VOV4.K’ho- Là dùl anih kham sơm kòp tàm hìu sơnơm ling klàng, Hìu sơnơm ling klàng làng bol lơh bal- Gah đơng lam ling klàng càr Dak Nông, mìng lơh uă kơnòl broă sền gròi pràn kơl dang să jan mờ kham sơm kòp ai kuang bàng, cau ling bơh gah đơng lam ling klàng càr dê. Bơdìh mờ hơ\, ală cau lơh sơnơm ling klàng tàm do jơh nùs tă pơgồp tàm broă lơh bơh kơnă hìu sơnơm hờđơm tàm càr Dak Nông dê bơh ală boă lơh kham sơm kòp ai làng bol tàm tiah do in.

Dùl tàm ală cau geh g^t go\ mờ sơm bời di tu\ bơh sơn rờp tàm hìu sơnơm ling klàng làng bol lơh bal, Gah đơng lam ling klàng càr Dak Nông là Binh nhì Đoàn Văn Hoà, di Trung đội 4, Đại đội 9, Tiểu đoàn 301. Bi Hoà gơtìp ờ niam tàm leh tơnơ\ dơ\ lòt ling pa tàm bồ nam do. Tài bơh kơ lôi là jê ndul bè ờs den bi ờ yal mờ kuang bàng kơnă hơđang. Bal mờ broă lơh pơlam tàp ling ngai sơlơ uă tơnơ\ hơ\, bơta jê bơh Đoàn Văn Hoà dê gơ tìp kơn jơ\ ngan rlau tai. Tu\ geh jun tàm hìu sơnơm, bơta kòp bơh bi dê geh sền go\ mơ mờ ai ală broă lơh nàng sơm bời di pal.

Tàm tu\ lơh broă tài bơh jê uă ir den neh geh mpồl lơh broă jun tàm hìu sơnơm nàng ală bác sỹ in sơm kòp, tàm 2 poh pa do, a` neh geh bác sỹ jơh nùs ngan sơm kòp den tu\ do să jan neh pràn, kung hùc sơnơm tơm ba sùm pah ngai nàng mhar rê lơh broă tàm mpồl ling tai. Tu\ pa g^t, den ală bác sĩ kung jơh nùs lơh ngan sơm kòp, kham kòp mờ jat sền sùm nàng kòp ờ gơbàn wơl tai.

Bal mờ kuang bàng, cau ling Gah đơng lam càr Dak Nông dê, gam geh uă ngan làng bol tàm thị xã Gia Nghĩa tus kham, sơm kòp tàm hìu sơnơm. Mò Hà Thị Xuất, ơm tàm [òn Dak R’Moan, xã Dak R’Moan, thị xã Gia Nghĩa là dùl tàm ală cau kòp kuèng mat ngan mờ sùm tus sơm kòp ală kòp cau kra dê bè jê but, jê ntìng gòr ngkời, jê bồ.

Mò Hà Thị Xuất pà g^t, tài hìu bơnhă kal ke, den geh sơm bời tàm tiah do là dùl bơta bơtoah bơtoài ngan:

A` tus tàm do kung uă dơ\ ngan, gơbàn kòp a` tus tàm do lơm, geh ngai kòn sau kòp kung tus tàm do den bác sĩ tu\ neh kham kung ai priă ờ uă ir sơl, tài bơh mè bèp neh sang lời sau bơh jo\, tu\ do ơm mờ mò neh 10 nam do. Uă dơ\ a` lòt kham kòp tàm hìu sơnơm ndai mơya ờ go\ bời den a` tus kham tam hìu sơnơm do den go\ bác sĩ tàm do jơh nùs ngan, jơh kham den ai sơnơm hùc tơn.

Nàng tơnguh uă cồng nha kham sơm kòp, hìu sơnơm ling klàng làng bol lơh bal tàm thị xã Gia Nghĩa neh bơcri priă blơi uă phan bơna, ma\y mok pa lơm, geh 1 nơm rơndeh sơnơm, 1 nơm ma\y sinh hoá tự động, 1 nơm máy xét nghiệm huyết học, 1 nơm ma\y điện tim, 1 bộ bơsong kĩ thuật số X quang, 1 nơm ma\y photo phim laser, 20 nơm jơnờng piam kòp lơh mờ lòs, 20 nơm tùh ơn hơđang bồ jơnờng, mờ khà priă pơgap 5 tơmàn. Den tàng bè hơ\, bulah mìng geh 10 biên chế ai cau lơh broă in, tàm hơ\ geh ală y bác sĩ mờ điều dưỡng, ală mpồl lơh broă sùm lơh jơh gơnoar broă geh jàu, kham sơm kòp bơh 30 tus 50 dơ\ cau kòp pah ngai. Trung úy, Bác sĩ Ngô Quang Lịch, pà g^t:

Hìu sơnơm den geh ală bơta krơi pơn drờm mờ ală anih kham sơm kòp ndai tàm bơdìh, hơ\ là sơm kòp dong kờl làng bol tàm tiah gùt dar thị xã mờ ală kơnhoàl tiah sar lơgar ngài tàm càr dê. Broă kham sơm kòp den ờ ai priă drơng broă mờ kham ờ sa priă ai làng bol in, priă blơi sơnơm kung geh ta\c mờ khà priă ờ hoan kas ai làng bol in jat tơngume “ dong kờl làng bol là tờm ngan”

Ờ mìng drơng broă kham sơm kòp ai ling klàng, làng bol in, Hìu sơnơm ling klàng làng bol lơh bal- Gah đơng lam ling klàng càr Dak Nông, gam lơh uă ngan broă lơh ngan ngồn nàng làng bol tiah sar lơgar ngài, cau geh rài kis kal ke geh bơta dong kờl tàm broă kham sơm kòp.

Pah nam, mpồl lơh broă tus bal kham sơm kòp phàt sơnơm ai pơgap 1.200 nă cau kòp in tàm tiah sar lơgar ngài, bơto pơlam làng bol in bè broă sa `ô kloh niam, rcang sơndră mờ bàr pe bơta kòp bơtờp ờs mờng, tus bal tuah wàs ru\ rơm mờ lơh niam wơl tiah ơm kis tàm [òn lơgar. Đại úy Lê Sơn Hải, Kuang atbồ hìu sơnơm ling klàng làng bol lơh bal- Gah đơng lam ling làng càr Dak Nông dê pà g^t:

Pah nam kung jat gùng dà broă lơh bơh quân ủy dà lơgar kung bè quân khu tus bal tàm broă kham sơm kòp, hòi jà làng bol tiah sar lơgar ngài bơsong bơta kal ke, bơto pơlam bè rài kis kloh niam nàng làng bol in geh jơnau g^t wă rlau tai tàm broă rcang sơndră bàr pe bơta kòp ờs mờng nàng làng bol in geh bơta g^t wă rlau tai sề gròi pràn kơl dang să jan, kơl jap bè lơh sa, chính trị nàng tơnguh uă rài kis sơnơm tơm ba làng bol tàm tiah do dê.

Ngac ngar nùs nhơm lơh broă sơnơm tơmba, jrô ơnàng bơta g^t chài, ală bác sĩ hìu sơnơm ling klàng làng bol lơh bal- Gah đơng lam ling klàng càr Dak Nông dê neh tơngo\ nùs nhơm bơh “ cau ling wa Hồ” sùm lơh jơh niam kơnòl broă tàm ală gah. Do geh là anih pin dờn ngan mờ làng bol tàm thị xã Gia Nghĩa, càr Dak Nông dê pơyoa jơh bơta pin dờn tu\ sền gròi pràn kơl dang să jan.

Cau mblàng K’ Hạnh