VOV4.K’ho - Ală nam do, hìu sơnơm Quân y 15, Binh đoàn 15, Bộ Quốc phòng neh bơcri priă blơi phan bơna lơh broă, măy mo\k, phan pa mờ bơto bơtơl cau lơh broă drơng tàm broă kham sơm kòp. Bơta do ờ mìng pà go\ broă `hăp `har tàm broă lơh, sùm tam gơl kờ` tơnguh uă bơta niam broă lơh tàm hìu sơnơm mờ gam tơngo\ khà niam bơh hìu sơnơm quân y dê tàm tiah đah tô Tây Nguyên. Tơnơ\ do là tơngu me bơh dơ\ lùp Đại tá, bác sĩ Lê Thiếu Quân, atbồ hìu sơnơm Quân y 15:

-Ơ bác sĩ, mpồl atbồ hìu sơnơm kơlôi bè lơi bè broă tơnguh bơta niam sơm kòp, kham kòp tàm hìu sơnơm?

Bác sĩ Lê Thiếu Quân: Tu\ do, cau kơlôi kham, sơm kòp kung là 1 broă lơh kuơ màng tài gơrềng tus mờ màng kis kòn bơnus. Mpồl bơtiàn sơlơ ngai sơlơ tơnguh bơtàu, broă kờ` bè bơta niam sền gàr bơta pràn kơl dang să jan sơlơ ngai sơlơ uă, ală hìu sơnơm pal geh ală tam gơl bè phan lơh broă, cau lơh broă, phan bơna kờ` tơnguh bơta niam tàm broă kham sơm kòp kờ` di pal uă ngan broă kờ` mờ wèt tus broă di nùs cau kòp in, mờ kờ` ai tơngo\ khà măt, bơngă pin dờn hìu sơnơm dê kờ` lơh broă mờ tơnguh bơtàu.

Bơh tàm jơnau g^t bè hơ\, mpồl atbồ, kuang bàng đơng lam hìu sơnơm sền gròi, sền kuơ broă tơnguh bơta ngăc ngar mpồl cau lơh broă y bác sĩ, mờ lơh ngan tu\ geh priă blơi phan lơh sơnơm pa, bơcri priă bơ\t bơtàu broă lơh, ù tiah niam, kloh, tơlir.

-Di bè hơ\, tàm tơngai do, hìu sơnơm Quân y 15 neh lơh ală broă lơh lơi kờ` tơnguh uă bơta niam sơm kòp, kham kòp ơ bác sĩ?

Bác sĩ Lê Thiếu Quân: Tàm ală nam do, hìu sơnơm neh rơcang bơto mờ uă broă lơh kờ` tơnguh bơta ngăc ngar tàm broă lơh mpồl y bác sĩ in, ngui khoa học kỹ thuật, phan lơh broă pa tàm broă sền kờ` g^t kòp, sơm kòp, lơh ngan tu\ geh broă dong kờl bơh hìu sơnơm dờng, lơh jăt broă tam jào broă lơh Hìu sơnơm geh 200 nơm jơnờng piam kòp, 12 đah, di pal mờ broă kờ` kham sơm kòp bè broă reh nội soi tiêu hoá, phan reh nội soi tồr-muh rơnồng dờ, măy nội soi klung, nội soi tồr-muh-rơnồng dờ, CT16 lát cắt, X-quang kỹ thuật số, măy xét nghiệm sinh hoá tự động, măy xét nghiệm mhàm 26 thông số…

Broă lơh niam sră nggal, ngui công nghệ thông tin tàm broă atbồ sră nggal kung geh sền kuơ. Đah kham kòp geh măy tă sồ is, geh măy mrềt, TV mờ jơnờng nggui kơ\p niam, [uơn tàm cau tus kham in. Jơdu\ kham, sơm kòp sùm kloh niam, broă lơh drơng ala sùm jơh nùs, đềt mềr, wèt tus broă lơh di pal cau kòp in. tàm ală đah lơh broă ndrờm geh thùng pơgồp jơnau đơs, lir sồ điện thoại, di tu\ go\, bơsong di tu\ ală jơnau yal bơh làng bol.

Hìu sơnơm bol a` kung sùm sền gròi sră kòp, sră nggal, broă lơh, broă sồr sơm kòp, sồr kờ` g^t kòp, di tu\ go\ uă bơta lơh ờ hềt di kờ` lơh niam wơl. Mờ cồng nha xét nghiệm jăt tơngai den geh sền gròi niam di mờ kơrnoăt, den tàng cồng nha geh niam. Bè bơdìh broă lơh den geh sùm bơta kloh niam, tơrgùm sìô siă, dà tơl^k di mờ tiah geh ai. Bơh tàm broăsền gròi, pah nam anih lơh broă geh gơnoar ndrờm geh bơta niam uă.

- Tàm tơngai tus, hìu sơnơm lơh bè lơi kờ` pơn jăt tai geh bơngă pin dờn, bơhiàn niam hìu sơnơm dê ơ bác sĩ?

Bác sĩ Lê Thiếu Quân: Tàm tơngai tus, kờ` tơnguh bơngă pin dờn mờ bơta niam tàm broă sơm kòp hìu sơnơm dê, bol a` lơh jăt ờ uă tơngu me tơnơ\ do.

Lài ngan, pơn jăt tai ai khà rơndăp broă, bơto cau lơh broă, bơta kuang bàng lơh broă, broă lơh tòm, dà lơgar bơdìh, nùs nhơm niam, broă lơh drơng ala niam, nùs nhơm cau lơh sơnơm.

Dơ\ 2 là chồl pràn rơlao tai broă ngui công nghệ thông tin bơh broă kham, sơm kòp, atbồ, đơng lam, tơmù tơngai lơh sră nggal l^k mờ mu\t tàm hìu sơnơm, atbồ nền nòn broă ai sră blơi sơnơm, phan lơh broă, bơ\t bơtàu broă lơh di pal tàm tơl đah lơh broă, tơmù bơta kal ke tàm broă wă, kham sơm kòp mờ tơm priă piam kòp.

Dơ\ 3 là atbồ niam ală khà priă tă, tơnguh rài kis ai kuang bàng, cau lơh broă, geh broă pơlam ală cau lơh broă niam mờ hòi jà geh uă cau kòp tus.

Dơ\ 4 là tơnguh gơnoar, kơnòl bơh ală mpồl lơh broă, geh sùm broă sơm kòp niam, mblàng ngui sơnơm tàm ală đah sơm kòp, chồl pràn broă lơh dược lâm sàng, sơndră mờ broă sơgràm sơnơm, ală broă lơh cận lâm sàng, tơnguh uă bơta niam lơh sơnơm, gàr niam gơnoar kuơ cau kòp.

Dơ\ 5, bơ\t bơtàu bơta niam chài tàm broă tìp mờ cau kòp, nùs nhơm mờ ală cau lơh sơnơm, ai broă lơh di nùs cau kòp lơh khà kờ` g^t mờ ai broă rơwah bơh anih kham sơm kòp cau kòp lơh tòm kờ` g^t bè bơngă hìu sơnơm.

-Ơi, dan ưn ngài bác sĩ!

Cau cih mờ yal tơng^t Ndong Brawl