Cau cih mờ yal tơng^t Ndong Brawl