VOV4.K’ho -  La hìu sơnơm  tiah nhàr lơgar bơh càr Daklak, bulah gam gơbàn ua\ ngan kal ke bè cau lơh broa\ kung bè phan bơna lơh broa\,  phan bơna ngui sơm kòp gam ờ tơl ua\, mơya tàm ua\ nam do, Hìu sơnơm ntum Krông Na, kơnhoàl Buôn Đôn, càr Daklak neh  la tiah geh tus kham  sơm kòp pin  dờ` ngan bơh làng bol tàm [òn lơgar, ngan la broa\ sền gàr pràn kơldang deh  dùh.

            Hìu sơnơm ntum Krông Na, kơnhoàl Buôn Đôn tàm ngai du\ pơrgon cit sơnơm,  kơnòm dềt geh tus gal ngan rlau  pơndrờm mờ ngai bè ơs. Tàm khà ua\ ngan kơnòm dềt tus cit sơnơm, geh ờ ua\ la kòn sa pa deh. Tu\ geh lùp bè tềng he deh kòn, ua\ ngan cau mè drờm đơs la deh kòn tàm hìu sơnơm ntum Krông Na. Lo\ Lang Thị Thái kis tàm [òn Trí B, ntum Krông Na ai git:“Tu\ bun, a` sùm geh tus Hìu sơnơm ntum kham bun. Tu\ jê deh, den kung tus tàm do neh geh bác sĩ đơng deh. Hìu sơnơm den rềp hìu mờ bác  sĩ đơng deh kung  chài ngan”.

            Pơgap mờ do di dùl nam, lo\ H’ Viện Hwing kis tàm [òn Ea Rông B neh  rwha hìu sơnơm ntum Krông Na kờ` deh kòn  tơnhua lo\ dê. Bơh tu\ bun,  lo\ sùm geh tus Hìu sơnơm ntum nàng kham. Tàm do, pah dơ\ kham bun,  lo\ geh cau lơh sơnơm  pơlam bè broa\ lơh mè niam,  phàt  sơnơm  pơnai sắt ờ  sa pria\, cih sơnơm kòp tu\ tơl...Kơnờm geh sền gròi nền nòn den tàng lo\ iang nùs ngan mờ pin dờ` ngan tàm cau lơh sơnơm tàm do. Lo\ H’ Viện Hwing  boh bơr:“Lài do a` deh kòn tàm Hìu sơnơm ntum Krông Na . Tàm do geh tơl phan bơna ma\y mok kham sơm kòp mờ cau lơh sơnơm kung lơh broa\ jơh nùs,  lơh broa\  jơh kơnòl”.

            Kơnờm geh lơh niam broa\ sền gàr pràn kơldang sa\ ja` deh dùh, Hìu sơnơm ntum Krông Na neh gơ gơs la anih tus kham sơm kòp geh ua\ ngan cau ùr bun  rwah geh, dne tàng, khà cau deh kòn tàm hìu sơnơm ntum do slơ ngai slơ ua\. Kờp bơh bồ  sơnam tus  jơh nhai 9 nam 2016, gùt ntum geh 50 na\ kòn se geh deh tàm hìu sơnơm ntum do, gơlin tus 2 dơ\ pơndrờm mờ bal tu\ mờ nam  2015. Ala\ khà bè kham bun,  kham kòp cau ùr, ngui ala\ broa\ lơh pleh bun pa ngan...drờm geh tơl khà jàu mờ  sơrlèt rlau broa\ jàu. Ùr đơng deh Hồ Thị Hồng, cau kuang lơh broa\  drơng broa\ sền gàr pràn kơldang sa\ ja` deh dùh bơh Hìu sơnơm ntum Krông Na ai git:“Kơnờm lơh broa\ jơh nùs tàm broa\ lơh mblàng pơlam bơh broa\ lơh  bal lơh sơnơm, bulah kis tàm tiah sar lơgar ngài, tiah ua\ ngan kal ke, mơya  ua\ làng bol neh tus Hìu sơnơm ntum nàng deh kòn”.

            Bơh bồ sơnam  2016 tus tu\ do,  broa\ lơh “ Kờ` bal nđùr cau ùr” geh mut lơh tàm Hìu sơnơm Krông Na mờ ala\ broa\ lơh bè geh ngui ala\ broa\ lơh kham sơm kòp deh dùh tơl khà niam, bơtàu tơngguh bơta pràn bè yal tơnggit lơh mè niam tus mpồl cau lơh sơnơm neh gơ hòi slơ ngai slơ  geh ua\ oh mi cau ùr tàm sơnam  deh dùh  neh tus tàm hìu sơnơm ntum. Ùr đơng deh Hồ Thị Hồng ai git:“Bol a` neh tus tơl hìu, dong mblàng tus ala\ cau mè bun broa\ sền gàr bun,  deh kòn niam. Tàm hìu sơnơm ntum,  bol a` geh  tơl ala\ broa\ lơh đơng deh, kham kòp cau ùr..”.

            Bulah gam  ua\ ngan kal ke, ờ tơl srap bơta, mờ la tiah sar  lơgar ngài mơya mờ bơta lơh ngan bơh mpồl cau kuang lơh sơnơm tàm Hìu sơnơm ntum Krông Na, bal mờ broa\ bơcri bơh ala\ broa\ lơh sền gàr pràn kơldang sa\ ja`, khà sền  gàr  sa\ ja`  bơh sơnrờp  làng bol tàm do đơs bal mờ broa\ lơh sền gàr pràn kơldang sa\ ja` deh dùh tàm ntum Krông Na đơs is neh geh bơtàu tơngguh, dong tơl bơta buơn boài tus ala\ cau ùr bun tàm tu\ lòt deh, mơ kung, tơmù bơta gal ir cau  deh tàm hìu sơnơm  hơđang.

                             Cau cih mờ  yal tơnggit K’ Brọp