VOV4.K’ho - Bơh bồ nhai 7 tus tu\ do,  gah sơm kòp bơtờp, Hìu sơnơm dờng  càr Daklak sùm gơbàn gal ngan cau tus bic  piam kòp tàm hìu sơnơm tài bơh  ua\ ngan cau gơbàn kòp mprơm gơlik mhàm. Broa\ do neh lơh gah sơm kòp do neh pal kong mờ ua\ ngan kal ke tàm broa\ sơm kòp.

            Bơh bồ sơnam tus tu\ do, gah sơm kòp neh sơm kòp di  1 rbô na\ cau gơbàn kòp mprơm gơlik mhàm. Mình is bơh bồ nhai 7 tus tu\ do,  kờp bal dùl ngai gah sơm kòp do geh dờp sơm kòp pa tus 40 na\ cau kòp, gơguh tus 5 dơ\ pơndrờm mờ bal tu\ mờ nam  2015. Bơdĩh mờ 30 jơ nờng piam kòp mùl màl geh ơn tàm  cơldu\ piam kòp gam pal  ai ơm bic  bal 2 na\ cau kòp dùl jơ nờng, gah sơm kòp do neh pal ngui tai 40 jơ nờng bơh gah  sơm kòp cah is lời tus ala\ kòp ngòt rngơt mơya gam ờ tơl anih nàng ai cau kòp in bic piam kòp. Ua\ ràng đa neh geh ngui nàng geh ơn tai jơ nờng,  rơndap tap sèng geh lơh cau kòp tàm gah sơm kòp gơ lơh khu\ kha\,  hat hal. Bác sĩ Nguyễn Hai atbồ  gah sơm kòp bơtờp ai git: “Bơta kal ke  lài jơh la ờ  tơl phan bơna, ờ geh tơl jơ nờng ai cau kòp in ơm bic, den tàng tu\ mut  tàm hìu sơnơm kung geh  lơh mờ broa\ lơh cèng is  jơ nờng lơu\. Kal ke dơ\ 2 la  mờ bơta gơguh ua\ bơh cau kòp nisơna bè do den ờ gơtùi rơndap mo di pal broa\ sơm kòp”.

            Gah sơm kòp bơtờp geh kờp jơh 6 na\ bác sĩ mơya tu\ do mìng geh 4 na\ cau lơh broa\ sơm kòp. Tềng đap mờ bơta do,  gah sơm kòp neh geh jơnau đơs mờ Mpồl đơng lam atbồ Hìu sơnơm mờ gah lơh sơnơm càr geh ai tai bác sĩ bơh ala\ gah sơm kòp ndai  tus dong bal mơya bơh ờ tơl cau lơh broa\  gam la bơta bal bơh  gah lơh sơnơm den tàng  bơta do gam  geh ua\ ngan  broa\ ờ suk.

            Bác sĩ Doãn Hữu Long atbồ gah  lơh sơnơm càr Daklak ai git:“Kờ` lơh di bơta kơp kờ` jal mhar tàm broa\ rcang sơndra\ kòp mprơm gơlik mhàm. Gah lơh sơnơm càr neh lam sồr ala\ mpồl ai bơh bơta mùl màl nàng geh ai cau lơh broa\ tàm ala\ gah sơm kòp  di pal kờ` lơh mbè lơi lơh di bơta kờ` sơm kòp bơh kòp mprơm gơlik mhàm đơs is mờ broa\ sơm kòp đơs bal. Tàm di lah mpồl ờ bơsong geh den gơtùi dong broa\ tus gah atbồ lơh sơnơm kờ`  geh ai tai cau lơh broa\ bơh ala\ anih sơm kòp tàm bơta atbồ he dê nàng  bơsong geh bơta tềng đap mat”.

            Bác sĩ Nguyễn Hai atbồ gah sơm kòp bơtờp kòp ai git tai,  tềng đap mat, hìu sơnơm geh ngui ờ ua\ cơldu\ lơh broa\ geh gơnoar ndai nàng geh ơn tai jơ nờng piam kòp ai cau kòp in geh jơnờng  piam kòp,  tơmù bơta ai ơm bic  bal 2 na\ dùl jơ nờng bè tu\ do.

            Jat jơnau yal bơh anih tờm hìu sơnơm rcang kòp lài càr Daklak, bơh bồ sơnam tus tu\ do gùt càr neh git go\  rlau 2 rbô na\ cau gơbàn kòp mprơm gơlik mhàm,  gơguh tus 11 dơ\ pơndrờm  bal mờ tu\ mờ nam 2015, tàm hơ\ neh geh dùl na\ cau chơt. Do la  kòp bơtờp ngòt rngơt ngan mờ bơtờp mhar ngan tàm nhai mìu. Dilah go\  sa\ bồ gơbàn  duh sa\ nisơna, sùm duh sa\ bơh 2-7 ngai,  geh bal jê bồ, jê reh jê ram tàm  sa\,  gơ lik mhàm tềng jơng sề,  lòt ja\ brê è jù,  gơlik toh pơrhê tàm sa\ den pal tus mờ ala\  anih lơh sơnơm  kham mờ  sơm kòp di pal.

                   Cau cih mờ yal tơnggit K’ Brọp