VOV4.K’ho - Tàm ntum geh rơlao nggùl khà kờp làng bol là kòn cau, rài kis lơh sa gam uă kal ke, uă nam do, hìu sơnơm ntum Dur Kmăn, kơnhoàl Krông Ana, càr Dak Lak sùm lơh sa tàm broă drơng gàr bơta pràn kơl dang să jan làng bol in, pơgồp bal tàm broă tơnguh bơta niam rài kis làng bol.

Ngài mờ tiah tàm gùl kơnhoàl Krông Ana pơgăp 10 kơi sồ, hìu sơnơm ntum Dur Kmăn bơh lài do neh gơs là anih kham, sơm kòp ờs mờng ngan làng bol ală kòn cau dê. Ntum Dur Kmăn geh 7 [òn, tàm hơ\ geh 4 [òn làng bol kòn cau kis bơh lài. Làng bol kis mìng kơnờm mờ broă lơh sa suơn sre, khà hìu rơ[ah geh rơlao 20%. Rài kis kal ke, jơnau g^t wă bè broă sền gàr pràn kơl dang să jan làng bol gam ờ uă. Lài do, pah tu\ geh kòp, làng bol mìng hòi bơjơu jơnang duh khoai jăt bơhiàn. Cau ùr mờng deh kòn tàm hìu mờ ờ geh cau lơh sơnơm đơng deh. Tềng đăp mờ bơta do, mpồl kuang bàng cau lơh sơnơm tàm hìu sơnơm ntum Dur Kmăn bal mờ cau lơh broă bal tàm [òn sùm tus còp ală hìu nhă, lam sồr, bơto sồr làng bol tàm broă sền gàr bơta pràn kơl dang să jan. Bal mờ broă tơnguh bơtàu lơh sa mpồl bơtiàn, jơnau g^t wă làng bol dê geh rơhời tơnguh. Ală bơhiàn ờ niam, pin pơrdar rơhời geh sơbì. Làng bol neh tus hờ hìu sơnơm pah tu\ gơbàn kòp tê jê să. Broă deh kòn is tàm hìu neh gơmù uă. Nam 2015 mờ 6 nhai bồ nam 2016, khà cau tus deh kòn tàm hìu sơnơm do neh tus 97%, khà cau ùr geh bun geh kham tơl tàm 9 nhai geh rơlao 80%.

Lo\ H’ Luyn H’Mok, kis tàm [òn Krang, geh bơklao cèng tus hìu sơnơm ntum Dur Kmăn kờ` kham bun đơs: “A` tus tàm do kờ` kham bun 2 nhai tàm 1 dơ\. Ală kuang bàng lơh sơnơm tàm do `hăp `har jơh nùs ngan tàm broă lơh”.

Bơdìh mờ broă kham, sơm kòp làng bol tàm hìu sơnơm, broă kham sơm kòp tàm [òn lơgar kung geh ală kuang bàng lơh broă tàm hìu sơnơm ntum Dur Kmăn sền kuơ ngan. Bè ồng Y L’Hút E`uôl, 86 sơnam, kis tàm [òn Dur 1 gơbàn as jơng dờng bè jơng rơwas den tàng broă lòt rê gơbàn kal ke ngan. Hìu sơnơm ntum do neh sồr kuang bàng sùm tus còp, kham ồng in. Lo\ H’ Lui Niê, kòn ùr ồng Y L’Hút E`uôl pà g^t: “Bàr pe nhai do ồng gơbàn ờ kah, tài kòp tê jê să uă, mờ gơbàn ờ ngăc ngar tai. Tàm hìu sơnơm kuang bàng sền gròi uă ngan, geh tu\ tus tàm hìu kờ` còp ồng”.

Đơs bè broă drơng gàr bơta pràn kơl dang să jan làng bol tàm ntum in, Y sĩ Võ Hương, kuang atbồ hìu sơnơm ntum Dur Kmăn pà g^t: “Broă kham, sơm kòp tàm do geh 2 broă lơh. Lài ngan là kham tàm hìu sơnơm do tơn, dơ\ 2 là kham tàm hìu làng bol ai ală cau là kòn cau geh rài kis kal ke hìu nhă ờ geh cau ròng siam, cau koe\t kơl te, cau gơbàn kòp jo\ tơngai ờ gơtùi lòt rê den hìu sơnơm geh tơl^k măt, lơh jăt broă kham jăt tơngai ha là ni sơna tu\ cau kòp kờ`”.

Ală broă lơh ngan bơh ală kuang bàng, cau lơh sơnơm tàm ntum Dur Kmăn neh pơgồp bal tàm broă dong kờl ntum Dur Kmăn uă nam tơn ờ gơbàn kòp gơtòp uă.

Ù tiah ơnàng, khà kờp làng bol gal, gùng lòt kal ke, mờ geh gal làng bol kòn cau tai, den tàng ală kuang bàng, cau lơh sơnơm tàm hìu sơnơm ntum Dur Kmăn pal lơh ngan uă rơlao tai kờ` lơh niam broă sền gàr bơta pràn kơl dang làng bol in. Jăt y sĩ Võ Hương đơs, hìu sơnơm ntum Dur Kmăn geh pơn jăt tai tơnguh jơnau lam sồr, tơnguh jơnau g^t wă làng bol in tàm ală gah: deh dùh di kơrhia tàm hìu nhă; sơndră mờ jòr, ờ pràn tàm kơnòm dềt; pơs wàs kloh niam tàm [òn lơgar, kloh niam să jan… bơdìh hơ\ tai, lam sồr làng bol tus bal tàm broă blơi sră kham, sơm kòp ờ sa priă; tơnguh cồng nha tàm broă kham, sơm kòp mờ sơnơm brê, sơnơm yau…, di pal mờ broă kờ` sền gàr bơta pràn kơl dang să jan sơlơ ngai sơlơ geh uă bơta làng bol dê.

           Cau cih mờ yal tơng^t Ndong Brawl