VOV4.K’ho - Tơnơ\ mờ 25 nam lơh, hìu sơnơm càr Dak Lak ờ mìng geh gơbàn ờ kơl jăp tai bè phan bơna mờ gam gơbàn uă bơta ờ pràn bè kham mờ sơm kòp. Tàm tu\ khà cau kòp uă rơlao 3 dơ\ jăt mờ broă geh ai, den cau lơh broă ờ tơl bơh 500 tus 80 nă.

Tềng đăp mờ bơta gal ir cau do, kuang bàng, y bác sĩ bal mờ cau lơh broă tàm hìu sơnơm càr Dak Lak pal lơh ngan kờ` drơng gàr bơta pràn kơl dang să jan cau kòp in.

Bơh àng drim gờ`, tàm gah kham, hìu sơnơm càr Dak Lak cau kòp neh tus hăt gal ngan . bu\ lah hìu sơnơm neh ai geh jơnờng nggui kơ\p, mơya ờ gam geh jờng lơi gam jơnkah tai; cau kòp pal bơtềl bal jăt gah rang đa, tềng đăp mpồng l^k mờ mu\t, lơh broă lòt rê bơh ală rơndeh chồl cau kòp gơbàn kal ke ngan.

                                      Cau kòp bal mờ cau hìu nhă ơm jăt gah rang đa hìu sơnơm

Tàm anih lơh broă bơh bác sĩ atbồ gah sơm kòp Nguyễn Ngọc Tiên, uă cau kòp kung gam săp sèng kơ\p kờ` kham. Bác sĩ Nguyễn Ngọc Tiên pà g^t:

- Tu\ do, đah kham bol a` tàm 1 ngai geh bơh 1 rơbô 200 tus 1 rơbô 400 nă cau kòp. Cau lơh broă den ờ tơl, pah ngai bol a` pal kham bơh 80 tus 100 nă cau kòp.

Geh tu\, geh ală ngai pal kham bơh 130 tus 140 nă cau kòp. Kờ` drơng mờ khà cau kòp do den ală bác sĩ pal lơh broă uă ngan. Bol a` geh mpồl cau lòt lơh broă lài mờ tu\ geh lơh broă kờ` tơn jơh gờ` cau kòp rê lài. Đơs ngan là oh mi lơh broă tàm do pal lơh ngan broă.

Jăt gah rang đa mờ tàm rồm ntùng hìu sơnơm càr Dak Lak neh gơs là anih ơm bơh uă cau hìu nhă cau kòp dê. Geh ală anih tàm rồm ntùng geh ai tus 5 nơm jơnờng, bal mờ ồi, bềl, glah, bơngàn mờ uă ngan phan bơh cau hìu nhă cau kòp dê.

                                                           Cau kòp ơm piam kòp tàm hìu sơnơm

Bi Trần Văn Thường, bơh kơnhoàl Dak Mil, càr Dak Nông gam sền gàr pơ-ùr bal mờ kòn sơm kòp tàm đah kơnòm dềt tơrgùm bal rơlao 1 nhai do pà g^t:

- Tàm đah sơm kòp hơ\ den a` go\ gal ngan. Mùl màl hăt ngan, 2, 3 nă cau b^c bal 1 nơm jơnờng, kal ke ngan tus mờ ală cau mè. Geh tu\ jơnờng ờ geh mờ nggui tàm hơ\ kờ` kơnđu kòn. Ală cau ùr nggui sùm tàm hơ\ tus trồ mang tơn. Den jăt gah rang đa do, den cau mè gàr kòn kòp, bèp gàr kòn kòp hơ\ sồng gàr jơh hìu nhă tơn. Gal ngan.

Ală đah sơm kòp, anih lơh broă tàm hìu sơnơm càr Dak Lak ndrờm gal ir lơm, mơya hăt hal ngan là đah sơm kòp kơnòm dềt tơrgùm bal.

Tàm do, geh uă jơnờng piam kòp ndrờm geh bơh 2 tus 3 nă kơnòm dềt piam kòp, bal mờ cau tàm hìu nhă sền gàr. Geh ờ uă anih lơh broă bơh bác sĩ pal lời anih cau kòp in ơm. Uă jơnờng piam kòp mờ kơ[àng lơh broă bơh y tá pal ơn jăt gah rangđa.

                                      Anih lơh broă y tá kung l^k bơdìh rang đa sơl

Atbồ đah sơm kòp kơnòm dềt, bác sĩ Trần Thị Thuý Minh pà g^t, đah sơm kòp do geh ai 126 nơm jơnờng, mơya sùm geh rơlao 200 nă kơnòm dềt piam kòp. Kuơ màng ngan, ală tu\ gơbàn kòp jơng tê bơr, kòp sốt xuất huyết, kòp nggù gơbàn geh, tàm do geh di pơgăp bơh 300 tus 400 nă cau kòp:

- Kờ` gàr niam broă lơh, đah sơm kòp kơnòm dềt tơrgùm bal neh dan mờ mpồl kuang bàng atbồ hìu sơnơm ai ơn tai jơnờng tàm jăt gah rangđa kờ` geh jờng ơm mờ sơm kòp cau kòp in.

Dơ\ 2 tai là pal tơnguh broă lơh bơh ală oh mi kờ` gàr niam broă sơm kòp. Tàm bơta gal ir cau kòp, priă tă geh kung gam ờ tam gơl mờ broă lơh bal mờ tơngai lơh broă den pal tơnguh. Jăt kơrnoăt lơh broă den ală bác sĩ lơh broă ngai lài pal lơh broă tus 10 jơ ngai tơnơ\ hơ\ sồng ơm.

Jăt jơnau yal bơh hìu sơnơm càr Dak Lak, tơnơ\ mờ 25 nam lơh mờ 500 nơm jơnờng piam kòp, tus tu\ do, phan bơna broă lơh tàm hìu sơnơm neh ờ kơl jăp tai, uă phan lơh broă neh klar.

                                Rồm ntùng hìu sơnơm gơs anih ơm ală cau sền gàr cau kòp dê sơl

Ală nam do, hìu sơnơm sùm tàm bơta gal ir cau kòp, mờ khà cau kòp geh sùm 1 rơbô 300 nă pah ngai. Ală dơ\ gal ngan tu\ gơbàn kòp nggù, sốt xuất huyết, kòp jơng tê bơr, khà cau kòp gơguh uă 3 dơ\ jăt mờ broă lơh geh ai.

Tàm tu\ hơ\, mpồl kuang bàng, y bác sĩ bal mờ cau lơh broă tàm hìu sơnơm ờ tơl uă ngan. Nam do, hìu sơnơm geh jào rơndăp broă 1 rơbô 100 nơm jơnờng piam kòp, mơya mờ khà kuang bàng, y bác sĩ lơh broă mìng geh 1 rơbô 46 nă, ờ tơl rơlao 580 nă jăt mờ khà geh ai.

Di lah kờp jăt mờ mùl màl khà cau piam kòp, den hìu sơnơm do gam ờ tơl rơlao 800 nă cau lơh broă. Jăt mờ kơrnoăt bơh Bộ Y tế, pah ngai, 1 nă bác sĩ mìng kham 45 nă cau kòp, mơya tàm hìu sơnơm càr Dak Lak geh ală ngai bác sĩ kham tus 140 nă cau kòp.

Tềng đăp mờ bơta do, bác sĩ Bùi Trưởng Phong, atbồ hìu sơnơm càr Dak Lak pà g^t, hìu sơnơm do kung ờ hềt geh broă lơh lơi bơdìh mờ broă pal lơh ngan drơng gàr bơta pràn kơl dang să jan làng bol in:

- Ờ tơl cau lơh broă bè hơ\ den bol a` geh 2 broă lơh. Lài ngan là lơh broă bal tàm biên chế mờ ờ hềt geh rơwah. Dơ\ 2 là lơh broă jăt tơngai mờ khà ờ uă ngan, mùl màl là pal lơh broă uă ngan kờ` bơsong gơs broă lơh.

Đơs ngan là pal lơh ngan kờ` gàr niam broă sơm kòp mờ kham kòp làng bol in. Mơya tàm bơta gal ir cau, uă tu\ cau lơh broă pal lơh ngan, glar bòl ngan, den kung lơh ờ niam tus mờ bơta kham sơm kòp sơl.

Broă gơbàn ờ kơl jăp bè broă lơh, gar ir uă dơ\ bè cau kòp bal mờ ờ tơl g^t nđờ rơhiang nă cau lơh broă tàm hìu sơnơm càr Dak Lak neh gơbàn jo\ nam do.

Tềng đăp mờ kal ke bè tơngai bal mờ broă lơh, kuang bàng, y bác sĩ bal mờ cau lơh broă gah lơh sơnơm pal lơh ngan kờ` lơh gơs kơnòl, mơya bơta niam broă kham, sơm kòp tàm hìu sơnơm do gơbàn bè lơi den mìng geh cau kòp dờp jơh.

Cau cih mờ yal tơng^t Ndong Brawl