VOV4.K’ho - Tơngai pa do, mờ gùng dà broă lơh di pal tàm broă kham, sơm kòp mờ sră bảo hiểm y tế, lơh geh cau kòp tus kham mờ sơm kòp tàm hìu sơnơm kơnhoàl Dak Rlấp, càr Dak Nông tơnguh ni sơna. Bu\ lah gơbàn uă bơta kal ke, mơya hìu sơnơm neh lơh ngan tơnguh bơta niam tàm broă kham, sơm kòp, di pal mờ nùs nhơm kơ\p kờ` làng bol dê.

Bơh àng drim gờ` tàm tiah wă cau kòp hìu sơnơm kơnhoàl Dak Rlấp, càr Dak Nông neh tơrgùm gal ngan cau kòp tus kơ\p kờ` kham kòp. Tàm ală khoa, jơdu\ lơh broă ndai kung sùm tàm bơta geh gal cau kòp tus ơm piam kòp. Kuơ màng ngan, tàm tu\ tam jào kàl, khà cau kòp tus kham, sơm kòp gam tơnguh uă dơ\ rơlao.

Ồng Phạm Ngọc Khánh, kis tàm mpồl 3, thị trấn Kiến Đức, kơnhoàl Dal Rlấp gơbàn kòp đồm sơdàng neh rơlao 10 nam do. Mờ kòp do, ồng neh lòt kham mờ sơm kòp tàm uă hìu sơnơm tàm gùt lơgar. Tu\ rê tàm [òn, ồng sùm tus hờ hìu sơnơm kơnhoàl kờ` sơm kòp. Ồng Khánh mu\t piam kòp tàm hìu sơnơm mờ broă gơbàn jê tềng bu\t, ờ tơl mhàm mu\t tàm nùs bal mờ huyết áp gơguh uă, do là kòp gơrềng bơh kòp đồm sơdàng dê. Neh 4 ngai sơm kòp tàm khoa hồi sức cấp cứu, geh broă sền gròi jơh nùs bơh ală y bác sĩ, kòp ồng dê neh gơmù mờ să bồ neh niam wơl. Ồng Phạm Ngọc Khánh đơs:

- Tu\ do tus tàm hìu sơnơm a` go\ tàm tu\ hìu sơnơm gam lơh, uă broă gam gơlời, mơya broă jơh nùs bơh cau lơh sơnơm dê. Tu\ do a` ơm piam kòp tàm do neh tus ngan dơ\ 4, go\ nùs, huyết áp neh niam, oh mi y bác sĩ jơh nùs ngan tàm broă lơh, drơng nền nòn ngan tus gùng tus dà.

Hìu sơnơm kơnhoàl Dak Rlấp geh 186 jơnờng piam kòp. Bơh bồ nam tus tu\ do, hìu sơnơm do neh dờp kham mờ sơm kòp mờr 21 rơbô nă cau in, tơnguh mờr 10 rơbô dơ\ jăt mờ tu\ do nam lài. Bu\ lah hìu sơnơm sùm gam tàm bơta gal ir cau piam kòp, mờ bơta pràn ngui jơnờng piam kòp tus 150%, mơya kuang bàng, y bác sĩ bal mờ cau lơh broă neh lơh ngan drơng mờ broă lơh niam ngan. Điều dưỡng Phạm Thị Thu Trang pà g^t:

- Kờ` tơnguh niam nùs nhơm cau lơh sơnơm dê, den gơwèt mờ ală cau kòp neh kra, nùs nhơm ờ niam tài kòp tê jê să lơh, den he pal sùm còp să, pơn jồh mờ pơ-rài nùs nhơm kờ` cau kòp iang nùs sơm kòp, sền cau kòp bè là cau hìu nhă tòm. Tơnơ\ mờ 5 nam lơh broă, den tàm tơngai do a` kung geh tus bal 1 ơdu\ bơto bè broă lơh mờ tus pơrjum bè broă lơh sơnơm kờ` dong kờl is mờ tơnguh bơta g^t wă tàm broă lơh să tòm in uă ngan.

Tềng đăp mờ broă kờ` kham, sơm kòp sơlơ ngai sơlơ tơnguh, bơh bồ nam tus tu\ do, hìu sơnơm kơnhoàl Dak Rlấp neh geh bơtơl tai 40 nă kuang bàng, cau lơh broă, tàm hơ\ geh 13 nă bác sĩ. Tus tu\ do, hìu sơnơm do neh geh 165 nă kuang bàng, cau lơh broă sa priă nhai mờ 36 nă bác sĩ, 1 nă thạc sĩ mờ 5 nă bác sĩ chuyên khoa 1.

Hìu sơnơm pơn jăt tai bơcri priă kờ` blơi tai phan lơh sơnơm, drơng tàm broă kham, sơm kòp. Tàm bơta khà kes priă kơnhoàl gơbàn kal ke, hìu sơnơm neh hòi jà gùt mpồl bơtiàn tus bơcri priă bal kờ` blơi tai 4 nơm phan lơh sơnơm pa bè: măy X-quang kỹ thuật số, măy siêu âm 4D, măy sinh hoá mờ măy huyết học.

Bác sĩ Nguyễn Đức Tính, atbồ khoa kham – Cấp cứu – Hìu sơnơm kơnhoàl Dak Rlấp pà g^t, ală nam lài, pah ngai hìu sơnơm mìng dờp kham mờ sơm kòp di pơgăp bơh 60 tus 70 nă cau kòp. Mơya, bơh bồ nam tus tu\ do, pah ngai hìu sơnơm pal dờp rơlao 100 nă cau kòp. Ală ngai gal ngan, khà cau kòp tus kham mờ sơm kòp tus mờr 400 nă. Broă lơh geh uă tus mờ kuang bàng, y bác sĩ bal mờ cau lơh broă tàm hìu sơnơm, mơya do là bơta tơngo\ niam, chờ, tài làng bol sơlơ ngai sơlơ pin dờn tàm broă sơm kòp, bal mờ phan lơh broă tàm hìu sơnơm dê. Bác sĩ Nguyễn Đức Tính đơs:

- Neh tơngo\ nùs nhơm lơh broă bal mờ broă lơh bơh oh mi tàm hìu sơnơm do neh tơnguh niam, gàr geh cau kòp jroă ơm piam kòp tàm hìu sơnơm, geh uă cau kòp tus sơm kòp ndrờm geh sơm bời, tơmù uă ngan broă ntrờn hìu sơnơm, den tàng cau kòp pin dờn ngan. Tu\ do, hìu sơnơm neh wă geh uă ngan cau kòp jroă mờ lài do ală cau ndrờm tus tàm ală hìu sơnơm dờng rơlao, mơya tu\ do neh rê tàm do sơm kòp làng bol iang nùs nhơm.

cau cih mờ yal tơng^t Ndong Brawl